ಬೀಜಿಂಗ್: ಚೀನಾದ ಮೇನ್ಲ್ಯಾಂಡ್ನಲ್ಲಿ ಫೆಬ್ರವರಿ20ರ ವೇಳೆಗಾಗಲೇ 2.32 ಲಕ್ಷಕ್ಕಿಂತಲೂ ಅಧಿಕ ಜನರಿಗೆ COVID19 ಸೋಂಕು ತಗುಲಿದ್ದಿರಬಹುದು. ಇದು ಚೀನಾ ಅಧಿಕೃತವಾಗಿ ಪ್ರಕಟಿಸಿದ ಅಂಕಿ ಅಂಶಕ್ಕಿಂತ ನಾಲ್ಕು ಪಟ್ಟು ಹೆಚ್ಚು ಎಂದು ಹೊಸ ಸಂಶೋಧನಾ ವರದಿಯಲ್ಲಿ ಹಾಂಕಾಂಗ್ ಸ್ಕೂಲ್ ಆಫ್ ಪಬ್ಲಿಕ್ ಹೆಲ್ತ್ನ ಪರಿಣತರು ಅಂದಾಜಿಸಿದ್ದಾರೆ.
ಚೀನಾದ ನ್ಯಾಷನಲ್ ಹೆಲ್ತ್ ಕಮಿಷನ್(ಎನ್ಎಚ್ಸಿ) ಅಂದು 55, 508 ಕೇಸ್ಗಳು ಪತ್ತೆಯಾಗಿವೆ ಎಂದು ಪ್ರಕಟಿಸಿತ್ತು. ಆದರೆ ರೋಗದ ವ್ಯಾಖ್ಯಾನವನ್ನು ಅನ್ವಯಿಸಿದ್ದರೆ ಈ ಸಂಖ್ಯೆ ಇನ್ನೂ ಹೆಚ್ಚಾಗಿರುತ್ತಿತ್ತು. ಜನವರಿ 15 ಮತ್ತು ಮಾರ್ಚ್ 3ರ ಅವಧಿಯಲ್ಲಿ ಎನ್ಎಚ್ಸಿ COVID 19 ಸೋಂಕಿಗೆ ಏಳು ಬೇರೆ ಬೇರೆ ವ್ಯಾಖ್ಯಾನಗಳನ್ನು ನೀಡಿತ್ತು. ದ ಲ್ಯಾನ್ಸೆಟ್ ಜರ್ನಲ್ನಲ್ಲಿ ಪ್ರಕಟವಾದ ಅಧ್ಯಯನ ವರದಿಯಲ್ಲಿರುವ ಪ್ರಕಾರ, “ಒಂದೊಮ್ಮೆ ಐದನೇ… ವ್ಯಾಖ್ಯಾನವನ್ನು ಸರಿಯಾದ ಟೆಸ್ಟಿಂಗ್ ಕೆಪಾಸಿಟಿ ಮೂಲಕ ಸರ್ವತ್ರ ಅನ್ವಯಿಸಿದ್ದರೆ ಚೀನಾದಲ್ಲಿ ವರದಿಯಾಗಿದ್ದ 55,508 ಕೇಸ್ಗಳ ಬದಲಾಗಿ ಆ ಸಂಖ್ಯೆ 2020ರ ಫೆ.20ರಂದು 2,32,000 ಆಗಿರುತ್ತಿತ್ತು” ಎಂಬ ಅಂಶವಿದೆ.
ಸೋಂಕು ಆರಂಭವಾದಾಗ ಅದಕ್ಕೆ ಸಂಬಂಧಿಸಿದ ವ್ಯಾಖ್ಯಾನ ತುಂಬ ಸಂಕ್ಷಿಪ್ತವಾಗಿತ್ತು. ನಂತರದ ದಿನಗಳಲ್ಲಿ ಹೆಚ್ಚು ಹೆಚ್ಚು ಸೋಂಕು ಹರಡತೊಡಗಿದಂತೆ ವ್ಯಾಖ್ಯಾನವೂ ವಿಸ್ತೃತವಾಗುತ್ತ ಹೋಯಿತು. ವುಹಾನ್, ಚೀನಾ ಅಥವಾ ಇತರೆ ಕೇಸ್ಗಳ ಲಿಂಕ್ಗಳಿಲ್ಲದ ಕೆಲವು ಮೈಲ್ಡರ್ ಕೇಸ್ಗಳ ವಿಚಾರವೂ ಈ ಅಧ್ಯಯನ ವರದಿಯಲ್ಲಿ ಪ್ರಸ್ತಾಪವಾಗಿದೆ.
ಫೆಬ್ರವರಿ ತಿಂಗಳಲ್ಲಿ ಗರಿಷ್ಠ ಮಟ್ಟಕ್ಕೆ ಸೋಂಕು ಚೀನಾದಲ್ಲಿ ತಲುಪಿದ್ದು, ನಂತರ ಇಳಿಮುಖವಾಗಿದೆ. ಎನ್ಎಚ್ಸಿ ವರದಿ ಪ್ರಕಾರ ಸತತ ಎಂಟನೇ ದಿನ ಯಾವುದೇ ಮರಣ ಸಂಭವಿಸಿಲ್ಲ. (ಏಜೆನ್ಸೀಸ್)
ಡಬ್ಲ್ಯುಎಚ್ಒ ಲೀಡ್ ರೋಲ್ ಮುಂದಿನ ತಿಂಗಳು ಭಾರತಕ್ಕೆ: COVID19 ಸೋಂಕಿನ ಅವಧಿಯಲ್ಲಿ ಮಹತ್ವದ ಹೊಣೆಗಾರಿಕೆ
ಲಾಕ್ಡೌನ್ ಅವಧಿಯಲ್ಲಿ ನಿಗೂಢತೆ ಸೃಷ್ಟಿಸಿದ ದಂಪತಿ: ಇದು ಅವರ ಬೆಡ್ ರೂಮ್ ರಹಸ್ಯ!