ಬೀಜಿಂಗ್: ಕಾಲು ಉಳುಕಿನ ನೋವಿನಿಂದ ಆಸ್ಪತ್ರೆಗೆ ಹೋದ 25 ವರ್ಷದ ಯುವತಿ, ತನ್ನ ದೈಹಿಕ ಸ್ಥಿತಿಯ ಸತ್ಯಾಂಶ ತಿಳಿದು ಶಾಕ್ ಆಗಿರುವ ಘಟನೆ ಚೀನಾದಲ್ಲಿ ನಡೆದಿದೆ. ಯುವತಿಯು ಬಯಲಾಜಿಕಲಿ (ಜೈವಿಕವಾಗಿ) ಮತ್ತು ಕ್ರೋಮೋಸೊಮಲಿ (ವರ್ಣತಂತು) ಪುರುಷನಾಗಿ ಹುಟ್ಟಿರುವ ಆಘಾತಕಾರಿ ವಿಚಾರ ತಿಳಿದಿದೆ.
ಯುವತಿಯನ್ನು ಪೂರ್ವ ಚೀನಾದ ಜೆಜಿಯಾಂಗ್ ಪ್ರಾಂತ್ಯದ ನಿವಾಸಿ ಎಂದು ಗುರುತಿಸಲಾಗಿದೆ. ಈಕೆ ಇದುವರೆಗೂ ಒಮ್ಮೆಯು ಮುಟ್ಟಿನ ಅನುಭವ ಹೊಂದಿಲ್ಲ. ಮದುವೆ ಬಳಿಕವೂ ಗರ್ಭಿಣಿಯಾಗಲು ಸಾಧ್ಯವಾಗಿಲ್ಲ.
ಕಾಲು ಉಳುಕಿದ ನೋವಿನಿಂದಾಗಿ ಜೆಜಿಯಾಂಗ್ ಯೂನಿವರ್ಸಿಟಿ ಸ್ಕೂಲ್ ಆಫ್ ಮೆಡಿಸಿನ್ ಆಸ್ಪತ್ರೆಗೆ ಚಿಕಿತ್ಸೆಗೆಂದು ಭೇಟಿ ನೀಡಿದ್ದಳು. ಇದೇ ವೇಳೆ ಎಕ್ಷ್ ರೇ ತೆಗೆದ ವೈದ್ಯರಿಗೆ ಆಕೆಯ ದೇಹದಲ್ಲಿ ಮೂಳೆಗಳು ಬೆಳವಣಿಗೆ ಆಗಿಲ್ಲದಿರುವುದನ್ನು ಗಮನಿಸಿದ್ದಾರೆ. ಬಳಿಕ ಮತ್ತಷ್ಟು ಪರೀಕ್ಷಿಸಿದಾಗ ಆಕೆಗೆ ಗರ್ಭಾಶಯ ಅಥವಾ ಅಂಡಾಶಯ ಇಲ್ಲದಿರುವುದು ತಿಳಿದಿದೆ. ಇತ್ತ ತನ್ನ ದೈಹಿಕ ಸ್ಥಿತಿಯ ಸತ್ಯಾಂಶ ತಿಳಿದ ಯುವತಿ ಶಾಕ್ಗೆ ಒಳಗಾಗಿದ್ದಾಳೆ.
ಇದನ್ನೂ ಓದಿರಿ: ಪ್ಲೀಸ್ ಬಿಟ್ಟು ಹೋಗ್ಬೇಡ.. ಕಾಲಿಡಿದು ಗೋಗರೆದ್ರೂ ಬೈಕ್ ಏರಿ ಮತ್ತೊಬ್ಬನ ಜತೆ ಹೊರಟೇ ಹೋದ್ಳು!
ಮಹಿಳೆಗೆ ಅಪಕ್ವವಾದ ಸ್ತ್ರೀ ಲೈಂಗಿಕ ಅಂಗಗಳಿವೆ. ಆದರೆ, ಆಕೆಯ ದೇಹದಲ್ಲಿ ಪುರುಷರ ವೈ (Y) ಕ್ರೋಮೋಸೊಮ್ ಇರುವುದು, ಆಕೆಯನ್ನು ಜೈವಿಕವಾಗಿ ಪುರುಷನನ್ನಾಗಿಸಿದೆ.
ಯುವತಿಯನ್ನು ಪರೀಕ್ಷಿಸಿದ ವೈದ್ಯರು ಆಕೆಯ ದೇಹದಲ್ಲಿ ಗುಪ್ತ ವೃಷಣಗಳನ್ನು ಕಂಡುಹಿಡಿಯಲು ವಿಫಲವಾದ ಕಾರಣ, ಅವು ಕುಗ್ಗಿರಬಹುದು ಎಂದು ಹೇಳಿದ್ದಾರೆ. ಬಹುಶಃ ಪಾಲಕರು ರಕ್ತ ಸಂಬಂಧದಲ್ಲಿ ಮದುವೆಯಾಗಿದ್ದರ ಪರಿಣಾಮ ಈ ರೀತಿ ಆಗಿರಬಹುದೆಂದು ವೈದ್ಯರು ತಿಳಿಸಿದ್ದಾರೆ. ಇದರೊಂದಿಗೆ ಯುವತಿಯ ಮುಂದಿನ ಭವಿಷ್ಯದ ದೃಷ್ಟಿಯಿಂದಾಗಿ ಮನೋತಜ್ಞರ ಸಲಹೆ ಪಡೆಯಲು ಸೂಚಿಸಿದ್ದಾರೆ.
ಎಂಡೋಕ್ರೈನಾಲಜಿಸ್ಟ್ (ಅಂತಃಸ್ರಾವಶಾಸ್ತ್ರಜ್ಞ) ಡಾಂಗ್ ಫೆಂಗ್ಕಿನ್ ಅವರ ಪ್ರಕಾರ, ಯುವತಿಯ ಈ ವೈದ್ಯಕೀಯ ಸ್ಥಿತಿಯನ್ನು 46 XY ಎಂದು ಕರೆಯಲಾಗಿದೆ. ಇದು ಸಾಮಾನ್ಯವಾಗಿ ಪುರುಷ ಅಥವಾ ಸ್ತ್ರೀಯರಲ್ಲದ ಜನನಾಂಗಗಳನ್ನು ಹೊಂದಿರುವ ಪುರುಷರಲ್ಲಿ ಕಂಡುಬರುತ್ತದೆ ಎಂದು ಹೇಳಿದ್ದಾರೆ. (ಏಜೆನ್ಸೀಸ್)
ಡಿಎನ್ಎಯಲ್ಲಿ ಗೊತ್ತಾಯ್ತು ಅಪ್ಪನ 30 ಮಕ್ಕಳ ಭಯಾನಕ ಸತ್ಯ… ತಂಗಿಯಲ್ಲಿ ಒಬ್ಳು ಇವನದ್ದೇ ಲವರ್!
ಕರೊನಾ ಸೋಂಕಿನಿಂದ ಕೇಂದ್ರದ ಮಾಜಿ ಸಚಿವ, ಬಿಜೆಪಿ ನಾಯಕ ದಿಲೀಪ್ ಗಾಂಧಿ ನಿಧನ
ಅತ್ತೆಗೆ ಟಿವಿ ಹುಚ್ಚು, ಸೊಸೆಗೆ ಮೊಬೈಲ್ ಹುಚ್ಚು… ಇಬ್ಬರ ಹುಚ್ಚಿನಲ್ಲಿ ಪೊಲೀಸರು ಸುಸ್ತೋ ಸುಸ್ತು!