ಹೈದರಾಬಾದ್: ಆಲ್ ಇಂಡಿಯಾ ಮಜಿಸ್ ಎ ಇತ್ತೆಹಾದುಲ್ ಮುಸ್ಲಿಮೀನ್ (ಎಐಎಂಐಎಂ) ಪಕ್ಷದ ಮುಖ್ಯಸ್ಥ, ಹೈದರಾಬಾದ್ ಸಂಸದ ಅಸಾದುದ್ದೀನ್ ಒವೈಸಿ ಅವರು ಇಂದು ಸರ್ಕಾರಿ ಉನಾನಿ ಆಸ್ಪತ್ರೆಯಲ್ಲಿ ಕೊವಿಡ್-19 ಟೆಸ್ಟ್ಗೆ ಒಳಗಾಗಿದ್ದಾರೆ.
ನಂತರ ಟ್ವೀಟ್ ಮಾಡಿರುವ ಓವೈಸಿ, ನಾನು ಇಂದು ಆ್ಯಂಟಿಜೆನ್ ಮತ್ತು ಆರ್ಟಿ-ಪಿಸಿಆರ್ ತಪಾಸಣೆಗೆ ಒಳಗಾಗಿದ್ದೇನೆ. ಹಾಗೇ ಪ್ರತಿಯೊಬ್ಬರೂ ಕೊವಿಡ್-19 ಟೆಸ್ಟ್ಗೆ ಒಳಗಾಗಿ. ತಪಾಸಣೆ ಮಾಡಿಸಿಕೊಳ್ಳಲು ಯಾವ ಕಾರಣಕ್ಕೂ ಹಿಂದೇಟು ಹಾಕಬೇಡಿ ಎಂದು ಹೇಳಿದ್ದಾರೆ.
ಇತ್ತೀಚೆಗೆ ಹಲವು ಜನಪ್ರತಿನಿಧಿಗಳು ಕೊವಿಡ್-19 ಸೋಂಕಿಗೆ ಒಳಗಾಗುತ್ತಿದ್ದಾರೆ. ಹಾಗಾಗಿ ಮುನ್ನೆಚ್ಚರಿಕಾ ಕ್ರಮವಾಗಿ ಓವೈಸಿ ಕೂಡ ಟೆಸ್ಟ್ ಮಾಡಿಸಿದ್ದರು. ಆ್ಯಂಟಿಜೆನ್ ಟೆಸ್ಟ್ ರಿಪೋರ್ಟ್ 30 ನಿಮಿಷದಲ್ಲಿ ಬಂದಿದ್ದು, ನೆಗೆಟಿವ್ ಎಂದಿದೆ. ಅಲ್ಲದೆ, ನಾಗರಿಕರು ಮುಂದಾಗಿ ಕೊವಿಡ್-19 ಟೆಸ್ಟ್ ಮಾಡಿಸಿಕೊಳ್ಳಿ ಎಂದೂ ಸಲಹೆ ನೀಡಿದ್ದಾರೆ. ದಿನವೊಂದಕ್ಕೆ 1000 ಟೆಸ್ಟ್ನ್ನಾದರೂ ಮಾಡಿ ಎಂದು ಆಸ್ಪತ್ರೆಗಳಿಗೆ ಹೇಳಿದ್ದಾರೆ. ಇದನ್ನೂ ಓದಿ: ಕರೊನಾ ವಾರಿಯರ್ಸ್ಗೆ ಬುದ್ಧಿ ಹೇಳಲು ಹೋಗಿ ಪ್ರಧಾನಿಯನ್ನ ಮಾತಿನ ಮಲ್ಲ ಎಂದ ರೇಣುಕಾಚಾರ್ಯ
ದಕ್ಷಿಣ ಹೈದರಾಬಾದ್ನಲ್ಲಿ ಒಟ್ಟು 30 ತಪಾಸಣಾ ಕೇಂದ್ರಗಳಲ್ಲಿ ಆ್ಯಂಟಿಜೆನ್ ಟೆಸ್ಟ್ ಮಾಡಸಲಾಗುತ್ತಿದೆ ಎಂದು ಓವೈಸಿ ಹೇಳಿದ್ದಾರೆ.
ಒಂದೊಮ್ಮೆ ಆ್ಯಂಟಿಜೆನ್ ಟೆಸ್ಟ್ ವರದಿ ನೆಗೆಟಿವ್ ಎಂದು ಬಂದಿದ್ದರೂ, ನಿಮ್ಮಲ್ಲಿ ಕರೊನಾ ಸೋಂಕಿನ ಲಕ್ಷಣಗಳು ಯಾವುದಾದರೂ ಇದ್ದರೆ ಕೂಡಲೇ ಆರ್ಟಿ-ಪಿಸಿಆರ್ ತಪಾಸಣೆಗೆ ಒಳಗಾಗಿ ಎಂದೂ ಓವೈಸಿ ಹೇಳಿದ್ದಾರೆ. (ಏಜೆನ್ಸೀಸ್)
‘ಶಿವ@58’ ಬರ್ತ್ಡೇ ಹಾಡು ಬಿಡುಗಡೆ ಮಾಡಲಿದ್ದಾರೆ ಪುನೀತ್ ರಾಜ್ಕುಮಾರ್