ಮೈಸೂರು: ಸ್ಯಾಂಡಲ್ವುಡ್ನ ಕಮರ್ಷಿಯಲ್ ನಿರ್ದೇಶಕ ಎಂದೇ ಕರೆಸಿಕೊಳ್ಳುವ ಡೈರೆಕ್ಟರ್ ಬಹದ್ದೂರ್ ಚೇತನ್ ಕುಮಾರ್ ಭಾನುವಾರ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದಾರೆ. ವಿಶೇಷ ಏನೆಂದರೆ ಅವರ ಸೋದರತ್ತೆಯ ಮಗಳನ್ನೇ ಚೇತನ್ ವರಿಸಿದ್ದು, ಮೈಸೂರಿನಲ್ಲಿ ಮದುವೆ ನಡೆದಿದೆ.
ಇದನ್ನೂ ಓದಿ: ಮಗಳಿಗೆ ಹೇರ್ಕಟ್ ಮಾಡಿದ ಮಾಜಿ ಮಿಸ್ ಯೂನಿವರ್ಸ್!
ಮೈಸೂರಿನ ಕಲ್ಪವೃಕ್ಷ ಶ್ರೀ ರಾಘವೇಂದ್ರ ಕಲ್ಯಾಣ ಮಂಟಪದಲ್ಲಿ ಆಪ್ತರು ಮತ್ತು ಸ್ಮೇಹಿತರ ಸಮ್ಮುಖದಲ್ಲಿ ಚೇತನ್ ಕುಮಾರ್, ಮಾನಸ ಅವರನ್ನು ವರಿಸಿದ್ದಾರೆ. ಕಳೆದ ಹಲವು ವರ್ಷಗಳಿಂದ ಪ್ರೀತಿಯಲ್ಲಿದ್ದ ಈ ಜೋಡಿ, ಇದೀಗ ಲಾಕ್ಡೌನ್ನ ನಡುವೆಯೇ ಮದುವೆ ಆಗಿದ್ದಾರೆ.
ಇದನ್ನೂ ಓದಿ: ಹಾಸಿಗೆಯಲ್ಲಿ ರೆಡ್‌ಹ್ಯಾಂಡ್‌ ಆಗಿ ಸಿಕ್ಕಿಬಿದ್ದ ಮೊದಲ ಪತ್ನಿಯ ಶಾಕಿಂಗ್‌ ನ್ಯೂಸ್‌ ಬಿಚ್ಚಿಟ್ಟ ರಾಜ್ ಕುಂದ್ರಾ
ಪವರ್ಸ್ಟಾರ್ ಪುನೀತ್ ರಾಜ್ಕುಮಾರ್, ನಟ ಧ್ರುವ ಸರ್ಜಾ, ನಿರ್ದೇಶಕ ‘ಅಯೋಗ್ಯ’ ಮಹೇಶ್ ಸೇರಿ ಚಿತ್ರರಂಗದ ಕೆಲವೇ ಕೆಲವು ಆಪ್ತರು ಈ ಮದುವೆಗೆ ಸಾಕ್ಷಿಯಾಗಿದ್ದರು. ಸದ್ಯ ಪುನೀತ್ ಅವರ ಜೇಮ್ಸ್ ಸಿನಿಮಾ ಶೂಟಿಂಗ್ ಸೇರಿ ಬೇರೆ ಬೇರೆ ಸಿನಿಮಾಗಳಿಗೆ ಬರವಣಿಗೆ ಕೆಲಸದಲ್ಲಿಯೂ ಚೇತನ್ ತೊಡಗಿಸಿಕೊಂಡಿದ್ದಾರೆ.