ದೋಹಾ: ಭಾರತ ಫುಟ್ಬಾಲ್ ತಂಡದ ನಾಯಕ ಸುನೀಲ್ ಛೇಟ್ರಿ ಅಂತಾರಾಷ್ಟ್ರೀಯ ಫುಟ್ಬಾಲ್ನಲ್ಲಿ ಸಕ್ರಿಯ ಇರುವ ಆಟಗಾರರ ಪೈಕಿ 2ನೇ ಅತ್ಯಧಿಕ ಗೋಲು ಗಳಿಕೆಯ ದಾಖಲೆ ಬರೆದಿದ್ದಾರೆ. ಅರ್ಜೆಂಟೀನಾದ ತಾರೆ ಲಿಯೋನೆಲ್ ಮೆಸ್ಸಿ ಅವರ 72 ಗೋಲು ಗಳಿಕೆಯ ಸಾಧನೆಯನ್ನು ಹಿಮ್ಮೆಟ್ಟಿಸುವ ಮೂಲಕ ಛೇಟ್ರಿ ಈ ಸಾಧನೆ ಮಾಡಿದ್ದಾರೆ.
ವರ್ಷದ 36 ಸುನೀಲ್ ಛೇಟ್ರಿ ಸೋಮವಾರ ರಾತ್ರಿ ಬಾಂಗ್ಲಾದೇಶ ವಿರುದ್ಧ ನಡೆದ 2022ರ ಫಿಫಾ ವಿಶ್ವಕಪ್ ಮತ್ತು 2023ರ ಎಎಫ್ಸಿ ಏಷ್ಯನ್ ಕಪ್ ಅರ್ಹತಾ ಸುತ್ತಿನ ಪಂದ್ಯದ ವೇಳೆ 2 ಗೋಲು ಸಿಡಿಸುವ ಮೂಲಕ ಮೆಸ್ಸಿ ಅವರನ್ನು ಹಿಂದಿಕ್ಕಿದರು. ಈ ಪಂದ್ಯಕ್ಕೆ ಮುನ್ನ ಮೆಸ್ಸಿ ಜತೆಗೆ ಸಮಬಲದಲ್ಲಿದ್ದ ಛೇಟ್ರಿ ಇದೀಗ ಅಂತಾರಾಷ್ಟ್ರೀಯ ಫುಟ್ಬಾಲ್ನಲ್ಲಿ ಗೋಲು ಗಳಿಕೆಯನ್ನು 74ಕ್ಕೆ ವಿಸ್ತರಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ಅನುಷ್ಕಾ ಶರ್ಮರ ಕ್ವಾರಂಟೈನ್ ಫೋಟೋ ಕ್ಲಿಕ್ಕಿಸಲು ಕೊಹ್ಲಿ ಪಟ್ಟ ಶ್ರಮವನ್ನು ವಿವರಿಸಿದ ಮಹಿಳಾ ಕ್ರಿಕೆಟರ್!
ಹಾಲಿ ಆಟಗಾರರ ಪೈಕಿ ಪೋರ್ಚುಗಲ್ನ ಸೂಪರ್ ಸ್ಟಾರ್ ಕ್ರಿಶ್ಚಿಯಾನೊ ರೊನಾಲ್ಡೊ 103 ಗೋಲು ಗಳಿಕೆಯೊಂದಿಗೆ ಅಗ್ರಸ್ಥಾನದಲ್ಲಿದ್ದಾರೆ. ಭಾರತದ ಸ್ಟಾರ್ ಛೇಟ್ರಿ 73 ಗೋಲು ಗಳಿಸಿರುವ ಯುಎಇಯ ಅಲಿ ಮಬ್ಕೌಟ್ ಅವರನ್ನೂ ಹಿಂದಿಕ್ಕಿದ್ದಾರೆ. ಇದರಿಂದ ಮೆಸ್ಸಿ ಈಗ 4ನೇ ಸ್ಥಾನಕ್ಕೆ ಕುಸಿತ ಕಂಡಿದ್ದಾರೆ.
.@chetrisunil11 🤝 @stimac_igor
All gone according to plan for these two! ❤️
🇮🇳 𝟐-𝟎 🇧🇩#BANIND ⚔️ #WCQ 🏆 #BackTheBlue 💙 #IndianFootball ⚽ pic.twitter.com/w3Oq44Fln9
— Indian Football Team (@IndianFootball) June 7, 2021
ಛೇಟ್ರಿ ದಾಖಲೆಯ ನೆರವಿನಿಂದ ಭಾರತ ತಂಡ ಫಿಫಾ ವಿಶ್ವಕಪ್ ಅರ್ಹತಾ ಸುತ್ತಿನಲ್ಲಿ 6 ವರ್ಷಗಳ ಬಳಿಕ ಗೆಲುವು ದಾಖಲಿಸಿದ್ದು, 20 ವರ್ಷಗಳ ಬಳಿಕ ವಿದೇಶದಲ್ಲಿ ಗೆಲುವಿನ ಸಾಧನೆಯನ್ನೂ ಮಾಡಿದೆ. ಛೇಟ್ರಿ ಈಗ ುಟ್ಬಾಲ್ನ ಸಾರ್ವಕಾಲಿಕ ಗರಿಷ್ಠ ಗೋಲು ಸ್ಕೋರರ್ಗಳ ಟಾಪ್ 10 ಪಟ್ಟಿ ಪ್ರವೇಶದಿಂದಲೂ ಕೇವಲ ಒಂದು ಗೋಲು ಹಿಂದಿದ್ದಾರೆ. ಸದ್ಯ ತಲಾ 75 ಗೋಲು ಗಳಿಸಿರುವ ಕುವೇಟ್ನ ಬಶರ್ ಅಬ್ದುಲ್ಲ, ಹಂಗೆರಿಯ ಸ್ಯಾಂಡರ್ ಕೋಕ್ಸಿಸ್ ಮತ್ತು ಜಪಾನ್ನ ಕುನಿಶಿಗೆ 10ನೇ ಸ್ಥಾನದಲ್ಲಿ ನೆಲೆಸಿದ್ದಾರೆ.
ಭಾರತ ಪರ 3 ದಶಕಗಳಲ್ಲಿ ಗೋಲು ಬಾರಿಸಿದ ಮೊದಲ ಆಟಗಾರರೆಂಬ ವಿಶೇಷ ದಾಖಲೆಯನ್ನೂ ಛೇಟ್ರಿ ಬರೆದಿದ್ದಾರೆ. ಅವರು 2007ರಲ್ಲಿ ಭಾರತ ಪರ ಮೊದಲ ಗೋಲು ಬಾರಿಸಿದ್ದರು. ಇದೀಗ 2000, 2010 ಮತ್ತು 2020ರ ದಶಕದಲ್ಲಿ ಗೋಲು ಬಾರಿಸಿದ ದಾಖಲೆ ನಿಮಿರ್ಸಿದ್ದಾರೆ.
ಕ್ರಿಕೆಟ್ ಆಡುವ ಎಲ್ಲರಿಗೂ ಸಿಕ್ಸ್ ಪ್ಯಾಕ್ ಇರಬೇಕಾಗಿಲ್ಲ, ಪಾಕ್ ಕ್ರಿಕೆಟಿಗನಿಗೆ ಪ್ಲೆಸಿಸ್ ಬೆಂಬಲ