ನವದೆಹಲಿ: ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ಮಂದಿ ಇಷ್ಟಪಡುವ ಮತ್ತು ಅನುಸರಿಸುವ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ತಂಡ. ಇದೀಗ ಕ್ರಿಕೆಟ್ ದಂತಕತೆ ಸಚಿನ್ ತೆಂಡೂಲ್ಕರ್ ಅವರ ಪುತ್ರಿ ಸಾರಾ ತೆಂಡೂಲ್ಕರ್ ಅವರು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಪೋಸ್ಟ್ ಆರ್ಸಿಬಿ ಅಭಿಮಾನಿಗಳನ್ನು ಸಂತೋಷಕ್ಕೆ ದೂಡಿದೆ.
“ನಾನು ತಪ್ಪಾಗಿ ಆರ್ಬಿಸಿ ಎಂದು ಬರೆಯುವ ಬದಲು ಆರ್ಸಿಬಿ ಅಂದೇ ಬರೆಯುತ್ತಿದ್ದೇನೆ” ಎಂದು ಸಾರಾ ತೆಂಡೂಲ್ಕರ್ ಇನ್ಸ್ಟಾಗ್ರಾಂ ಸ್ಟೋರಿ ಹಂಚಿಕೊಂಡಿದ್ದಾರೆ. ಅಚ್ಚರಿ ಏನೆಂದರೆ, ಸಾರಾ ಅವರು ತಮ್ಮ ಯಾವುದೇ ಜಾಲತಾಣ ಖಾತೆಯಲ್ಲಿ ಆರ್ಸಿಬಿ ಅನ್ನು ಫಾಲೋ ಮಾಡುತ್ತಿಲ್ಲ. ಅಲ್ಲದೆ, ಅವರ ತಂದೆ ಸಚಿನ್ ಅವರು ತಮ್ಮ ಐಪಿಎಲ್ ಕೆರಿಯರ್ನಲ್ಲಿ ಮುಂಬೈ ಇಂಡಿಯನ್ಸ್ ಪರ ಮಾತ್ರ ಆಡಿದ್ದಾರೆ. ಈಗಲೂ ಮುಂಬೈ ತಂಡವನ್ನೇ ಪ್ರತಿನಿಧಿಸುತ್ತಾರೆ.
ಸಾರಾ ಸಹೋದರ ಅರ್ಜುನ್ ತೆಂಡೂಲ್ಕರ್ ಕೂಡ ಮುಂಬೈ ತಂಡದಲ್ಲಿದ್ದಾರೆ. ಸಾರಾ ಕೂಡ ಅನೇಕ ಸಂದರ್ಭದಲ್ಲಿ ಮುಂಬೈ ತಂಡಕ್ಕೆ ಬೆಂಬಲ ಸೂಚಿಸಿದ್ದಾರೆ. ಎಲ್ಲಿಯೂ ಆರ್ಸಿಬಿ ಬಗ್ಗೆ ಮಾತನಾಡದ ಸಾರಾ ಇದೀಗ ಆರ್ಸಿಬಿಯನ್ನೇ ಗುಣುಗುತ್ತಿರುವುದು ನಿಜಕ್ಕೂ ಅಚ್ಚರಿಯೇ. ಬರೆಯುವಾಗಲೆಲ್ಲ ಆರ್ಬಿಸಿ ಎಂದು ಬರೆಯುವ ಬದಲು ಆರ್ಸಿಬಿ ಎಂದು ಬರೆಯುತ್ತಾರಂತೆ ಸಾರಾ. ಅಷ್ಟರಮಟ್ಟಿಗೆ ಸಾರಾಗೆ ಗೊತ್ತಿಲ್ಲದೇ ಆರ್ಸಿಬಿ ತಂಡ ಅವರ ಮೇಲೆ ಪ್ರಭಾವ ಬೀರಿದೆ.
ಮೂರು ಬಾರಿ ಫೈನಲ್ ತಲುಪಿರುವುದನ್ನು ಬಿಟ್ಟರೆ, ಐಪಿಎಲ್ ಇತಿಹಾಸದಲ್ಲಿ ಆರ್ಸಿಬಿ ತಂಡ ಒಮ್ಮೆ ಟ್ರೋಫಿ ಗೆದ್ದಿಲ್ಲ. 2011ರಲ್ಲಿ ಆರ್ಸಿಬಿ ಫೈನಲ್ನಲ್ಲಿ ಮುಂಬೈ ಇಂಡಿಯನ್ಸ್ ತಂಡವನ್ನು ಎದುರಿಸಿತ್ತು. ಆ ಸಮಯದಲ್ಲಿ ಹರ್ಭಜನ್ ಸಿಂಗ್ ಅವರು ಮುಂಬೈ ತಂಡವನ್ನು ಮುನ್ನಡೆಸುತ್ತಿದ್ದರು. ಆರ್ಸಿಬಿಗೆ ಡೇನಿಯಲ್ ವಿಕ್ಟರಿ ನಾಯಕರಾಗಿದ್ದರು. (ಏಜೆನ್ಸೀಸ್)
ರಾಜಧಾನಿಯ ಈ ಪ್ರದೇಶದಲ್ಲಿ 15 ದಿನಗಳ ಕಾಲ ನಿಷೇಧಾಜ್ಞೆ: ಎಲ್ಲಿ, ಯಾಕೆ?
ಬೆಂಗಳೂರಿನಲ್ಲಿ ಮಾ.23 ರಿಂದ 30ರ ತನಕ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ
ಪಠಾಣ್ ಸಿನಿಮಾ ಇಷ್ಟ ಆಗಲಿಲ್ಲ ಎಂದ ಮಗುವಿಗೆ ಶಾರುಖ್ ಖಾನ್ ಕೊಟ್ಟ ಉತ್ತರ ವೈರಲ್!