ಟೋಕಿಯೋ: ಜಪಾನ್ ರಾಜಧಾನಿ ಟೋಕಿಯೋದಲ್ಲಿ ಒಲಿಂಪಿಕ್ಸ್ ಕ್ರೀಡಾಕೂಟ ನಡೆಯುತ್ತಿದ್ದು, ಭಾರತ ಸೇರಿ ನೂರಾರು ರಾಷ್ಟ್ರಗಳು ಅದರಲ್ಲಿ ಭಾಗವಹಿಸಿವೆ. ಕ್ರೀಡಾಪಟುಗಳ ಜತೆ ಸಾವಿರಾರು ಕೋಚ್ಗಳೂ ಟೋಕಿಯೋದಲ್ಲಿದ್ದಾರೆ. ಅದರಲ್ಲಿ ಇದೀಗ ಒಬ್ಬ ಕೋಚ್ ಹಾಗೂ ಕ್ರೀಡಾಪಟು ಭಾರೀ ಸುದ್ದಿಯಲ್ಲಿದ್ದಾರೆ.
ಕ್ರೀಡಾಪಟು ಒಬ್ಬಳು ಆಟಕ್ಕೆ ಸಿದ್ಧವಾಗಿ ಬರುತ್ತಾಳೆ. ಆಟಕ್ಕೂ ಮೊದಲು ಕೊನೆ ಕ್ಷಣದಲ್ಲಿ ಕೋಚ್, ಆಕೆಯ ಬಟ್ಟೆಯ ಕಾಲರ್ ಹಿಡಿದು ಜಗ್ಗಾಡುತ್ತಾನೆ. ನಂತರ ಎರಡೂ ಕೆನ್ನೆಗೆ ಒಂದೊಂದು ಏಟು ಬಾರಿಸುತ್ತಾನೆ. ಅದಕ್ಕೆ ಏನೂ ಪ್ರತಿಕ್ರಿಯಿಸದ ಕ್ರೀಡಾಪಟು ಸೀದಾ ಆಟವಾಡಲು ತೆರಳುತ್ತಾಳೆ. ಇಂತದ್ದೊಂದು ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಅಂದ ಹಾಗೆ ಆ ವಿಡಿಯೋದಲ್ಲಿರುವ ಕ್ರೀಡಾಪಟು ಜರ್ಮನಿಯ ಅಥ್ಲೀಟ್ ಮಾರ್ಟಿನಾ ಟ್ರಾಜ್ಡೋಸ್. ಆಕೆ ಜೂಡೋ ಫೈಟ್ನ 32ನೇ ರೌಂಡ್ ಆಟ ಆಡುವ ಮೊದಲು ಈ ಘಟನೆ ಸಂಭವಿಸಿರುವುದಾಗಿ ಹೇಳಲಾಗಿದೆ.
A czo tu się odpoliczkowało w ogóle?! pic.twitter.com/mX2r9rMMTA
— Mischa Von Jadczak (@michaljadczak) July 27, 2021
ಈ ಬಗ್ಗೆ ಸ್ವತಃ ಮಾರ್ಟಿನಾ ಅವರೇ ಸ್ಪಷ್ಟನೆ ನೀಡಿದ್ದಾರೆ. ನಾನು ಈ ರೀತಿ ಸುದ್ದಿಯಾಗುತ್ತೇ ಎಂದುಕೊಂಡಿರಲಿಲ್ಲ. ಇದು ನಾನೇ ಆಡುವುದಕ್ಕೂ ಮೊದಲು ಅನುಸರಿಸುವ ಕೆಲ ಕ್ರಮಗಳಲ್ಲಿ ಒಂದು. ನನ್ನ ಕೋಚ್ ನನ್ನ ಬಯಕೆಯಂತೆ ನನ್ನ ಕೆನ್ನೆಗೆ ಹೊಡೆದಿದ್ದಾರೆ ಅಷ್ಟೇ ಎಂದು ಆಕೆ ಹೇಳಿದ್ದಾರೆ. ಸಾಮಾನ್ಯವಾಗಿ ಎಲ್ಲ ಕ್ರೀಡಾಪಟುಗಳು ಆಟಕ್ಕೆ ಸ್ಫೂರ್ತಿ ತುಂಬಿಸಿಕೊಳ್ಳುವ ಸಲುವಾಗಿ ಈ ರೀತಿಯ ಕೆಲವು ವಿಶೇಷ ಕ್ರಮಗಳನ್ನು ಅನುಸರಿಸುವುದುಂಟು. (ಏಜೆನ್ಸೀಸ್)
ಮುಂದಿನ ವರ್ಷ 3ನೇ ತ್ರೈಮಾಸಿಕದಲ್ಲಿ ಚಂದ್ರಯಾನ 3; ಸಂಸತ್ತಿನಲ್ಲಿ ಉತ್ತರಿಸಿದ ಸಚಿವ
ಶಿಕ್ಷಕರರೇ ಗಮನಿಸಿ: ಇನ್ನು ಮುಂದೆ ಶಿಕ್ಷಕರ ಸೇವಾ ಸೌಲಭ್ಯಕ್ಕೆ ಭೌತಿಕ ಅರ್ಜಿ ಸ್ವೀಕರಿಸುವುದಿಲ್ಲ