ಬೆಂಗಳೂರು: ಲಾಕ್ಡೌನ್ ಹಿನ್ನೆಲೆಯಲ್ಲಿ ಲಾಕ್ಡೌನ್ ಪರಿಕಲ್ಪನೆಯನ್ನೇ ಆಧರಿಸಿ ಸಾಕಷ್ಟು ಕಿರುಚಿತ್ರಗಳು, ಹಾಡುಗಳು, ಜಾಗೃತಿ ಸಂದೇಶ ಸಾರುವ ಸಾಕಷ್ಟು ವಿಡಿಯೋಗಳು ಜಾಲತಾಣಗಳಲ್ಲಿ, ಯೂಟ್ಯೂಬ್ ಚಾನೆಲ್ಗಳಲ್ಲಿ ಅಪ್ಲೋಡ್ ಆಗಿದ್ದವು. ಅದೇ ರೀತಿ ಬೆಂಗಳೂರಿನ ಯುವ ನಿರ್ದೇಶಕ ಆದಿತ್ಯ ಸದಾಶಿವ, ‘ಬ್ಲಾಕ್’ ಹೆಸರಿನ ಕಿರುಚಿತ್ರ ನಿರ್ಮಾಣ ಮಾಡಿದ್ದರು. ಇದೀಗ ಅದೇ ಕಿರುಚಿತ್ರ ಜರ್ಮನಿಯಲ್ಲಿ ಪ್ರದರ್ಶನ ಕಂಡು, ಮೆಚ್ಚುಗೆ ಪಡೆದುಕೊಂಡಿದೆ. ಈ ಕುರಿತು ‘ವಿಜಯವಾಣಿ’ ಜತೆಗೆ ಖುಷಿ ಹಂಚಿಕೊಂಡಿದ್ದಾರೆ ಆದಿತ್ಯ.
ಅಚ್ಚರಿ ವಿಚಾರ ಏನೆಂದರೆ, ನಿರ್ದೇಶಕ ಆದಿತ್ಯ ಕಿರುಚಿತ್ರೋತ್ಸವಕ್ಕೆ ಕಳಿಸಲೆಂದೇ ಈ ಶಾರ್ಟ್ ಫಿಲಂ ಮಾಡಿರಲಿಲ್ಲ. ಕೊನೇ ಕ್ಷಣದಲ್ಲಿ ತಮ್ಮ ಆಪ್ತವಲಯದಿಂದ ಹೀಗೊಂದು ಕಿರುಚಿತ್ರೋತ್ಸವ ನಡೆಯುತ್ತಿರುವ ಬಗ್ಗೆ ಮಾಹಿತಿ ಸಿಕ್ಕಿದೆ. ಅದರ ಬಗ್ಗೆ ಮಾಹಿತಿ ತಿಳಿದುಕೊಂಡು ಅಪ್ಲೈ ಮಾಡಿದ್ದರು. ಕೊನೆಗೆ ನಿರೀಕ್ಷೆಗೂ ಮೀರಿದ ಪ್ರತಿಕ್ರಿಯೆ ಅವರ ಕಿರುಚಿತ್ರಕ್ಕೆ ಸಿಕ್ಕಿದೆ.
ಇದನ್ನೂ ಓದಿ: ಸದ್ಯ ಬಾಲಿವುಡ್ನಲ್ಲಿ ಯಾರೂ ಮಾಡದ ಸಾಹಸಕ್ಕೆ ಕೈ ಹಾಕಿದ ಸಲ್ಮಾನ್ ಖಾನ್!
‘ಜರ್ಮನಿಯಲ್ಲಿ ‘ಕರೊನಾ ಶಾರ್ಟ್ ಫಿಲಂಸ್ ಫೆಸ್ಟಿವಲ್’ ಹೆಸರಿನ ಕಿರು ಸಿನಿಮೋತ್ಸವ ಆಯೋಜಿಸಲಾಗಿತ್ತು. ಲಾಕ್ಡೌನ್ ಹೊತ್ತಿನಲ್ಲಿಯೇ ಮಾಡಿದ ಕಿರುಚಿತ್ರ ಅದಾಗಿರಬೇಕಿತ್ತು. ಕೊನೆಗೆ ಆನ್ಲೈನ್ ಮೂಲಕವೇ ಕಿರುಚಿತ್ರ ಕಳುಹಿಸಿದ್ದೆ. ವಿಶ್ವದಾದ್ಯಂತ ಒಟ್ಟು 1250ಕ್ಕೂ ಅಧಿಕ ಕಿರುಚಿತ್ರಗಳು ಸ್ಪರ್ಧೆಯಲ್ಲಿದ್ದವು. ಅಂತಿಮವಾಗಿ 36 ಕಿರುಚಿತ್ರಗಳನ್ನು ತೀರ್ಪುಗಾರರ ಸುತ್ತಿಗೆ ಆಯ್ಕೆ ಮಾಡಲಾಯಿತು. ಇಡೀ ಭಾರತದಿಂದ ಕೇವಲ ಎರಡೇ ಸಿನಿಮಾಗಳು ಸೆಲೆಕ್ಟ್ ಆಗಿದ್ದವು. ಅದರಲ್ಲಿ ನನ್ನ ನಿರ್ದೇಶನದ ‘ಬ್ಲಾಕ್’ ಸಹ ಆಯ್ಕೆಯಾಗಿದ್ದು ಖುಷಿ ನೀಡಿತು’ ಎನ್ನುತ್ತಾರೆ ಆದಿತ್ಯ.
ಇದನ್ನೂ ಓದಿ: ಕ್ಯೂನಲ್ಲಿ ಶ್ರೇಯಸ್; ಈ ಚಿತ್ರಕ್ಕೂ ನಾಗಶೇಖರ್ ನಿರ್ದೇಶನ
ಒಟ್ಟು 14 ನಿಮಿಷದ ಈ ಕಿರುಚಿತ್ರದಲ್ಲಿ ಯಾವ ಕಲಾವಿದರೂ ಇಲ್ಲ, ಶೂಟಿಂಗ್ಗೆ ಬೇಕಾದ ಸಲಕರಣೆಗಳನ್ನೂ ಬಳಸಲಾಗಿಲ್ಲ. ನಿರ್ದೇಶಕ ಆದಿತ್ಯ ತಮ್ಮ ಬಳಿ ಇರುವ ಕ್ಯಾಮರಾದಿಂದ ವಾಸವಿರುವ ಪ್ಲ್ಯಾಟ್ನಿಂದಲೇ ಎಲ್ಲ ದೃಶ್ಯಗಳನ್ನು ಸೆರೆಹಿಡಿದಿದ್ದಾರೆ. ಕರೊನಾ ಹಿನ್ನೆಲೆಯಲ್ಲಿ ಹೇಗಿದ್ದ ಜಗತ್ತು ಹೇಗಾಯ್ತು ಎಂಬುದನ್ನು‘ಬ್ಲಾಕ್’ ಸಿನಿಮಾದಲ್ಲಿ ಹೇಳಲಾಗಿದೆ. ಇಡೀ ಚಿತ್ರ ಕಪ್ಪು ಬಿಳುಪಿನಲ್ಲಿಯೇ ಮೂಡಿಬಂದಿದೆ.
ಸಿನಿಮಾ ರಿಲೀಸ್ ಮಾಡೋಕೆ ರೆಡಿಯಾಗಿ!; ಚಿತ್ರ ಪ್ರದರ್ಶನಕ್ಕೆ ಕೇಂದ್ರದಿಂದ ಸಿಕ್ತು ಗ್ರೀನ್ ಸಿಗ್ನಲ್!?