“ಮೇಜರ್’ ಖ್ಯಾತಿಯ ಅಡಿವಿ ಶೇಷ್ ನಾಯಕನಾಗಿದ್ದ 2018ರ ಹಿಟ್ ಸಿನಿಮಾ “ಗೂಢಚಾರಿ’. ಕಳೆದ ವರ್ಷ ಅದರ ಸೀಕ್ವಲ್ “ಗೂಢಚಾರಿ 2′ ಘೋಷಿಸಲಾಗಿತ್ತು. ಮೊದಲ ಚಿತ್ರ ಶಶಿಕಿರಣ್ ಟಿಕ್ಕ ನಿರ್ದೇಶನದಲ್ಲಿ ಮೂಡಿಬಂದಿತ್ತು. ಇದೀಗ ಈ ಸೀಕ್ವಲ್ಗೆ “ಮೇಜರ್’ ಚಿತ್ರದ ಸಂಕಲನಕಾರ ವಿನಯ್ ಕುಮಾರ್ ಮೊದಲ ಬಾರಿಗೆ ಆ್ಯಕ್ಷನ್-ಕಟ್ ಹೇಳುತ್ತಿದ್ದು, ಈಗಾಗಲೇ ಹೈದರಾಬಾದ್ನಲ್ಲಿ ಮೊದಲ ಶೆಡ್ಯೂಲ್ ಶೂಟಿಂಗ್ ಮುಗಿಸಿರುವ ಚಿತ್ರತಂಡ ಇತ್ತೀಚೆಗಷ್ಟೆ ಗುಜರಾತ್ನ ಭುಜ್ನಲ್ಲಿ ಎರಡನೇ ಹಂತದ ಚಿತ್ರೀಕರಣ ಪ್ರಾರಂಭಿಸಿದೆ.
ಹೆಸರೇ ಹೇಳುವಂತೆ ಇದೊಂದು ಆ್ಯಕ್ಷನ್ ಸ್ಪೈ ಥ್ರಿಲ್ಲರ್ ಚಿತ್ರವಾಗಿದ್ದು, ಕೆಲ ದಿನಗಳ ಹಿಂದಷ್ಟೇ ಬಾಲಿವುಡ್ ನಟ ಎಮ್ರಾನ್ ಹಷ್ಮಿ ಖಡಕ್ ವಿಲನ್ ಆಗಿ “ಗೂಢಚಾರಿ 2′ ಟೀಂ ಸೇರಿಕೊಂಡಿದ್ದರು. ಅವರ ಬೆನ್ನಲ್ಲೇ ಭುಜ್ ಶೆಡ್ಯೂಲ್ನಲ್ಲಿ ನಾಯಕಿ ಬನಿತಾ ಸಂಧು, ಶೇಷ್ಗೆ ಸಾಥ್ ನೀಡಿದ್ದಾರೆ. ಈ ಹಿಂದೆ “ಅಕ್ಟೋಬರ್’, “ಸರ್ದಾರ್ ಉಧಮ್’ ಸೇರಿ ತಮಿಳಿನ “ಆದಿತ್ಯ ವರ್ಮ’ ಚಿತ್ರದಲ್ಲೂ ನಟಿಸಿದ್ದ ಬನಿತಾಗೆ “ಗೂಢಚಾರಿ 2′ ಮೊದಲ ಪ್ಯಾನ್ ಇಂಡಿಯಾ ಸಿನಿಮಾ. ಇದೇ ಮೊದಲ ಬಾರಿಗೆ ವಿಭಿನ್ನ ಅವತಾರದಲ್ಲಿ ಅವರು ಮಿಂಚಲಿದ್ದಾರೆ.
ಹೈದರಾಬಾದ್, ಭುಜ್ ಜತೆ ಯುಎಇ ಹಾಗೂ ಯೂರೋಪ್ನಲ್ಲಿ ಶೂಟಿಂಗ್ಗೆ ಪ್ಲ್ಯಾನ್ ಮಾಡಿಕೊಳ್ಳಲಾಗಿದೆ. ಈ ಸೀಕ್ವಲ್ ತೆಲುಗು, ಕನ್ನಡ, ಹಿಂದಿ, ತಮಿಳು ಹಾಗೂ ಮಲಯಾಳಂ ಭಾಷೆಗಳಲ್ಲಿ ಇದೇ ವರ್ಷ ತೆರೆಗೆ ಬರಲಿದೆ ಎನ್ನಲಾಗಿದೆ.
