ಉತ್ತರಪ್ರದೇಶ: ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಖಡಕ್ ಎಚ್ಚರಿಕೆ, ಕಟ್ಟರ್ ಹಿಂದುತ್ವದ ಕುರಿತ ಹೇಳಿಕೆಗಳ ಮೂಲಕ ಆಗಾಗ ಸದ್ದು ಮಾಡುತ್ತಲೇ ಇರುತ್ತಾರೆ. ಅಂಥದ್ದೇ ಮತ್ತೊಂದು ಹೇಳಿಕೆಯನ್ನು ಅವರು ನೀಡಿದ್ದು ಇದೀಗ ಭಾರಿ ಸದ್ದು ಮಾಡುತ್ತಿದೆ.
ಈ ಸಲ ಅವರು ಅಂತಿಮಯಾತ್ರೆ ಮಟ್ಟದಲ್ಲಿ ಮಾತನಾಡಿದ್ದು, ತಪ್ಪಿತಸ್ಥರು ಸುಧಾರಣೆ ಆಗದಿದ್ದರೆ ಅವರಿಗೆ ಚಟ್ಟ ಕಟ್ಟುವುದು ಖಚಿತ ಎಂಬರ್ಥದಲ್ಲಿ ಎಚ್ಚರಿಕೆಯೊಂದನ್ನು ನೀಡಿದ್ದಾರೆ. ಅಷ್ಟಕ್ಕೂ ಯೋಗಿ ಆದಿತ್ಯನಾಥ್ ಈ ಥರ ಕಟುವಾಗಿ ಮಾತನಾಡಿದ್ದು ಯಾರ ವಿರುದ್ಧ ಎಂಬ ಕುತೂಹಲ ಸಹಜ. ಅದಕ್ಕೆ ಉತ್ತರ ಇಲ್ಲಿದೆ.
ಸಾರ್ವಜನಿಕ ಕಾರ್ಯಕ್ರಮವೊಂದರಲ್ಲಿ ಭಾಷಣ ಮಾಡಿದ ಅವರು ಲವ್ ಜಿಹಾದ್ ವಿರುದ್ಧ ಗುಡುಗಿದ್ದಾರೆ. ಮದುವೆ ಆಗಲು ಮತಾಂತರ ಆಗಬೇಕಾಗಿಲ್ಲ ಎಂದು ಅಲಹಾಬಾದ್ ಹೈಕೋರ್ಟ್ ಹೇಳಿದೆ. ಅದಾಗ್ಯೂ ಗುರುತು ಮರೆಮಾಚಿ ಹಿಂದೂ ಸೋದರಿಯರ ಜೀವನದ ಜತೆ ಚೆಲ್ಲಾಟ ಆಡಲಾಗುತ್ತಿದೆ. ಹೀಗಾಗಿ ಲವ್ ಜಿಹಾದ್ ವಿರುದ್ಧ ಸರ್ಕಾರ ಕಠಿಣವಾದ ಕಾನೂನೊಂದನ್ನು ಮಾಡಲಿದೆ. ಲವ್ ಜಿಹಾದ್ ನಡೆಸುವವರು ತಿದ್ದಿಕೊಳ್ಳದಿದ್ದರೆ ಅವರ ರಾಮ್ ನಾಮ್ ಸತ್ಯ ಯಾತ್ರೆ (ಅಂತಿಮಯಾತ್ರೆ) ಶುರುವಾಗುತ್ತದೆ ಎಂದು ಸಿಎಂ ಯೋಗಿ ಎಚ್ಚರಿಕೆ ನೀಡಿದ್ದಾರೆ. (ಏಜೆನ್ಸೀಸ್)
#WATCH Allahabad HC said religious conversion isn't necessary for marriage. Govt will also work to curb 'Love-Jihad', we'll make a law. I warn those who conceal identity & play with our sisters' respect, if you don't mend your ways your 'Ram naam satya' journey will begin: UP CM pic.twitter.com/7Ddhz15inS
— ANI UP (@ANINewsUP) October 31, 2020