ಭೋಪಾಲ್: ಕೈಕಾಲುಗಳಿಲ್ಲದೇ ಹೆಣ್ಣು ಮಗುವೊಂದು ಜನಿಸಿರುವ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದ್ದು, ಮಗುವಿನ ತಾಯಿ ಮತ್ತು ವೈದ್ಯರಲ್ಲಿ ಅಚ್ಚರಿಯನ್ನುಂಟು ಮಾಡಿದೆ. ಅಪರೂಪದ ಅನುವಂಶೀಯ ಕಾಯಿಲೆಯಿಂದ ಹೀಗಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ.
ವಿಧಿಶಾ ಜಿಲ್ಲೆಯ ಸಿರೊಂಜ್ ತಾಲೂಕಿನ ಸಾಕ್ಲಾ ಗ್ರಾಮದಲ್ಲಿ 28 ವರ್ಷದ ಮಹಿಳೆಗೆ ಅಪರೂಪದ ಹೆಣ್ಣು ಮಗು ನಿನ್ನೆ (ಶನಿವಾರ) ಜನಿಸಿದೆ. ಕುಟುಂಬದ ಜನ್ಮಜಾತ “ಟೆಟ್ರಾ ಅಮೆಲಿಯಾ” ಎಂಬ ಅನುವಂಶೀಯ ಕಾಯಿಲೆಯಿಂದ ಮಗು ಹುಟ್ಟುವಾಗಲೇ ಕೈಕಾಲುಗಳನ್ನು ಕಳೆದುಕೊಂಡಿದೆ.
ಇದನ್ನೂ ಓದಿ: ಯುವತಿಯನ್ನು ನಂಬಿಸಿ ದ್ರೋಹವೆಸಗಿದ ಪೊಲೀಸ್ ಕಾನ್ಸ್ಟೇಬಲ್ ಬಂಧನ
ಈ ಬಗ್ಗೆ ಮಾತನಾಡಿರುವ ಸಿರೊಂಜ್ನ ರಾಜೀವ್ ಗಾಂಧಿ ಸ್ಮೃತಿ ಆಸ್ಪತ್ರೆಯ ಶಿಶುವೈದ್ಯರಾಗಿರುವ ಡಾ. ಸುರೇಶ್ ಅಗರ್ವಾಲ್ ಅವರು, ಮಗು ತುಂಬಾ ಆರೋಗ್ಯವಾಗಿದೆ ಎಂದು ತಿಳಿಸಿದ್ದಾರೆ. ಮಗುವಿನ ಆಂತರಿಕ ಅಂಗಗಳು ಸರಿಯಾಗಿ ಬೆಳವಣಿಗೆಯಾಗಿದೆಯೇ? ಎಂಬುದನ್ನು ತಿಳಿದುಕೊಳ್ಳಲು ಮಗುವನ್ನು ಮುಂದಿನ ಪರೀಕ್ಷೆಗೆ ಒಳಪಡಿಸಲಾಗಿದೆ ಎಂದು ವೈದ್ಯರು ಮಾಹಿತಿ ನೀಡಿದ್ದಾರೆ.
ಅಂದಹಾಗೆ ಟೆಟ್ರಾ ಅಮೆಲಿಯಾ ಕಾಯಿಲೆ ಒಂದು ಅನುವಂಶೀಯ ರೋಗವಾಗಿದ್ದು, ಡಬ್ಲ್ಯುಎನ್ಟಿ3 (WNT3) ಜೀನ್ನಲ್ಲಿನ ರೂಪಾಂತರದಿಂದಾಗಿ ಈ ಕಾಯಿಲೆ ಸಂಭವಿಸುತ್ತದೆ. ಈ ಕಾಯಿಲೆಯಿಂದ ಕೈಕಾಲುಗಳು ಬೆಳವಣಿಗೆಯೇ ಆಗುವುದಿಲ್ಲ. ಆದರೆ, ಇಂತಹ ಪ್ರಕರಣಗಳು ತುಂಬಾ ಅಪರೂಪ ಎಂದು ತಜ್ಞರು ಹೇಳಿದ್ದಾರೆ.
ಇದನ್ನೂ ಓದಿ: ಸೇನೆಗೆ ಕೊಂಕಣಿ ಯುವತಿಯರು: ದೇಶ ಸೇವೆಗೆ ಇಳಿದ ಎಂಬಿಬಿಎಸ್, ಇಂಜಿನಿಯರಿಂಗ್ ಪದವೀಧರರು
ಸುಮಾರು 1 ಲಕ್ಷ ಮಕ್ಕಳ ಜನನದಲ್ಲಿ ಒಬ್ಬರಿಗೆ ಮಾತ್ರ ಇಂತಹ ಕಾಯಿಲೆ ತಗುಲುತ್ತದೆ ಎಂದು ಮಧ್ಯಪ್ರದೇಶ ರಾಜಧಾನಿ ಭೋಪಾಲ್ ಚಿಲ್ಡ್ರನ್ ಮೆಂಟಲ್ ಹೆಲ್ತ್ ಆಫೀಸರ್ (ಸಿಎಂಎಚ್ಒ) ಹಾಗೂ ಶಿಶುವೈದ್ಯ ಡಾ. ಪ್ರಭಾಕರ್ ತಿವಾರಿ ತಿಳಿಸಿದ್ದಾರೆ. ಇವರ ವೃತ್ತಿ ಜೀವನದಲ್ಲೇ ಇದೇ ಮೊದಲ ಪ್ರಕರಣವಂತೆ. (ಏಜೆನ್ಸೀಸ್)
VIDEO| ಪೈಲಟ್ ಗಂಡನ ಕಿರುಕುಳಕ್ಕೆ ಬೇಸತ್ತು ಟೆಕ್ಕಿ ಆತ್ಮಹತ್ಯೆ: ಬೆಚ್ಚಿಬೀಳಿಸುವಂತಿದೆ ಸಿಸಿಟಿವಿ ದೃಶ್ಯ