ಬೆಂಗಳೂರು: ಸ್ಟಾರ್ ನಟ ನಟಿಯರ ಮಕ್ಕಳು ಹುಟ್ಟಿನಿಂದಲೇ ಸುದ್ದಿ ಮಾಧ್ಯಮಕ್ಕೆ ಬರುವಂತವರು. ಅವರು ಏನೇ ಮಾಡಿದರೂ ಅದೊಂದು ಸುದ್ದಿಯೇ. ಅಂತದರಲ್ಲಿ ನಮ್ಮ ಗೋಲ್ಡನ್ ಸ್ಟಾರ್ ಗಣೇಶ್ ಅವರ ಮಗಳು ತಮ್ಮಚಿಕ್ಕ ವಯಸ್ಸಿಗೇ ಚೆಫ್ ಆಗಿ ಬದಲಾಗಿಬಿಟ್ಟಿದ್ದಾರೆ. ಮಗಳು ಅಡುಗೆ ಮಾಡುವ ವಿಡಿಯೋವನ್ನು ಗಣೇಶ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ಟಾಯ್ಲೆಟ್ನಲ್ಲೇ ಮಗುವಿಗೆ ಜನ್ಮವಿತ್ತ ಅಪ್ರಾಪ್ತೆ! ಗರ್ಭಿಣಿ ಎನ್ನುವ ವಿಚಾರ ಅವಳಿಗೇ ಗೊತ್ತಿರಲಿಲ್ಲ
ಗಣೇಶ್ ಅವರ ಮಗಳು ಚರಿತ್ರಿಯಾ ಅಡುಗೆ ಮನೆಯಲ್ಲಿ ಏನೋ ಖಾದ್ಯ ತಯಾರಿಸುತ್ತಿದ್ದಾರೆ. ಅದರ ಬಗ್ಗೆ ಇಂಗ್ಲಿಷ್ನಲ್ಲಿ ಒಂದಿಷ್ಟು ವಿಶ್ಲೇಷಣೆಯನ್ನೂ ಕೊಡುತ್ತಾರೆ. ಮೊದಲು ನೋಡುವವರಿಗೆ ಇದ್ಯಾರೋ ಯೂಟ್ಯೂಬ್ ಇನ್ಫ್ಲೂಯೆನ್ಸರ್ ಇರಬಹುದು ಎನ್ನುವಷ್ಟರ ಮಟ್ಟಿಗಿದೆ ಈ ವಿಡಿಯೋ. ಮಗಳ ಇಂಗ್ಲಿಷ್ ವ್ಯಾಖ್ಯಾನ ಮುಗಿದ ಮೇಲೆ ಗಣೇಶ್, ‘ಮಗಳೇ, ಕರೆಕ್ಟಾಗಿ ಹೇಳು ಏನು ಮಾಡ್ತಿದ್ದೀಯ’ ಅಂತ ಕೇಳುತ್ತಾರೆ. ಆಗ ಆಮ್ಲೆಟ್ ಮಾಡುತ್ತಿರುವುದಾಗಿ ಚರಿತ್ರಿಯಾ ತಿಳಿಸುತ್ತಾರೆ.
ಇದನ್ನೂ ಓದಿ: ರಸ್ತೆ ಅಭಿವೃದ್ಧಿಗೆ 12.50 ಕೋಟಿ ರೂಪಾಯಿ ವೆಚ್ಚದ ಯೋಜನೆ ಸಿದ್ಧ
ಈ ವಿಡಿಯೋದಲ್ಲಿ ಇನ್ನೋರ್ವ ವಿಶೇಷ ವ್ಯಕ್ತಿಯೂ ಆಗಾಗ್ಗೆ ಕಾಣಿಸಿಕೊಂಡಿದ್ದಾರೆ. ಗಣೇಶ್ ಅವರ ಮಗ ವಿಹಾನ್ ವಿಡಿಯೋಕ್ಕೆ ಡಿಸ್ಟರ್ಬ್ ಮಾಡುವ ಸಲುವಾಗಿ ಮಧ್ಯೆ ಮಧ್ಯೆ ಮಾತನಾಡಿದ್ದಾರೆ. ಮಕ್ಕಳ ಜತೆಗಿನ ಈ ವಿಡಿಯೋವನ್ನು ಶೇರ್ ಮಾಡಿಕೊಂಡಿರುವ ಗಣೇಶ್ ಇದೆಲ್ಲ ಯೂಟ್ಯೂಬ್ ಪ್ರಭಾವ ಎಂದು ಹೇಳಿದ್ದಾರೆ. ಪುಟಾಣಿ ಚರಿತ್ರಿಯಾ ಅವರ ಆಮ್ಲೆಟ್, ಗಣೇಶ್ ಅವರ ಸ್ಮೈಲ್ ಮತ್ತು ವಿಹಾನ್ ಅವರ ಮುಗ್ಧ ಮಾತು ನಿಮ್ಮನ್ನು ಸೂರೆಗೊಳ್ಳುವುದು ಗ್ಯಾರಂಟಿ.
ಆಮ್ಲೆಟ್ ಮಾಡೋದು ಹೇಗೆ ?
Very simple……
ಯುಟ್ಯೂಬ್ ಪ್ರಭಾವ…😂#cherrytheberry #talent #girlpower pic.twitter.com/5MrJgDRozS— Ganesh (@Official_Ganesh) November 23, 2020
ಮಗಳ ಲಗ್ನ ಪತ್ರಿಕೆಯಲ್ಲೇ ಡೆತ್ ನೋಟ್ ಬರೆದಿಟ್ಟು ಸಾವಿಗೆ ಶರಣಾದ ಅಪ್ಪ; ಇಷ್ಟಕ್ಕೆಲ್ಲ ಕಾರಣವಾಗಿದ್ದು ವರನ ಮನೆಯವರೇ