ಡಾ ರಾಜಕುಮಾರ್ ಅವರ ಸೂಪರ್ ಹಿಟ್ ಚಿತ್ರಗಳ ಪೈಕಿ ಒಂದು ‘ಭಾಗ್ಯವಂತರು’. ತಮಿಳಿನ ‘ದೀರ್ಘ ಸುಮಂಗಲಿ’ ಚಿತ್ರದ ರೀಮೇಕ್ ಇದಾಗಿದ್ದು, ದ್ವಾರಕೀಶ್ ನಿರ್ಮಾಣ ಮಾಡಿದ್ದರು. ಇನ್ನು ಭಾರ್ಗವ ಈ ಚಿತ್ರದ ನಿರ್ದೇಶಕರು. ಇದು ಅವರ ಮೊದಲ ನಿರ್ದೇಶನದ ಚಿತ್ರವಾಗಿತ್ತು.
ಇದನ್ನೂ ಓದಿ: ಇಲ್ಲಿ ಏನಾಗ್ತಿದೆ ಹೇಳಿ? ತಲೆಗೆ ಹುಳ ಬಿಟ್ಟ ಪ್ರಶಾಂತ್ ನೀಲ್
ಈಗ್ಯಾಕೆ ಈ ಚಿತ್ರದ ವಿಷಯವೆಂದರೆ, ‘ಭಾಗ್ಯವಂತರು’ ಚಿತ್ರವು ಇದೀಗ ಹೊಸ ತಂತ್ರಜ್ನಾನದಲ್ಲಿ ಬಿಡುಗಡೆಯಾಗುವುದಕ್ಕೆ ಸಜ್ಜಾಗುತ್ತಿದೆ. ಈಗಾಗಲೇ ಈ ಚಿತ್ರವನ್ನು 7.1 ಆಡಿಯೋಗೆ ಅಪ್ಗ್ರೇಡ್ ಮಾಡಲಾಗಿದ್ದು, ಡಿಐ ಸಹ ಮಾಡಲಾಗಿದೆ. ಈಗಾಗಲೇ ಚಿತ್ರದ ಕೆಲಸಗಳು ಮುಕ್ತಾಯವಾಗಿದ್ದು, ಎಲ್ಲಾ ಅಂದುಕೊಂಡಂತೆ ಆಗಿದ್ದರೆ, ಏಪ್ರಿಲ್ನಲ್ಲೇ ಡಾ. ರಾಜಕುಮಾರ್ ಅವರ ಹುಟ್ಟುಹಬ್ಬದ ಸಂದರ್ಭದಲ್ಲೇ ಬಿಡುಗಡೆಯಾಗಬೇಕಿತ್ತು.
ಆದರೆ, ಅಷ್ಟರಲ್ಲಿ ಲಾಕ್ಡೌನ್ ಇದ್ದುದರಿಂದ ಚಿತ್ರವನ್ನು ಬಿಡುಗಡೆ ಮಾಡಲಾಗಿರಲಿಲ್ಲ. ಈಗ ಚಿತ್ರಪ್ರದರ್ಶನ ಶುರುವಾದ ಮೇಲೆ, ಚಿತ್ರವನ್ನು ಬಿಡುಗಡೆ ಮಾಡುವುದಕ್ಕೆ ಶ್ರೀ ಮುನೇಶ್ವರ ಫಿಲಂಸ್ನ ಎಂ. ಮುನಿರಾಜು ತೀರ್ಮಾನಿಸಿದ್ದಾರೆ. ಮುನಿರಾಜು ಇದಕ್ಕೂ ಮುನ್ನ ಡಾ. ರಾಜಕುಮಾರ್ ಅವರ ‘ಆಪರೇಷನ್ ಡೈಮಂಡ್ ರಾಕೆಟ್’, ‘ದಾರಿ ತಪ್ಪಿದ ಮಗ’ ಮುಂತಾದ ಚಿತ್ರಗಳನ್ನು ಹೊಸ ತಂತ್ರಜ್ನಾನದಲ್ಲಿ ಬಿಡುಗಡೆ ಮಾಡಿದ್ದರು. ಈಗ ‘ಭಾಗ್ಯಂತರು’ ಚಿತ್ರವನ್ನು ಬಿಡುಗಡೆ ಮಾಡುವುದಕ್ಕೆ ಸಜ್ಜಾಗಿದ್ದಾರೆ.
ಇದನ್ನೂ ಓದಿ: ಗಣೇಶ್ ಹುಟ್ಟುಹಬ್ಬಕ್ಕೆ ಇನ್ನೊಂದು ಸಿನಿಮಾ ಅನೌನ್ಸ್ ಆಯ್ತು!
‘ಭಾಗ್ಯವಂತರು’ ಚಿತ್ರದಲ್ಲಿ ಡಾ. ರಾಜಕುಮಾರ್, ಬಿ. ಸರೋಜಾದೇವಿ, ಬಾಲಕೃಷ್ಣ, ಎಂ.ಎನ್. ಲಕ್ಷ್ಮೀದೇವಿ, ಅಶೋಕ್ ಮುಂತಾದವರು ಅಭಿನಯಿಸಿದ್ದು, ಈ ಚಿತ್ರಕ್ಕೆ ಸಂಗೀತ ಸಂಯೋಜಿಸಿದವರು ರಾಜನ್-ನಾಗೇಂದ್ರ. ‘ನಿನ್ನ ನನ್ನ ಮನವು …’, ‘ನಿನ್ನ ಸ್ನೇಹಕೆ ನಾ ಸೋತು ಹೋದೆನು …’ ಮುಂತಾದ ಸೂಪರ್ ಹಿಟ್ ಹಾಡುಗಳಿರುವ ಈ ಚಿತ್ರವು, ಕನ್ನಡ ಚಿತ್ರರಂಗದ ಕೆಲವು ಅದ್ಭುತ ಎಮೋಷನಲ್ ಚಿತ್ರಗಳಲ್ಲೊಂದು ಎಂದು ಜನಪ್ರಿಯವಾಗಿದೆ.
ಹೀರೋನೂ ನಾನೇ, ವಿಲನ್ನೂ ನಾನೇ … ‘ಕೆಜಿಎಫ್ 2’ ಪಾತ್ರದ ಬಗ್ಗೆ ರವೀನಾ ಟಂಡನ್