ಹೈದರಾಬಾದ್: ರೈಫಲ್ಗಳಲ್ಲಿ ಈಗಲೂ ಎ.ಕೆ. -47 ಅತ್ಯಂತ ಮಾರಕ. ಇದರಿಂದ ಅನೂಹ್ಯ ವೇಗದಲ್ಲಿ, ಅಭೇದ್ಯವನ್ನೂ ತೂರಿ ಹೋಗಬಲ್ಲ ಶಕ್ತಿ ಇದರಿಂದ ಸಿಡಿದ ಗುಂಡಿಗಿದೆ.
ಈ ರೈಫಲ್ಅನ್ನು ಹತ್ತಾರು ಬಾರಿ ಅಭಿವೃದ್ಧಿಪಡಿಸಿ ಹೊಸ ಮಾದರಿಗಳನ್ನು ಪರಿಚಯಿಸಲಾಗುತ್ತಿದೆ. ಇಂಥ ರೈಫಲ್ನಿಂದ ಸಿಡಿದ ಗುಂಡನ್ನು ಸಮರ್ಥವಾಗಿ ತಡೆದು, ಪ್ರಾಣ ರಕ್ಷಣೆ ಮಾಡಬಲ್ಲ ಸಾಮರ್ಥ್ಯವನ್ನು ಹೊಂದಿದೆ ಈ ಭಾಭಾ ಕವಚ….!
ಇದನ್ನೂ ಓದಿ; ದೇಶೀಯ ಕರೊನಾ ಲಸಿಕೆ ಕ್ಷಮತೆ ಸಾಬೀತು; ಪ್ರಾಣಿಗಳಲ್ಲಿ ಪ್ರಯೋಗ ಯಶಸ್ವಿ
ಇದೇನು ಅಂತೀರಾ….! ಯಾವ ಬಾಬಾ ತಯಾರಿಸಿದ್ದು ಈ ಕವಚವನ್ನು ಎಂಬ ಕುತೂಹಲ ಮೂಡಬಹುದು. ಇದರ ಹೆಸರು ‘ಭಾಭಾ ಕವಚ’ವೇ ಹೆಸರು ನೀವಂದುಕೊಂಡಂತೆ ಯಾವುದೋ ಬಾಬಾ ತಯಾರಿಸಿದ್ದಲ್ಲ.
ಹೈದರಾಬಾದ್ನ ಕಂಚನ್ಬಾಗ್ ಪ್ರದೇಶದಲ್ಲಿರುವ ಕೇಂದ್ರ ಸರ್ಕಾರ ಅಧೀನದ ಮಿಶ್ರಧಾತು ನಿಗಮ ಇದನ್ನು ತಯಾರಿಸಿದೆ. ಇದನ್ನು ಭಾಭಾ ಅಣುಶಕ್ತಿ ಸಂಶೋಧನಾ ಸಂಸ್ಥೆ ಈ ಗುಡುಂ ನಿರೋಧಕ ಕವಚವನ್ನು ಅಭಿವೃದ್ಧಿಪಡಿಸಿರುವುದರಿಂದ ಇದನ್ನು ಭಾಭಾ ಕವಚ ಎಂದು ಹೆಸರಿಸಲಾಗಿದೆ. ಚೀನಾದ ಗಡಿಯಲ್ಲೀಗ ಉದ್ವಿಗ್ನ ಸ್ಥಿತಿ ನೆಲೆಸಿರುವ ಸಂದರ್ಭದಲ್ಲಿಯೇ ಇದು ತಯಾರಾಗಿದೆ. ಈಗಾಗಲೇ ನೂರಾರು ಸಂಖ್ಯೆಯಲ್ಲಿ ಇದನ್ನು ತಯಾರಿಸಿ ಅರೆ ಸೇನಾಪಡೆಗಳ ಯೋಧರಿಗೆ ಪೂರೈಸಲಾಗಿದೆ.
ಇದನ್ನೂ ಓದಿ; ಒಂದು ತಿಂಗಳಿನಿಂದ ನಡೆಯುತ್ತಿದೆ ಸರ್ಕಾರಿ ಶಾಲೆ; ಲಾಕ್ಡೌನ್ ಲೆಕ್ಕಕ್ಕೇ ಇಲ್ಲ; ಅಧಿಕಾರಿಗಳಿಗೂ ಗೊತ್ತಿಲ್ಲ….!
ಬುಲೆಟ್ಫ್ರೂಪ್ ಜಾಕೆಟ್ಗಳನ್ನು ತಯಾರಿಸುವ ತಾಂತ್ರಿಕತೆಯಲ್ಲಿ ನಾವು ನೈಪುಣ್ಯತೆ ಪಡೆದಿದ್ದೇವೆ. ಇದನ್ನು ಬೃಹತ್ ಪ್ರಮಾಣದಲ್ಲಿ ಉತ್ಪಾದಿಸುವ ಕ್ಷಮತೆಯೂ ನಮಗಿದೆ. ವಿಶ್ವ ವಿವಿಧೆಡೆಗಳಲ್ಲಿ ತಯಾರಿಸಲಾಗುವ ಶಸ್ತ್ರಾಸ್ತ್ರಗಳನ್ನು ಗಮನಿಸಿ ಅಗತ್ಯ ಬದಲಾವಣೆಗಳನ್ನು ಮಾಡಬಹುದು ಎಂದು ಸಂಸ್ಥೆಯ ಅಧ್ಯಕ್ಷ ಸಂಜಯ್ಕುಮಾರ್ ಝಾ ಹೇಳಿದ್ದಾರೆ.
ಸಂಸ್ಥೆಯಲ್ಲಿ ತಯಾರಿಸಲಾದ ಬುಲೆಟ್ಪ್ರೂಫ್ ಜಾಕೆಟ್ಗಳು ಕೇಂದ್ರ ಗೃಹ ಸಚಿವಾಲಯದ ಮಾನದಂಡಗಳಿಗೆ ಅನುಗುಣವಾಗಿವೆ ಹಾಗೂ ಬಿಐಎಸ್-6 ಮಾನದಂಡಗಳನ್ನೂ ಪಾಲಿಸಿವೆ ಎಂದು ಝಾ ತಿಳಿಸಿದ್ದಾರೆ.