ಬಿಡುವಿನ ಅವಧಿಯಲ್ಲಿ ಮಾಡುವ ದೈಹಿಕ ಚಟುವಟಿಕೆಗಳಿಂದ ಕ್ಯಾನ್ಸರ್ನ ದೂರಾಗಿಸಬಹುದು. 9 ವಿವಿಧ ಬಗೆಯ ವ್ಯಾಯಾಮಗಳನ್ನು ಮಾಡಿದ 7,50,00 ಮಂದಿಗೆ 7 ಬಗೆಯ ಕ್ಯಾನ್ಸರ್ನಿಂದ ದೂರವಾಗಿದ್ದಾರೆ.
ಅಮೆರಿಕದ ಹಾರ್ವರ್ಡ್ ಟಿ.ಎಚ್. ಚಾನ್ ಸ್ಕೂಲ್ ಆಫ್ ಪಬ್ಲಿಕ್ ಹೆಲ್ತ್ ಆ್ಯಂಡ್ ನ್ಯಾಷನಲ್ ಕ್ಯಾನ್ಸರ್ ಇನ್ಸ್ಟಿಟ್ಯೂಟ್ನಲ್ಲಿ ಸಂಶೋಧಕರು ಈ ಅಧ್ಯಯನ ಕೈಗೊಂಡಿದ್ದರು. ವಾಷಿಂಗ್ಟನ್ನಲ್ಲಿ ನಡೆದ ಈ ಅಧ್ಯಯನದ ಪ್ರಮುಖ ಅಂಶಗಳನ್ನು ಅಮೆರಿಕ ಕ್ಯಾನ್ಸರ್ ಸೊಸೈಟಿಯ ಕ್ಲಿನಿಕಲ್ ಆಂಕಾಲಜಿ ಎಂಬ ಜರ್ನಲ್ನಲ್ಲಿ ಪ್ರಕಟಿಸಲಾಗಿದೆ.
ಸಂಶೋಧನಾ ಹಿರಿಯ ವೈಜ್ಞಾನಿಕ ನಿರ್ದೇಶಕ ಅಲ್ಪಾ ಪಟೇಲ್ ಹೇಳುವ ಪ್ರಕಾರ ದೈಹಿಕ ಚಟುವಟಿಕೆಗಳು ಮಧುಮೇಹ, ಹೃದಯ ಸಂಬಂಧಿ ಹಾಗೂ ಇನ್ನೀತರ ಕಾಯಿಲೆಗಳನ್ನು ನಿರ್ಧರಿಸುತ್ತವೆ ಎನ್ನುತ್ತಾರೆ.
ವಾರದಲ್ಲಿ ಎರಡೂವರೆ ಗಂಟೆಯಿಂದ 5 ಗಂಟೆಗಳವರೆಗೆ ದೈಹಿಕ ಚಟುವಟಿಕೆಗಳನ್ನು ನಡೆಸಲಾಯಿತು. ಜತೆಗೆ ಇನ್ನು ಕೆಲವರಿಗೆ 1.25 ಗಂಟೆಯಿಂದ ಎರಡೂವರೆ ಗಂಟೆಗಳವರೆಗೆ ನಡೆಸಲಾಯಿತು. ಇದರಿಂದ ಆರೋಗ್ಯಕರ ಜೀವನ ಶೈಲಿ ಸಾಧ್ಯ ಎಂದು ಜರ್ನಲ್ನ ಲೇಖನದಲ್ಲಿ ತಿಳಿಸಲಾಗಿದೆ.
ದೈಹಿಕ ಚಟುವಟಿಕೆಗಳ ಕಾರಣದಿಂದ ಪುರುಷರಲ್ಲಿ ಕ್ಯಾನ್ಸರ್ ಬರುವುದು ಕಡಿಮೆಯಾಗಿದೆ. ವಾರದಲ್ಲಿ 7 ಗಂಟೆಗೂ ಹೆಚ್ಚು ದೈಹಿಕ ಚುವಟಿಕೆಯಲ್ಲಿ ತೊಡಗಿಸಿಕೊಂಡವರಲ್ಲಿ ಶೇ. 8 ಹಾಗೂ ವಾರದಲ್ಲಿ 15 ಗಂಟೆ ತೊಡಗಿಸಿಕೊಂಡವರಲ್ಲಿ ಶೇ. 14 ಕ್ಯಾನ್ಸರ್ ಬರುವ ಸಾಧ್ಯತೆ ಕಡಿಮೆ ಎಂದು ಅಧ್ಯಯನ ತಿಳಿಸಿದೆ.
ಇದು ಮಹಿಳೆಯರಲ್ಲಿ ಸ್ತನದ ಕ್ಯಾನ್ಸರ್ ಶೇ. 6ರಿಂದ 10, ಕಿಡ್ನಿ ಕ್ಯಾನ್ಸರ್ 11ರಿಂದ 17, ಲಿವರ್ ಕ್ಯಾನ್ಸರ್ 18ರಿಂದ 27 ರಷ್ಟು ಕಡಿಮೆಯಾಗಿದೆ ಎಂದು ಅಧ್ಯಯನ ಸ್ಪಷ್ಟಪಡಿಸಿದೆ.
ಈ ಡೇಟಾಗಳು ದೈಹಿಕ ಚಟುವಟಿಕೆಗಳಿಂದ ಕ್ಯಾನ್ಸರ್ನ ಸಾಧ್ಯತೆಗಳಿಂದ ದೂರವಿರಬಹುದು ಎಂಬುದನ್ನು ಸಾಬೀತುಪಡಿಸುತ್ತವೆ. ಆದ್ದರಿಂದ ಸಂಶೋಧಕರ ಕ್ಯಾನ್ಸರ್ನಿಂದ ದೂರವಿರಲು ದೈಹಿಕ ಚಟುವಟಿಕೆಗಳ ಅಗತ್ಯವನ್ನು ದೃಢಪಡಿಸುತ್ತಾರೆ ಎಂದು ಸಂಶೋಧನೆ ಸ್ಪಷ್ಟಪಡಿಸುತ್ತದೆ. (ಏಜೆನ್ಸೀಸ್)