ರೂಬಿಕ್ ಕ್ಯೂಬ್ಸ್ ಆಟ ಒಂದು ಒಗಟಿನಂತೆ. ಆರೂ ಆಯಾಮಗಳಲ್ಲಿ ಒಂದೇ ತರಹದ ಬಣ್ಣ ಹೊಂದಿಸುವುದು ದೊಡ್ಡ ಸವಾಲು. ಅದೆಷ್ಟೋ ಜನ ಈ ಆಟವನ್ನು ಆಡುತ್ತಾರೆ. ಒಂದೆರಡು ಆಯಾಮಗಳನ್ನು ಸರಿಪಡಿಸುವವರು ತುಂಬ ಜನರಿದ್ದಾರೆ. ಹಾಗೇ ಕೆಲವರು ಆರೂ ಬದಿಗಳನ್ನೂ ಸೆಟ್ ಮಾಡುವ ಜಾಣ್ಮೆಯುಳ್ಳವರನ್ನೂ ನೋಡಿದ್ದೇವೆ.
ಆದರೆ ಇಲ್ಲೊಬ್ಬ ಯುವಕ ಈ ರೂಬಿಕ್ ಕ್ಯೂಬ್ನ್ನು ಅತ್ಯಂತ ವಿಭಿನ್ನವಾಗಿ ಆಡಿ, ಗಿನ್ನೀಸ್ ವಿಶ್ವ ದಾಖಲೆ ಪಟ್ಟಿ ಸೇರಿದ್ದಾನೆ.
ಇಳಯರಾಮ್ ಶೇಖರ್ ಎಂಬಾತ25 ವರ್ಷದ ಯುವಕ. ಇವರು ಅಂಡರ್ ವಾಟರ್ನಲ್ಲಿ ಉಸಿರು ಕಟ್ಟಿಕೊಂಡು ಕುಳಿತು ಆರು ರೂಬಿಕ್ ಕ್ಯೂಬ್ನ ಆರೂ ಆಯಾಮಗಳನ್ನು ಸರಿಯಾಗಿ ಹೊಂದಿಸಿದ್ದಾರೆ.
ಎರಡು ನಿಮಿಷ 17 ಸೆಕೆಂಡ್ಗಳ ಕಾಲ ಉಸಿರುಕಟ್ಟಿ ನೀರಿನೊಳಗೆ ಕುಳಿತು ಟಾಸ್ಕ್ ಪೂರ್ಣಗೊಳಿಸಿದ ಇವರ ಚಾಕಚಕ್ಯತೆಗೆ ಇದೀಗ ಜಗತ್ತೇ ಬೆರಗಾಗಿದೆ. ಇದನ್ನೂ ಓದಿ: ಎರಡು ಸಲ ಮೃತಪಟ್ಟ 12 ವರ್ಷದ ಬಾಲಕಿ; ಶವಕ್ಕೆ ಸ್ನಾನ ಮಾಡಿಸುವಾಗ ಬೆಚ್ಚಿಬಿದ್ದ ಪಾಲಕರು
2013ರಿಂದಲೂ ಶೇಖರ್ ರೂಬಿಕ್ ಕ್ಯೂಬ್ಸ್ ಹೊಂದಿಸುವ ಅಭ್ಯಾಸ ಮಾಡುತ್ತಿದ್ದಾರೆ. ಇನ್ನು ನೀರಿನೊಳಗೆ ದೀರ್ಘ ಸಮಯದವರೆಗೆ ಉಸಿರು ಹಿಡಿದು ಕುಳಿತುಕೊಳ್ಳುವ ಸಾಮರ್ಥ್ಯವನ್ನು ಯೋಗಾಭ್ಯಾಸದ ಮೂಲಕ ಹೊಂದಿದ್ದಾಗಿ ಹೇಳಿಕೊಂಡಿದ್ದಾರೆ.
ಕೆಲವು ತಿಂಗಳುಗಳ ಹಿಂದೆ ಮುಂಬೈನ ನಿವಾಸಿಯಾದ ಚಿನ್ಮಯ್ ಪ್ರಭು ಎಂಬುವರು ಅಂಡರ್ವಾಟರ್ನಲ್ಲಿ ಕುಳಿತು 48 ಸೆಕೆಂಡ್ಗಳಲ್ಲಿ ಪಿರಮಿಂಕ್ಸ್ನ್ನು ಹೊಂದಿಸುವ ಮೂಲಕ ಗಿನ್ನೀಸ್ ವಿಶ್ವ ದಾಖಲೆ ಪಟ್ಟಿ ಸೇರಿದ್ದರು.(ಏಜೆನ್ಸೀಸ್)