ನವದೆಹಲಿ: ಇತ್ತೀಚೆಗೆ ಭಾರತೀಯ ಮಾರುಕಟ್ಟೆಯಲ್ಲಿ ಎಲೆಕ್ಟ್ರಿಕ್ ವಾಹನಗಳ ಟ್ರೆಂಡ್ ಹೆಚ್ಚುತ್ತಿದೆ. ನೀವು ಹೊಸ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ಖರೀದಿಸಲು ಯೋಜಿಸುತ್ತಿದ್ದರೆ, ಬೆಂಗಳೂರು ಮೂಲದ ಸ್ಟಾರ್ಟ್ ಅಪ್ ಕಂಪನಿ ಅಲ್ಟ್ರಾವೈಲೆಟ್ F77 ಎಲೆಕ್ಟ್ರಿಕ್ ಮೋಟಾರ್‌ಬೈಕ್ ಅನ್ನು ಮೂರು ವಿಭಿನ್ನ ಲುಕ್ಗಳಲ್ಲಿ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.
ಅಲ್ಟ್ರಾವೈಲೆಟ್ F77 ಬಂಪ್
ಕಂಪನಿಯು ಈಗಾಗಲೇ ಈ ಬೈಕಿನ ವಿನ್ಯಾಸವನ್ನು ಅನಾವರಣಗೊಳಿಸಿದೆ. ಇದು ನೋಡಲು ಸ್ಪೋರ್ಟಿ ಲುಕ್ ಹೊಂದಿದೆ. ಇದರ ಬೆಲೆ ಹತ್ತಿರ ಹತ್ತಿರ ಕವಾಸಕಿ ನಿಂಜಾ 400 ನಷ್ಟೇ ಇದೆ. ಆದರೆ ಇದರ ಕಾರ್ಯಕ್ಷಮತೆಯ ಇದು TVS ಅಪಾಚೆ, RR 310 ಮತ್ತು BMW G 310 R ನಂತಹ 300cc ಬೈಕ್‌ಗಳಿಗೆ ಸಮಾನವಾಗಿದೆ. ಈ ಬೈಕ್ ಮೂರು ವಿನ್ಯಾಸಗಳಲ್ಲಿ ಲಭ್ಯವಿದೆ. ಶ್ಯಾಡೊ, ಲೈಟ್ನಿಂಗ್ ಮತ್ತು ಲೇಸರ್ ಎಂಬ ಹೆಸರುಗಳ ಅಡಿಯಲ್ಲಿ ಈ ಮೂರು ವಿನ್ಯಾಸಗಳಿವೆ. ಶ್ಯಾಡೊ ಎಂದರೆ ಬ್ಲಾಕ್ ಮತ್ತು ಗ್ರೇ ಬಣ್ಣದ ಬೈಕ್ ಆಗಿರಲಿದೆ. ಅದೇ ಲೈಟ್ನಿಂಗ್ ಅಂದರೆ ಲೈಟ್ ಬ್ಲೂ ಬಣ್ಣದಲ್ಲಿದ್ದು ಲೇಸರ್ ಕೆಂಪು ಬಣ್ಣದಲ್ಲಿದೆ.
ಈ ಬೈಕ್ನಲ್ಲಿ ಸ್ಟ್ಯಾಂಡರ್ಡ್, ರೆಕಾನ್ ಮತ್ತು ಲಿಮಿಟೆಡ್ ಆವೃತ್ತಿಯ ಮೂರು ವರ್ಷನ್ಗಳನ್ನು ಕಾಣಬಹುದು. ಸ್ಟ್ಯಾಂಡರ್ಡ್ ಮಾಡೆಲ್ನಲ್ಲಿ – 27kW ಮೋಟಾರ್ ಇದ್ದು 7.1 ಕಿಲೋ ವ್ಯಾಟ್ ಬ್ಯಾಟರಿ ಪ್ಯಾಕ್ ಸಿಗಲಿದೆ. ಈ ಬಮಾದರಿಯ ಬೈಕ್ 206 ಕಿಮೀ ದೂರವನ್ನು ಕ್ರಮಿಸಲಿದೆ. ರೆಕಾನ್ ಮಾಡೆಲ್ನ ಗಾಡಿ 29kW ಮೋಟಾರ್ ಮತ್ತು 10.3ಕಿಲೋ ವ್ಯಾಟ್ ಬ್ಯಾಟರಿ ಪ್ಯಾಕ್ ಜೊತೆಗೆ ಬರಲಿದೆ. ಲಿಮಿಟೆಡ್ ಎಡಿಷನ್ ವೇರಿಯಂಟ್- 30.2kW ನ ಮೋಟಾರ್ 10.3 ಕಿಲೋವ್ಯಾಟ್ ಬ್ಯಾಟರಿಯೊಂದಿಗೆ ಬರಲಿದ್ದು 307 ಕಿಮೀ ಕ್ರಮಿಸುತ್ತೆ ಎಂದು ಹೇಳಲಾಗುತ್ತಿದೆ. (ಏಜೆನ್ಸೀಸ್)