ನವದೆಹಲಿ: ಪಾಕಿಸ್ತಾನದಲ್ಲಿ ತಾನು ನಿರ್ಮಿಸುತ್ತಿರುವ ಚೀನಾ-ಪಾಕಿಸ್ತಾನ ಆರ್ಥಿಕ ಕಾರಿಡಾರ್ ಮತ್ತು ಗ್ವದಾರ್ ಬಂದರಿನಲ್ಲಿ ಹೊಸದಾಗಿ ನಿರ್ಮಿಸಿರುವ ಪೀಪಲ್ಸ್ ಲಿಬರೇಷನ್ ಆರ್ಮಿಯ (ಪಿಎಲ್ಎ) ನೆಲೆಯ ರಕ್ಷಣೆಯ ನೆಪದಲ್ಲಿ ಪಾಕಿಸ್ತಾನಕ್ಕೆ 4 ಅಟ್ಯಾಕ್ ಡ್ರೋನ್ಗಳನ್ನು ಮಾರಾಟ ಮಾಡಲು ಚೀನಾ ಮುಂದಾಗಿದೆ.
ಗ್ವಾದಾರ್ ಬಂದರು ಬಲೂಚಿನಾಸ್ತಾನದ ನೈಋತ್ಯ ಭಾಗಕ್ಕೆ ಅಂಟಿಕೊಂಡಂತೆ ಇದೆ. ಈ ಪ್ರದೇಶದ ಚೀನಾದ ಮಹತ್ವಾಕಾಂಕ್ಷಿ ಒನ್ ಬೆಲ್ಟ್ ಒನ್ ರೋಡ್ ಯೋಜನೆಯ ತುಂಬಾ ಮಹತ್ವದ ಭಾಗವಾಗಿದೆ. ಈ ಪ್ರದೇಶದಲ್ಲಿ ಸದಾ ಒಂದಿಲ್ಲೊಂದು ದಾಳಿಗಳು ಸಂಭವಿಸುತ್ತಲೇ ಇರುವುದರಿಂದ, ಅಲ್ಲಿನ ರಕ್ಷಣೆಯ ನೆಪದಲ್ಲಿ ಚೀನಾ ಈ ಡ್ರೋನ್ಗಳನ್ನು ಪಾಕ್ಗೆ ಕೊಡುತ್ತಿದೆ.
ಇದನ್ನೂ ಓದಿ: ಭಾರತವನ್ನು ಮಣಿಸುವ ಗುರಿ, ಭೂತಾನ್ನೊಂದಿಗೆ ಚೀನಾ ಕಿತಾಪತಿ
ವಿಂಗ್ ಲೂಂಗ್ 2 ಎಂಬ 48 ಜಿಜೆ-2 ಡ್ರೋನ್ಗಳನ್ನು ಚೀನಾ ವಿನ್ಯಾಸಗೊಳಿಸಿದೆ. ಪಾಕಿಸ್ತಾನದ ವಾಯುಪಡೆಯ ಬಳಕೆಗೂ ಲಭ್ಯವಾಗುವ ರೀತಿಯಲ್ಲಿ ಈ ಡ್ರೋನ್ಗಳನ್ನು ಜಂಟಿಯಾಗಿ ತಯಾರಿಸಲು ಚೀನಾ ಮತ್ತು ಪಾಕಿಸ್ತಾನ ಒಪ್ಪಿಕೊಂಡಿವೆ.
ಈ ಅಟ್ಯಾಕ್ ಡ್ರೋನ್ಗಳಲ್ಲಿ 12 ಗಗನದಿಂದ ಗಗನಕ್ಕೆ ಚಿಮ್ಮಬಲ್ಲ ಕ್ಷಿಪಣಿಗಳನ್ನು ಜೋಡಣೆ ಮಾಡಲಾಗಿರುತ್ತದೆ. ಟರ್ಕಿ ಸರ್ಕಾರದ ವಿರುದ್ಧ ಹೋರಾಡುತ್ತಿರುವ ಯುಎಇ ಬೆಂಬಲಿತ ಬಂಡುಕೋರರು ಚೀನಾದ ಈ ಡ್ರೋನ್ಗಳನ್ನು ಬಳಸುತ್ತಿದ್ದಾರೆ. ಇದರಿಂದಾಗಿ, ಭಾರತದ ವಿರುದ್ಧ ಉಗ್ರರು ಕೂಡ ಈ ಡ್ರೋನ್ಗಳನ್ನು ಬಳಸುವ ಸಾಧ್ಯತೆಯನ್ನು ತಳ್ಳಿಹಾಕುವಂತಿಲ್ಲ.
ಡಿಫೆನ್ಸ್ ಸ್ಟ್ಯಾಂಡಿಂಗ್ ಕಮಿಟಿಯ 11 ಸಭೆಗಳಿಗೆ ಹಾಜರಾಗಿಲ್ಲ ರಾಹುಲ್ ಗಾಂಧಿ: ಆದರೂ ಸೇನೆಯನ್ನು ಟೀಕಿಸ್ತಿದ್ದಾರೆ!