ಬಾಲಿವುಡ್ ನಟ ಸಂಜಯ್ ದತ್ ಅನಾರೋಗ್ಯದಿಂದ ಮುಂಬೈನ ಲೀಲಾವತಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಇಂದು ಸಂಜೆ ಅವರಲ್ಲಿ ಎದೆ ನೋವು ಕಾಣಿಸಿಕೊಂಡಿದ್ದು, ಐಸಿಯುನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ವರದಿಯಾಗಿದೆ.
ಸಂಜಯ್ ದತ್ಗೆ 61ವರ್ಷ ವಯಸ್ಸಾಗಿದೆ. ಜು.29ರಂದು ಹುಟ್ಟುಹಬ್ಬವನ್ನೂ ಆಚರಿಸಿಕೊಂಡಿದ್ದಾರೆ. ಇಂದು ಸಂಜೆ ಉಸಿರಾಟದ ತೊಂದರೆ ಮತ್ತು ಎದೆಯಲ್ಲಿ ನೋವು ಕಂಡುಬಂದಿದ್ದರಿಂದ ಲೀಲಾವತಿ ಆಸ್ಪತ್ರೆಗೆ ದಾಖಲಿಸಿ, ಕೊವಿಡ್-19 ಆ್ಯಂಟಿಜೆನ್ ಟೆಸ್ಟ್ ಕೂಡ ಮಾಡಿಸಲಾಗಿತ್ತು. ಅದರ ವರದಿ ನೆಗೆಟಿವ್ ಬಂದಿದೆ. ಆದರೂ ಆರ್ಟಿ-ಪಿಸಿಆರ್ ಟೆಸ್ಟ್ಗೋಸ್ಕರ ಸ್ವಾಬ್ ಸಂಗ್ರಹಿಸಲಾಗಿದೆ.
ಕಳೆದ ತಿಂಗಳಷ್ಟೇ ಕೊವಿಡ್-19ನಿಂದ ಚೇತರಿಸಿಕೊಂಡಿರುವ ಡಾ. ಜಲೀಲ್ ಪರ್ಕರ್ ಅವರು ಸಂಜಯ್ ದತ್ ಅವರಿಗೆ ಚಿಕಿತ್ಸೆ ನೀಡುತ್ತಿದ್ದಾರೆ. ಹಾಗೇ, ದತ್ ಅವರಿಗೆ ಈಗಾಗಲೇ ಕೆಲವು ತಪಾಸಣೆಗಳನ್ನು ಮಾಡಲಾಗಿದೆ ಎಂದು ಮಾಹಿತಿ ನಿಡಿದ್ದಾರೆ. (ಏಜೆನ್ಸೀಸ್)
ಒಂದೊಮ್ಮೆ 2014ಕ್ಕೂ ಮುನ್ನ ಕೊವಿಡ್-19 ವೈರಸ್ ಬಂದಿದ್ದರೆ ಏನಾಗುತ್ತಿತ್ತು?- ಪ್ರಧಾನಿ ನರೇಂದ್ರ ಮೋದಿ