ಬೆಂಗಳೂರು: ಹಿರಿಯ ಅಧಿಕಾರಿಗಳ ಸೂಚನೆ ಬಳಿಕ ಇತ್ತೀಚೆಗೆ ಸಂಚಾರಿ ಪೊಲೀಸರು ಹೆಚ್ಚಾಗಿ ನಮ್ಮ ವಾಹನಗಳನ್ನು ತಡೆಯುತ್ತಿಲ್ಲ ಅಂತಾ ನಿರಾಳರಾಗಿದ್ದೀರಾ? ಹೆಲ್ಮೆಟ್ ಧರಿಸದೇ ವಾಹನ ಚಲಾಯಿಸಿದರೂ ಬಚಾವ್ ಆಗಬಹುದು ಅಂತಾ ಅಂದುಕೊಂಡಿದ್ದೀರಾ? ಒಂದು ವೇಳೆ ಫೈನ್ ಬಿದ್ದರೂ ಒಂದು ದಿನಕ್ಕೆ ಒಂದೇ ಫೈನ್ ತಾನೇ ಅಂತಾ ನಿರ್ಲಕ್ಷ್ಯ ವಹಿಸಿ, ಬೇಕಾಬಿಟ್ಟಿ ಗಾಡಿ ಚಲಾಯಿಸುವ ಮುನ್ನ ಈ ಸ್ಟೋರಿಯನ್ನು ಓದಲೇಬೇಕು.
ಹೆಲ್ಮೆಟ್ ಹಾಕದೇ ಬೈಕ್ ಹತ್ತುವವರು ಹತ್ತುಬಾರಿ ಈ ಸ್ಟೋರಿ ಓದಬೇಕು. ಇಲ್ಲವಾದಲ್ಲಿ ನಿಮಗೆ ನಷ್ಟವಾಗಬಹುದು. ಏಕೆಂದರೆ, ಸಂಚಾರಿ ಪೊಲೀಸ್ ಇಲಾಖೆ ಹೊಸದೊಂದು ತಾಂತ್ರಿಕ ವ್ಯವಸ್ಥೆಗೆ ಮುಂದಾಗಿದೆ. ಈ ವ್ಯವಸ್ಥೆಯ ಅಡಿಯಲ್ಲಿ ಹೆಲ್ಮೆಟ್ ಇಲ್ಲದೇ ನೀವೇನಾದರೂ ರಸ್ತೆಗಿಳಿದರೆ ಒಂದೇ ದಿನಕ್ಕೆ 10 ಸಾವಿರ ಬೇಕಾದ್ರೂ ದಂಡ ಬೀಳಬಹುದು ಹುಷಾರ್!
ಹೆಲ್ಮೆಟ್ ಹಾಕದವರಿಗೆ ಐಟಿಎಂಎಸ್ (ಇಂಟಿಗ್ರೇಟೆಡ್ ಟ್ರಾಫಿಕ್ ಮ್ಯಾನೇಜ್ಮೆಂಟ್ ಸಿಸ್ಟಂ) ವ್ಯವಸ್ಥೆ ದುಸ್ವಪ್ನವಾಗಿದೆ. ಐಟಿಎಂಎಸ್ ವ್ಯವಸ್ಥೆಯನ್ನು ಇತ್ತೀಚೆಗಷ್ಟೇ ಬೆಂಗಳೂರಲ್ಲಿ ಜಾರಿ ಮಾಡಲಾಗಿದೆ. ಡಿಜಿಟಲ್ ಕ್ಯಾಮೆರಾ ಮೂಲಕ ಟ್ರಾಫಿಕ್ ರೂಲ್ಸ್ ಉಲ್ಲಂಘನೆಗೆ ದಂಡಹಾಕುವ ವಿಧಾನ ಇದಾಗಿದೆ. ಬೆಂಗಳೂರಿನ ಎಲ್ಲಾ ಜಂಕ್ಷನ್ಗಳನ್ನೂ ಐಟಿಎಂಎಸ್ ಇದೆ.
ಹೆಲ್ಮೆಟ್ ಹಾಕದವರಿಗೆ ದುಬಾರಿಯಾಗಿ ಪರಿಣಮಿಸುತ್ತಿದೆ ಈ ಐಟಿಎಂಎಸ್ (Integrated Traffic Management System). ಈ ಹಿಂದೆ ಹೆಲ್ಮೆಟ್ ಹಾಕದಿದ್ದರೆ ಒಮ್ಮೆ ಮಾತ್ರ ದಂಡ ಕಟ್ಟಿ ರಶೀದಿ ಪಡೆಯಬಹುದಿತ್ತು. ಆನಂತರ ಪೊಲೀಸರು ಹಿಡಿದರೆ ದಂಡದ ರಶೀದಿ ತೋರಿಸಿ ಮನೆಗೆ ಹೋಗಬಹುದಿತ್ತು. ಒಮ್ಮೆ ಮಾತ್ರ ದಂಡಕ್ಕೆ ಅವಕಾಶ ಇತ್ತು. ಆದರೆ, ಹೊಸ ವ್ಯವಸ್ಥೆಯಲ್ಲಿ ಪ್ರತಿ ಸಿಗ್ನಲ್ನಲ್ಲೂ ದಂಡ ಸೇರುತ್ತಾ ಹೋಗುತ್ತದೆ. ಹೆಲ್ಮೆಟ್ ಹಾಕದೇ ಎಷ್ಟು ಸಿಗ್ನಲ್ ದಾಟುತ್ತೀರೋ ಅಷ್ಟು ದಂಡ ಒಂದೇ ಬಿಲ್ಗೆ ಸೇರುತ್ತದೆ.
ಒಬ್ಬ ಬೈಕ್ ಸವಾರ ಹೆಲ್ಮೆಟ್ ಹಾಕದೇ ನಾಲ್ಕು ಸಿಗ್ನಲ್ ದಾಟಿದ್ರೆ 2 ಸಾವಿರ ಹಾಗೂ 8 ಸಿಗ್ನಲ್ ದಾಟಿದ್ರೆ 4 ಸಾವಿರ ದಂಡ ಬೀಳುತ್ತದೆ. ಒಂದು ವೇಳೆ ಹೆಲ್ಮೆಟ್ ಹಾಕದೇ ಹತ್ತಾರು ಸಿಗ್ನಲ್ ದಾಟಿದ್ರೆ ಹತ್ತಾರು ಸಾವಿರವೇ ದಂಡ ಬೀಳುತ್ತೆ. ಐಟಿಎಂಎಸ್ನಿಂದ ಕಳೆದ ಒಂದೂವರೆ ತಿಂಗಳಲ್ಲಿ ಕೇಸ್ ಸಂಖ್ಯೆ ದುಪ್ಪಟ್ಟಾಗಿದೆ. ಐಟಿಎಂಎಸ್ ಬರೊಬ್ಬರಿ 9 ಲಕ್ಷ ಟ್ರಾಫಿಕ್ ರೂಲ್ಸ್ ಉಲ್ಲಂಘನೆ ಕೇಸ್ ದಾಖಲಿಸಿದೆ.
ಹೀಗಾಗಿ ಇನ್ಮುಂದೆ ಬೆಂಗಳೂರಿನಲ್ಲಿ ಬೈಕ್ ಓಡಿಸುವವರು ಐಟಿಎಂಎಸ್ (ITMS) ಬಗ್ಗೆ ತಿಳಿದುಕೊಂಡು ಗಾಡಿ ಚಲಾಯಿಸಿದರೆ, ನಿಮ್ಮ ಜೇಬಿಗೆ ಕತ್ತರಿ ಬೀಳುವುದನ್ನು ತಪ್ಪಿಸಿಕೊಳ್ಳಬಹುದು. (ದಿಗ್ವಿಜಯ ನ್ಯೂಸ್)
ಕಾಂತಾರ ಚಿತ್ರದ ಪ್ರಚಂಡ ಯಶಸ್ಸಿನ ಹಿಂದಿರುವ ಪ್ರಮುಖರು! ಇವರ ಕೈಚಳಕಕ್ಕೆ ನೀವೂ ಫಿದಾ ಆಗಿದ್ದೀರಿ
ಪತ್ನಿಯನ್ನು ಕೊಂದು ಶವದೊಂದಿಗೆ ಸಂಭೋಗ: ಪೊಲೀಸರ ಮುಂದೆ ಪತಿ ಆಡಿದ ನಾಟಕ ಬಯಲಾಗಿದ್ದೇ ರೋಚಕ!
ಪೊಲೀಸ್ ಠಾಣೆಯ ಹೊರಗೆ ಕುಳಿತು ಹುಕ್ಕಾ ಸೇವನೆ! ರೀಲ್ಸ್ ಮಾಡಲು ಹೋಗಿ ಜೈಲು ಪಾಲಾದ ಯುವಕ