ಬೆಂಗಳೂರು: ಆನ್ಲೈನ್ನಲ್ಲಿ ಖರೀದಿಸಿದ್ದ ಹಾಲು ಹಾಳಾಗಿದೆ ಎಂದು ಹಿಂತಿರುಗಿಸಲು ಯತ್ನಿಸಿದ ವೃದ್ಧೆಯೊಬ್ಬರು ಇತ್ತೀಚೆಗೆ ಆನ್ಲೈನ್ ವಂಚಕರಿಂದ 77,000 ರೂಪಾಯಿ ಕಳೆದುಕೊಂಡಿದ್ದಾರೆ.
ಬೆಂಗಳೂರಿನ ನಿವಾಸಿ 65 ವರ್ಷದ ಸೋಫಿಯಾ (ಹೆಸರು ಬದಲಾಯಿಸಲಾಗಿದೆ), ಮೈಸೂರು ರಸ್ತೆಯ ಕಸ್ತೂರಬಾ ನಗರದ ರಸ್ತೆಯೊಂದರ ಕಿರಾಣಿ ಪ್ಲಾಟ್‌ಫಾರ್ಮ್‌ನಿಂದ ಆನ್ಲೈನ್ನಲ್ಲಿ ಹಾಲನ್ನು ಖರೀದಿಸುತ್ತಾರೆ. ಮಾರ್ಚ್ 18 ರಂದು ಅದು ಹಾಳಾಗಿರುವುದನ್ನು ಗಮನಿಸಿ ಅದನ್ನು ಹಿಂದಿರುಗಿಸಲು ಬಯಸಿದ್ದರು.
ನಿವೃತ್ತ ಸೇನಾ ಅಧಿಕಾರಿಯೊಬ್ಬರ ಪತ್ನಿಯಾಗಿರುವ ಸೋಫಿಯಾ ಆನ್ಲೈನ್ನಲ್ಲಿ ಕಸ್ಟಮರ್ ಕೇರ್ ಸಂಖ್ಯೆಯನ್ನು ಹುಡುಕಿದ್ದಾರೆ. ಯಾವುದೋ ಒಂದು ಸಂಖ್ಯೆಗೆ ಕರೆ ಮಾಡುತ್ತಿದ್ದಂತೆ, ಕರೆ ಸ್ವೀಕರಿಸಿದ ವ್ಯಕ್ತಿ ತನ್ನನ್ನು ಕಿರಾಣಿ ವೇದಿಕೆಯ ಕಾರ್ಯನಿರ್ವಾಹಕ ಎಂದು ಪರಿಚಯಿಸಿಕೊಂಡನು. ಆಕೆ ಖರೀದಿ ಮಾಡಿದ್ದಾ ಹಾಲು ಹಾಳಾಗಿದೆ ಎಂದು ಹೇಳಿದ್ದಾಳೆ. ಆತ ಹಾಳಾದ ಹಾಲನ್ನು ನೀವು ಹಿಂದಿರುಗಿಸಬೇಕಾಗಿಲ್ಲ. ನಾನು ನೀವು ಹಾಲಿಗೆ ಕೊಟ್ಟ ಹಣವನ್ನು ಹಿಂದಿರುಗಿಸುತ್ತೇನೆ, ಅದಕ್ಕಾಗಿ ನೀವು ನಾನು ಹೇಳಿದಂತೆ ಮಾಡಿ ಎಂದಿದ್ದಾನೆ. ಮಹಿಳೆ ಕೂಡಾ ಇದಕ್ಕೆ ಒಪ್ಪಿದ್ದಾಳೆ.
ಅವನು ಹೇಳಿದಂತೆಯೆ ಮಹಿಳೆ UPI ಐಡಿ ಸಂಖ್ಯೆ 081958 ನೊಂದಿಗೆ ವಾಟ್ಸಪ್ ಸಂದೇಶವನ್ನು ಸ್ವೀಕರಿಸಿದ್ದಾಳೆ. ನಂತರ ವಂಚಕ ತನ್ನ ಫೋನ್ಫೇನಲ್ಲಿ ‘ಹಣವನ್ನು ವರ್ಗಾಯಿಸಿ’ ಆಯ್ಕೆಯನ್ನು ಆರಿಸಲು ಮತ್ತು ‘ಬ್ಯಾಂಕ್/UPI ID’ ಐಕಾನ್ ಅನ್ನು ಕ್ಲಿಕ್ ಮಾಡಲು ಕೇಳಿದ್ದಾನೆ. ಅವನು ಏನು ಮಾಡುತ್ತಿದ್ದಾನೆಂದು ತಿಳಿಯದೆ, ಸೋಫಿಯಾ ಅವನ ಸೂಚನೆಗಳನ್ನು ಅನುಸರಿಸಿದಳು. ನಂತರ ಅವನು ಕಳಿಸಿದ ಲಿಂಕ್ನಿಂದ ಒಂದು ಪುಟ ತೆರೆಯಿತು ಮತ್ತು ವಂಚಕ ಕಳಿಸಿದ UPI ಐಡಿ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ ಪಿನ್ ಹಾಕಿದಾಗ ಆಕೆಯ ಖಾತೆಯಿಂದ ಕ್ಷಣ ಮಾತ್ರದಲ್ಲೆ ಹಣ ಡೆಬಿಟ್ ಆಗಿದ್ದು, ದುಷ್ಕರ್ಮಿ ತಕ್ಷಣ ಫೋನ್ ಕಟ್ ಮಾಡಿದ್ದಾನೆ. ಇಷ್ಟೆಲ್ಲಾ ಗುತ್ತಿದ್ದರು ಮಹಿಳೆಗೆ ಮಾತ್ರ ತಾನು ಮೋಸ ಹೋಗುತ್ತಿದ್ದೇನೆ ಎಂದು ಅರ್ಥವಾಗಿದ್ದೆ ಅವಳ ಖಾತೆಯಿಂದ ಹಣವೆಲ್ಲಾ ಅವನು ಕೊಳ್ಳೆ ಹೊಡೆದ ಮೇಲೆ.
ಸೋಫಿಯಾ ಬೈತರಾಯನಪುರ ಪೊಲೀಸರಿಗೆ ದೂರು ನೀಡಿದ್ದಾಳೆ. ಸೈಬರ್ ಸಹಾಯವಾಣಿ 1930 ಗೆ ಕರೆ ಮಾಡಿದಾಗ, ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು, “ನಾವು ಮಾಹಿತಿ ತಂತ್ರಜ್ಞಾನ ಕಾಯ್ದೆಯಡಿ ಪ್ರಕರಣವನ್ನು ಕೈಗೆತ್ತಿಕೊಂಡಿದ್ದೇವೆ ಮತ್ತು ವಂಚಕನ ಖಾತೆಯಿಂದ ಮೊತ್ತವನ್ನು ಸ್ಥಗಿತಗೊಳಿಸಲು ಕ್ರಮಗಳನ್ನು ತೆಗೆದುಕೊಳ್ಳಲಾಗಿದೆ’ ಎಂದು ಹೇಳಿದ್ದಾರೆ.
https://www.vijayavani.net/actress-anjali-is-in-love-with-a-divorced-producer-a-rumor-is-spreading
