ಅಕ್ಲೆಂಡ್: ಅಂದಾಜು 100 ದಿನಗಳಿಂದ ಯಾವುದೇ ಕೋವಿಡ್-19 ಸೋಂಕು ಕಾಣಿಸಿಕೊಂಡಿಲ್ಲ ಎಂದು ಎರಡು ದಿನಗಳ ಹಿಂದಷ್ಟೇ ಬೀಗಿದ್ದ ನ್ಯೂಜಿಲೆಂಡ್ನಲ್ಲಿ ಮತ್ತೆ ಕರೊನಾ ವೈರಾಣು ಸೋಂಕು ಪತ್ತೆಯಾಗಿದೆ. ಒಂದೇ ಕುಟುಂಬದ ನಾಲ್ವರಿಗೆ ಸೋಂಕು ತಗುಲಿದ್ದು, ಅದರ ಮೂಲ ಮಾತ್ರ ಇನ್ನೂ ನಿಗೂಢವಾಗಿದೆ.
ವಿಷಯ ತಿಳಿದ ನ್ಯೂಜಿಲೆಂಡ್ ಪ್ರಧಾನಿ ಜೆಸಿಂಡಾ ಆರ್ಡೆನ್, ತಮ್ಮ ದೇಶದ ಅತಿದೊಡ್ಡ ನಗರ ಅಕ್ಲೆಂಡ್ನ ಸಂಪೂರ್ಣ ಲಾಕ್ಡೌನ್ಗೆ ಆದೇಶಿಸಿದ್ದಾರೆ. ನಾವೆಲ್ಲರೂ ಒಂದಾಗಿ ಕರೊನಾ ವೈರಾಣುವನ್ನು ಸೋಲಿಸಿದ್ದೆವು. ಈಗಲೇ ನಾವೆಲ್ಲರೂ ಒಟ್ಟಾಗಿ ವೈರಾಣುವನ್ನು ಮತ್ತೊಮ್ಮೆ ಸೋಲಿಸಲು ಮುಂದಾಗೋಣ ಎಂದು ಮಂಗಳವಾರದ ಸುದ್ದಿಗೋಷ್ಠಿಯಲ್ಲಿ ಅವರು ದೇಶದ ಜನತೆಗೆ ಕರೆ ನೀಡಿದರು.
ಅಕ್ಲೆಂಡ್ನಲ್ಲಿ ಬುಧವಾರ ಮಧ್ಯಾಹ್ನದಿಂದ 3ನೇ ಹಂತದ ಮುಂಜಾಗ್ರತಾ ಕ್ರಮಗಳು ಜಾರಿಯಲ್ಲಿರಲಿದೆ. ಸಾಧ್ಯವಾದಲ್ಲಿ ಜನರು ಮನೆಯೊಳಗೆ ಇರಬೇಕು, ಹೊರಬಂದರೂ ಬೇರೊಬ್ಬರೊಂದಿಗೆ ದೈಹಿಕ ಸಂಪರ್ಕ ಹೊಂದುವಂತಿಲ್ಲ. ಈ ನಿಯಮ ಮೂರು ದಿನ ಜಾರಿಯಲ್ಲಿರಲಿದೆ. ಇನ್ನುಳಿದಂತೆ ನ್ಯೂಜಿಲೆಂಡ್ನಾದ್ಯಂತ 2ನೇ ಹಂತದ ಮುಂಜಾಗ್ರತಾ ಕ್ರಮಗಳು ಜಾರಿಯಲ್ಲಿರಲಿವೆ. ಈ ಸಂದರ್ಭದಲ್ಲಿ ಜನರು ದೈಹಿಕ ಅಂತರ ಕಾಯ್ದುಕೊಳ್ಳುವ ಜತೆಗೆ ಸಾರ್ವಜನಿಕ ಸಭೆಸಮಾರಂಭಗಳಲ್ಲಿ ಪಾಲ್ಗೊಳ್ಳುವವರ ಸಂಖ್ಯೆ ನಿರ್ಬಂಧಿಸಲ್ಪಡಲಿದೆ.
ಗಂಡನಿಗೆ ಲೈಂಗಿಕ ಸುಖ ನೀಡದಿರಲು ಹರಕೆ ಹೊತ್ತಿದ್ದೇನೆ ಅಂದಳು, ಅದಕ್ಕೆ ಆತ ಮಾಡಿದ್ದೇನು ನೋಡಿ…