ದುಬೈ: ಕಳೆದ ವಾರ ಸಂಭವಿಸಿದ್ದ ಬೆಂಕಿ ಅವಘಡದಲ್ಲಿ ಹೆಂಡತಿಯನ್ನು ರಕ್ಷಿಸಲು ಹೋಗಿ ಗಾಯಗೊಂಡಿದ್ದ ಪತಿ ಮೃತಪಟ್ಟಿದ್ದಾರೆ.
ಕೇರಳ ಮೂಲದ ಅಬುಧಾಬಿ ನಿವಾಸಿ ಅನಿಲ್ ನಿನಾನ್ ತಮ್ಮ ಪತ್ನಿಯನ್ನು ಮನೆಗೆ ಬಿದ್ದಿದ್ದ ಬೆಂಕಿಯಿದ ರಕ್ಷಿಸಲು ಹೋದಾಗ ಗಾಯಗೊಂಡಿದ್ದರು. ಪತ್ನಿ ನೀನೂ ಕೂಡ ಗಾಯಗೊಂಡಿದ್ದರು. ಸದ್ಯ ಅವರ ಸ್ಥಿತಿ ಸುಧಾರಿಸಿದೆ ಎಂದು ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ. ಶಾರ್ಟ್ ಸಕ್ರ್ಯೂಟ್ನಿಂದ ಬೆಂಕಿ ಅವಘಡ ಸಂಭವಿಸಿತ್ತು.
ಇದು ನಮಗೆ ದುಃಖದ ಸಮಯ. ಅನಿಲ್ ಹೆಂಡತಿ ಆಸ್ಪತ್ರೆಯಲ್ಲಿ ಈಗ ಸುಧಾರಿಸಿಕೊಳ್ಳುತ್ತಿದ್ದಾಳೆ. ಆದರೆ ಇವನ ಸಾವಿನಿಂದ ನಮಗೆ ಶಾಕ್ ಆಗಿದೆ ಎಂದು ಹತ್ತಿರದ ಸಂಬಂಧಿಯೊಬ್ಬರು ಹೇಳಿದ್ದಾರೆ.
ಅಲ್ಲಿನ ಅವಘಡದ ಬಗ್ಗೆ ನಮಗೆ ಪೂರ್ಣ ಮಾಹಿತಿ ಇಲ್ಲ. ಕಾರಿಡಾರ್ನಲ್ಲಿ ನಿಂತಿದ್ದ ನೀನೂ ಅವರಿಗೆ ಬೆಂಕಿ ತಗುಲಿದೆ. ಬೆಡ್ರೂಂನಲ್ಲಿದ್ದ ಅನಿಲ್, ಆಕೆಯನ್ನು ರಕ್ಷಿಸಿಲು ಹೋಗಿದ್ದಾರೆ. ಆಗ ಈತನಿಗೂ ಬೆಂಕಿ ತಗುಲಿದೆ ಎಂದು ಸೇಂಟ್ ಥಾಮಸ್ ಮಾರ್ ತೋಮಾ ಚರ್ಚ್ನ ಸೋಜನ್ ಥಾಮಸ್ ಎಂಬುವವರು ತಿಳಿಸಿದ್ದಾರೆ.
ದಂಪತಿಗೆ 4 ವರ್ಷದ ಮಗನಿದ್ದಾನೆ. ಗಾಯಗೊಂಡ ದಂಪತಿಯನ್ನು ಉಮ್ ಅಲ್ ಕ್ವೈನ್ ಪ್ರದೇಶದ ಶೇಕ್ ಖಲೀಫ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿತ್ತು. (ಏಜೆನ್ಸೀಸ್)