ನವದೆಹಲಿ: ಆಯುಷ್ಮಾನ್ ಭಾರತ್ ಆರೋಗ್ಯ ಖಾತೆ (ಎಬಿಎಚ್ಎ)ಯನ್ನು ಈಗ ಸಾರ್ವಜನಿಕರು ಸ್ವತಃ ಹಾಗೂ ಸರಳವಾಗಿ ರಚಿಸಿಕೊಳ್ಳಬಹುದು. ಆ ಮೂಲಕ 14 ಅಂಕಿಗಳ ಆಯುಷ್ಮಾನ್ ಭಾರತ್ ಆರೋಗ್ಯ ಖಾತೆ ಸಂಖ್ಯೆಯನ್ನೂ ಸುಲಭದಲ್ಲಿ ಪಡೆಯಬಹುದು.
ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರವು ಆಯುಷ್ಮಾನ್ ಭಾರತ್ ಡಿಜಿಟಲ್ ಮಿಷನ್ ಯೋಜನೆಯಡಿ ಆರೋಗ್ಯ ಸೇತು ಆ್ಯಪ್ ಕೂಡ ಸಂಯೋಜನೆಗೊಳಿಸಿದ್ದು, ಇದೀಗ ಆರೋಗ್ಯ ಸೇತು ಆ್ಯಪ್ ಇದ್ದರೆ ಆ ಮೂಲಕ ಆಯುಷ್ಮಾನ್ ಭಾರತ್ ಆರೋಗ್ಯ ಖಾತೆ ನಂಬರ್ ಸುಲಭದಲ್ಲಿ ಪಡೆಯಬಹುದು.
ಇದನ್ನೂ ಓದಿ: ಹಿಜಾಬ್ ಕಿಚ್ಚು ಹೊತ್ತಿಸಿದವರ ಶಕ್ತಿಪ್ರದರ್ಶನ: ಅದೇ ಆರು ವಿದ್ಯಾರ್ಥಿನಿಯರಿಂದ ಮತ್ತೆ ತಕರಾರು
ಈ ಖಾತೆ ನಂಬರ್ ಮೂಲಕ ವೈದ್ಯರ ಪ್ರಿಸ್ಕ್ರಿಪ್ಷನ್, ಪ್ರಯೋಗಾಲಯದ ವರದಿ, ಆಸ್ಪತ್ರೆ ದಾಖಲೆ ಮುಂತಾದವುಗಳನ್ನು ಡಿಜಿಟಲಿ ಸಂಗ್ರಹಿಸಿಡಬಹುದು. ಮಾತ್ರವಲ್ಲ, ನೋಂದಾಯಿತ ವೈದ್ಯಕೀಯ ಪರಿಣತರು, ಆರೋಗ್ಯ ಸೇವೆ ನೀಡುವವರು ಹಾಗೂ ಇತರ ಡಿಜಿಟಲ್ ಹೆಲ್ತ್ ಸರ್ವಿಸ್ ಪ್ರೊವೈಡರ್ಸ್ ಜತೆ ಈ ದಾಖಲೆಗಳನ್ನು ಸುಲಭವಾಗಿ ಹಂಚಿಕೊಂಡು ಪ್ರಯೋಜನ ಪಡೆಯಬಹುದು.
‘ಬೆಳಗಾವಿ ಕರ್ನಾಟಕದ್ದೇ, ಇಲ್ಲಿಯ ಮೂಲಭಾಷೆ ಕನ್ನಡವೇ’: ಸಿಕ್ಕಿದೆ ಬ್ರಿಟಿಷರ ಕಾಲದ ಮತ್ತೊಂದು ಮಹತ್ವದ ಕನ್ನಡ ದಾಖಲೆ