ಬೆಂಗಳೂರು : ರಾಮನಗರ ಜಿಲ್ಲೆ ಚನ್ನಪಟ್ಟಣ ನಗರದಲ್ಲಿ ಇರುವ ಸರ್ಕಾರಿ ಪಾಲಿಟೆಕ್ನಿಕ್ ಕಾಲೇಜಿನಲ್ಲಿ ವಿವಿಧ ಬಗೆಯ ಎಲೆಕ್ಟ್ರಿಕಲ್ ಮೆಷಿನ್ಗಳನ್ನು ದುಷ್ಕರ್ಮಿಗಳು ಕಳ್ಳತನ ಮಾಡಿದ್ದಾರೆ.
ಈ ಬಗ್ಗೆ ಕಾಲೇಜಿನ ಪ್ರಾಂಶುಪಾಲರಾದ ಡಿ. ಅರುಣಾ, ಚನ್ನಪಟ್ಟಣ ನಗರ ಪೊಲೀಸ್ ಠಾಣೆಗೆ ದೂರು ಸಲ್ಲಿಸಿದ್ದಾರೆ. ಜುಲೈ 4 ರಾತ್ರಿ ಕಾಲೇಜಿನ ಲ್ಯಾಬ್ ಕೊಠಡಿ ಬೀಗವನ್ನು ಮುರಿದು ನುಗ್ಗಿರುವ ಕಳ್ಳರು, ಎರಡು 3 ಪೇಸ್ ಒನ್ ಎಚ್ಪಿ ಇಂಡಕ್ಷನ್ ಮೋಟಾರ್, 1 ಪೇಸ್ 1ಎಚ್ಪಿ ಇಂಡಕ್ಷನ್ ಮೋಟಾರ್, ಎರಡು 3ಪೇಸ್ ಡಾಲ್ ಸ್ಪಾಟರ್ಸ್ ಮತ್ತು ವೈಯರ್ಗಳನ್ನು ಕತ್ತರಿಸಿ ಕಳ್ಳತನ ಮಾಡಿದ್ದಾರೆ.
ಈ ಹಿಂದೆಯೂ ಸಹ ಇದೇ ಲ್ಯಾಬ್ನಲ್ಲಿ 1 ಪೇಸ್ ಎಚ್ಪಿ ಇಂಡಕ್ಷನ್ ಮೋಟಾರ್, ಎಲ್ಮಾಟ್ ಎಸಿ ಕಾಮುಕೇಟರ್ ಮೋಟಾರ್ ಕಳ್ಳತನ ಆಗಿದ್ದವು. ಇದೀಗ 2ನೇ ಬಾರಿ ಕಾಲೇಜಿನ ಲ್ಯಾಬ್ ಕಳ್ಳತನ ಆಗಿರುವುದು ಹಲವು ಅನುಮಾನಗಳಿಗೆ ಎಡೆ ಮಾಡಿಕೊಟ್ಟಿದೆ. ಚನ್ನಪಟ್ಟಣ ಟೌನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.