ಚಾಮರಾಜನಗರ: ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಅಗಲಿಕೆ ಬೆನ್ನಿಗೇ ಅವರ ಅಭಿಮಾನಿಗಳ ಅಭಿಮಾನದ ತೀವ್ರತೆ ಒಂದೊಂದಾಗಿ ಬಯಲಾಗುತ್ತಿದೆ. ಕೆಲವರು ಆತ್ಮಹತ್ಯೆ ಮಾಡಿಕೊಂಡಿದ್ದರೆ, ಇನ್ನು ಕೆಲವರು ತಾವೂ ಹೃದಯಾಘಾತಕ್ಕೀಡಾಗಿ ಮೃತಪಟ್ಟಿದ್ದೂ ನಡೆದಿದೆ.
ವಿದ್ಯಾರ್ಥಿನಿಯೊಬ್ಬಳು ಬ್ಲೇಡ್ನಿಂದ APPU ಅಂತ ಕಾಣಿಸುವ ಹಾಗೆ ಕೈಯನ್ನು ಕೊಯ್ದುಕೊಂಡಿದ್ದಲ್ಲದೆ, ತನ್ನದೇ ರಕ್ತದಿಂದ ಕರವಸ್ತ್ರ ಹಾಗೂ ಬಿಳಿಹಾಳೆ ಮೇಲೆ ಐ ಲವ್ ಯೂ ಅಪ್ಪು, ಐ ಮಿಸ್ ಯೂ ಅಪ್ಪು ಎಂದು ಬರೆದಿದ್ದಾಳೆ. ಮೈಸೂರಿನ ಕಾಲೇಜೊಂದರ ಪಿಯುಸಿ ವಿದ್ಯಾರ್ಥಿನಿ ಯಶಸ್ವಿನಿ ಎಂಬಾಕೆ ತನ್ನ ಅಭಿಮಾನ ಹೀಗೆ ವ್ಯಕ್ತಪಡಿಸಿದ್ದಾಳೆ.
ಮೂಲತಃ ಚಾಮರಾಜನಗರ ನಿವಾಸಿ ಆಗಿರುವ ಈಕೆ ಮೈಸೂರಿನ ಹಾಸ್ಟೆಲ್ವೊಂದರಲ್ಲಿ ನೆಲೆಸಿಕೊಂಡು ವಿದ್ಯಾಭ್ಯಾಸ ಮಾಡುತ್ತಿದ್ದಾಳೆ. ಹಾಸ್ಟೆಲ್ನಲ್ಲೇ ಈ ಪ್ರಕರಣ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ. ಹೀಗೆ ಮಾಡಿಕೊಂಡಿದ್ದರಿಂದ ರಕ್ತಸ್ರಾವಗೊಂಡು ಮೈಸೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲ್ಪಟ್ಟಿರುವ ಈ ವಿದ್ಯಾರ್ಥಿನಿ ಸದ್ಯ ಪ್ರಾಣಾಪಾಯದಿಂದ ಪಾರಾಗಿದ್ದಾಳೆ. ಬಾಲ್ಯದಿಂದಲೂ ಈಕೆ ಪುನೀತ್ ಅಭಿಮಾನಿ ಎಂಬುದು ತಿಳಿದುಬಂದಿದೆ.
