‘ಗೋಲ್ಡನ್ ಸ್ಟಾರ್’ ಗಣೇಶ್ ಅಭಿನಯದಲ್ಲಿ ಈ ಹಿಂದೆ ಪ್ರಶಾಂತ್ ರಾಜ್, ‘ಜೂಮ್’ ಮತ್ತು ‘ಆರೆಂಜ್’ ಎಂಬ ಎರಡು ಚಿತ್ರಗಳನ್ನು ಮಾಡಿದ್ದರು. ಇದೀಗ ಗಣೇಶ್ ಅವರ ಹುಟ್ಟುಹಬ್ಬದ ಸಂದಭರ್ದಲ್ಲಿ ಪ್ರಶಾಂತ್ ರಾಜ್ ಇನ್ನೊಂದು ಸಿನಿಮಾ ಅನೌನ್ಸ್ ಮಾಡಿದ್ದಾರೆ.
ಇದನ್ನೂ ಓದಿ: ಸಂಭ್ರಮಕ್ಕೆ ಇದು ಸಮಯವಲ್ಲ! … ಇದ್ದಲ್ಲೇ ಹರಸಿ-ಹಾರೈಸಲು ಗಣೇಶ್ ಮನವಿ
ಸದ್ಯಕ್ಕೆ ಈ ಚಿತ್ರಕ್ಕೆ ಇನ್ನೂ ಹೆಸರಿಟ್ಟಿಲ್ಲ. ‘ಪ್ರೊಡಕ್ಷನ್ ನಂ 7’ ಎಂಬ ಹೆಸರಿನಲ್ಲಿ ಈ ಚಿತ್ರದ ಕೆಲಸಗಳು ಶುರುವಾಗಿದ್ದು, ಪ್ರಶಾಂತ್ ರಾಜ್ ತಮ್ಮ ‘ನಿಮ್ಮ ಸಿನಿಮಾ’ ಪ್ರೊಡಕ್ಷನ್ ಹೌಸ್ನ 10ನೇ ವಾರ್ಷಿಕೋತ್ಸವ ಮತ್ತು ಗಣೇಶ್ ಅವರ ಹುಟ್ಟುಹಬ್ಬದ ಅಂಗವಾಗಿ ಈ ಚಿತ್ರವನ್ನು ಘೋಷಿಸಿದ್ದಾರೆ. ಅಷ್ಟೇ ಅಲ್ಲ, ಈ ಸಂದರ್ಭದಲ್ಲಿ ಗಣೇಶ್ ಅವರ ಹುಟ್ಟುಹಬ್ಬಕ್ಕೆ ವಿಶೇಷ ಕೇಕ್ ಮಾಡಿಸಿ, ಅವರಿಂದ ಕಟ್ ಮಾಡಿಸಿದ್ದಾರೆ ನಿರ್ದೇಶಕ ಪ್ರಶಾಂತ್ ರಾಜ್.
ಗಣೇಶ್ ಹುಟ್ಟುಹಬ್ಬಕ್ಕೆ ವಿಶಿಷ್ಟ ಕೇಕ್!
ಇಂದು 'ಗೋಲ್ಡನ್ ಸ್ಟಾರ್' ಗಣೇಶ್, ಈ ಸಂದರ್ಭದಲ್ಲಿ ಅವರ ಹುಟ್ಟುಹಬ್ಬಕ್ಕೆ ವಿಶೇಷ ಕೇಕ್ ಮಾಡಿಸಿ, ಅವರಿಂದ ಕಟ್ ಮಾಡಿಸಿದ್ದಾರೆ ನಿರ್ದೇಶಕ ಪ್ರಶಾಂತ್ ರಾಜ್. ಗಣೇಶ್ ಅಭಿನಯದಲ್ಲಿ ಈಗಾಗಲೇ 'ಜೂಮ್' ಮತ್ತು 'ಆರೆಂಜ್' ಚಿತ್ರಗಳನ್ನು ನಿರ್ದೇಶಿಸಿದ್ದ ಪ್ರಶಾಂತ್ ರಾಜ್, ಇಂದು ಹೊಸ ಚಿತ್ರ ಅನೌನ್ಸ್ ಮಾಡಿದ್ದಾರೆ.
Posted by Vijayavani on Thursday, July 2, 2020
ಈ ಚಿತ್ರಕ್ಕೂ ‘ಜೂಮ್’ ಮತ್ತು ‘ಆರೆಂಜ್’ ಚಿತ್ರಗಳಿಗೆ ಕೆಲಸ ಮಾಡಿದ ತಂತ್ರಜ್ಱರೇ ಮುಂದುವರೆಯಲಿದ್ದಾರೆ. ಎಸ್.ಎಸ್. ತಮನ್ ಸಂಗೀತ ಸಂಯೋಜಿಸಲಿದ್ದು, ಸಂತೋಷ್ ರೈ ಪಾತಾಜೆ ಛಾಯಾಗ್ರಹಣ ಮಾಡಲಿದ್ದಾರೆ. ಈ ಹಿಂದಿನ ಎರಡು ಚಿತ್ರಗಳು ರೊಮ್ಯಾಂಟಿಕ್ ಕಾಮಿಡಿಗಳಾಗಿದ್ದು, ಈ ಬಾರಿ ಪ್ರಶಾಂತ್ ರಾಜ್ ಅವರು ಗಣೇಶ್ ಅಭಿನಯದಲ್ಲಿ ಕ್ರೈಮ್ ಥ್ರಿಲ್ಲರ್ ಮಾಡುವುದಕ್ಕೆ ಹೊರಟಿದ್ದಾರೆ.
ಚಿತ್ರದ ಪೋಸ್ಟರ್ ಬಿಡುಗಡೆಯಾಗಿದ್ದರೂ, ಚಿತ್ರ ಶುರುವಾಗುವುದಕ್ಕೆ ಇನ್ನೂ ಒಂದು ವರ್ಷವಾದರೂ ಬೇಕು. ಪ್ರಮುಖವಾಗಿ ‘ಗಾಳಿಪಟ 2’ ಮತ್ತು ‘ಸಖತ್’ ಚಿತ್ರಗಳಲ್ಲಿ ನಟಿಸುತ್ತಿರುವ ಗಣೇಶ್, ಮೊದಲು ಆ ಚಿತ್ರಗಳನ್ನು ಕಂಪ್ಲೀಟ್ ಮಾಡಬೇಕಿದೆ. ಆ ನಂತರ, ಮಹೇಶ್ ಗೌಡ ನಿರ್ದೇಶನದ ‘ತ್ರಿಬಲ್ ರೈಡಿಂಗ್’ ಎಂಬ ಚಿತ್ರದಲ್ಲಿ ಗಣೇಶ್ ನಟಿಸಲಿದ್ದಾರೆ. ಈ ಮೂರು ಚಿತ್ರಗಳಿಗೆ ಒಂದು ವರ್ಷವಾದರೂ ಬೇಕು.
ಇದನ್ನೂ ಓದಿ: ಕಾರ್ತಿಕಾ ಲೈಟ್ ಬಿಲ್ ಕೇಳಿ ನೀವು ಶಾಕ್ ಆಗ್ತೀರಾ!
ಇದಲ್ಲದೆ ಸಿಂಪಲ್ ಸುನಿ ನಿರ್ದೇಶನದ ‘ದಿ ಸ್ಟೋರಿ ಆಫ್ ರಾಯಗಢ’ ಚಿತ್ರದಲ್ಲಿ ನಟಿಸುವುದಕ್ಕೆ ಒಪ್ಪಿಕೊಂಡಿದ್ದು, ಆ ಚಿತ್ರದ ಕೆಲಸಗಳು ಇವೆಲ್ಲಾ ಚಿತ್ರದ ಮುಗಿದ ನಂತರ ಪ್ರಾರಂಭವಾಗುತ್ತದಂತೆ. ಹಾಗಾಗಿ ಪ್ರಶಾಂತ್ ರಾಜ್ ಅವರ ಚಿತ್ರವು ಮುಂದಿನ ವರ್ಷ ಶುರುವಾಗುತ್ತದೋ ಅಥವಾ 2022ಕ್ಕೆ ಪ್ರಾರಂಭವಾಗುತ್ತದೋ ಎಂಬುದು ಇನ್ನಷ್ಟೇ ಗೊತ್ತಾಗಬೇಕಿದೆ.
ಹೀರೋನೂ ನಾನೇ, ವಿಲನ್ನೂ ನಾನೇ … ‘ಕೆಜಿಎಫ್ 2’ ಪಾತ್ರದ ಬಗ್ಗೆ ರವೀನಾ ಟಂಡನ್