ನವದೆಹಲಿ: ಓಲಾ, ಊಬರ್ನಂಥ ಕಂಪೆನಿಗಳಿಂದಾಗಿ ದೇಶದ ಅನೇಕ ನಗರಗಳಲ್ಲಿ ಈಗ ಆಟೋ ಅಥವಾ ಕ್ಯಾಬ್ಅನ್ನು ಮನೆ ಬಾಗಿಲಿಗೇ ಕರೆಸಿಕೊಳ್ಳುವ ಸೌಲಭ್ಯ ಸಿಕ್ಕಿದೆ. ಸ್ಮಾರ್ಟ್ಫೋನಿನಲ್ಲಿ ಆ್ಯಪ್ ಡೌನ್ಲೋಡ್ ಮಾಡಿಕೊಂಡು ಬುಕ್ ಮಾಡುವುದೊಂದೇ ಬಾಕಿ! ಆದರೆ, ಇನ್ನು ಮುಂದಕ್ಕೆ ಈ ರೀತಿಯ ಸೇವೆ ಬಳಸಲು ಪ್ರತ್ಯೇಕ ಆ್ಯಪ್ಗಳ ಅಗತ್ಯವೂ ಬೀಳದಿರಬಹುದು.
ಹೌದು, ಊಬರ್ ಕಂಪೆನಿ ತನ್ನ ಬಳಕೆದಾರರಿಗೆ ಜನಪ್ರಿಯ ನೆಟ್ವರ್ಕಿಂಗ್ ಆ್ಯಪ್ ಆದ ವಾಟ್ಸಾಪ್ ಮೂಲಕವೇ ರೈಡ್ ಬುಕ್ ಮಾಡುವುದಕ್ಕೂ ಅವಕಾಶ ಕಲ್ಪಿಸುವ ಯೋಜನೆ ಮಾಡಿದೆ. ಜಗತ್ತಿನಲ್ಲೇ ಮೊದಲಿಗೆ ಭಾರತದ ಲಖನೌ ನಗರದಲ್ಲಿ ಈ ಪ್ರಯೋಗಕ್ಕೆ ಚಾಲನೆ ನೀಡುತ್ತಿದ್ದು, ಯಶಸ್ಸು ಕಂಡರೆ ಅನ್ಯ ನಗರಗಳಿಗೂ ವಿಸ್ತರಿಸಲಿದೆ ಎಂದು ವರದಿ ತಿಳಿಸಿದೆ.
ಇದನ್ನೂ ಓದಿ: ವಿದ್ಯಾರ್ಥಿಗೆ ಬಾಸುಂಡೆ ಬರುವಂತೆ ಥಳಿಸಿದ ಉಪನ್ಯಾಸಕ!
ವಾಟ್ಸಾಪ್ ಬುಸಿನೆಸ್ ಪ್ಲಾಟ್ಫಾರಂ ಮೇಲೆ ನಿರ್ಮಿಸಲಾಗುವ ಈ ಸೇವೆಯು ಊಬರ್ಗೆ ಹೆಚ್ಚಿನ ಸಂಖ್ಯೆಯಲ್ಲಿ ಗ್ರಾಹಕರನ್ನು ಆಕರ್ಷಿಸಲು ಸಹಾಯ ಮಾಡಲಿದೆ. “ಎಲ್ಲಾ ಭಾರತೀಯರಿಗೂ ಊಬರ್ ಟ್ರಿಪ್ ತೆಗೆದುಕೊಳ್ಳಲು ಸುಲಭವಾಗಿಸುವುದು ನಮ್ಮ ಉದ್ದೇಶ. ಅವರಿಗೆ ಕಂಫರ್ಟಬಲ್ ಆದ ಪ್ಲಾಟ್ಫಾರಂನಲ್ಲಿ ಸೇವೆ ಒದಗಿಸಲು ವಾಟ್ಸಾಪ್ನೊಂದಿಗೆ ಈ ಪಾಲುದಾರಿಕೆ ಮಾಡಿಕೊಂಡಿದ್ದೇವೆ” ಎಂದು ಊಬರ್ನ ಹಿರಿಯ ನಿರ್ದೇಶಕ ನಂದಿನಿ ಮಹೇಶ್ವರಿ ಹೇಳಿದ್ದಾರೆ. (ಏಜೆನ್ಸೀಸ್)
ವಿಕಿ ಕೌಶಲ್ ಜತೆ ಕತ್ರೀನಾ ಮದುವೆ; ಅತಿಥಿ ಆಗಲಿದ್ದಾರಾ, ಸಲ್ಮಾನ್ ಖಾನ್?
ಕಂಗನಾ ಪೋಸ್ಟ್ಗಳ್ನ ಸೆನ್ಸರ್ ಮಾಡಿ ಎಂದು ಅರ್ಜಿ! ನಟಿಯ ಪ್ರತಿಕ್ರಿಯೆ ಹೀಗಿತ್ತು