ಅಮರಾವತಿ: ಈ ಲಾಕ್ಡೌನ್ ಇದೆ. ಈತ ಆಂಧ್ರಪ್ರದೇಶದ ಪೂರ್ವ ಗೋದಾವರಿ ಜಿಲ್ಲೆಯ ಮಲಕಪಲ್ಲಿ ಗ್ರಾಮದಲ್ಲಿದ್ದಾನೆ…ಪತ್ನಿ ಕುವೈತ್ನಲ್ಲಿ ಸಿಕ್ಕಿಬಿದ್ದಿದ್ದಾಳೆ..!
ದೂರದ ಕುವೈತ್ನಲ್ಲಿ ಕೆಲಸ ಮಾಡುತ್ತಿರುವ ಪತ್ನಿಗೆ ವಾಪಸ್ ಬಾ ಎಂದು ಒಂದೇ ಸಮನೆ ಪೀಡಿಸುತ್ತಿದ್ದ ಈತ ಆಕೆಯನ್ನು ಹೆದರಿಸಲು ಹೋಗಿ ತನ್ನ ಜೀವವನ್ನೇ ಕಳೆದುಕೊಂಡಿದ್ದಾನೆ.
ಜಿ.ಗಣೇಶ್ (35) ಮೃತ. ಈತನ ಪತ್ನಿ ಕುವೈತ್ನಲ್ಲಿ ಕೆಲಸ ಮಾಡುತ್ತಾರೆ. ಪತ್ನಿ ತನ್ನಿಂದ ದೂರ ಇರುತ್ತಾಳೆ ಎಂಬುದು ಇವನ ನೋವು. ಹಲವು ಬಾರಿ ಇಬ್ಬರೂ ವಿಡಿಯೋ ಕಾಲ್ ಮಾಡಿಕೊಂಡು ಮಾತನಾಡಿಕೊಂಡಿದ್ದಾರೆ. ಇದೇ ವಿಚಾರಕ್ಕೆ ಜಗಳವನ್ನೂ ಆಡಿಕೊಂಡಿದ್ದಾರೆ.
ಇದನ್ನೂ ಓದಿ: ಯುವ ಪತ್ರಕರ್ತೆ ಆತ್ಮಹತ್ಯೆ…ರಾಜಕೀಯ ಮುಖಂಡ ಅರೆಸ್ಟ್..
ಹಾಗೇ ಸೋಮವಾರವೂ ಕೂಡ ಪತ್ನಿಗೆ ವಿಡಿಯೋ ಕಾಲ್ ಮಾಡಿದ ಗಣೇಶ್ ಆಕೆಯ ಬಳಿ ಜಗಳವಾಡಿದ್ದಾನೆ. ಕೆಲಸ ಬಿಟ್ಟು ಮನೆಗೆ ಬಾ ಎಂದು ಕರೆದಿದ್ದಾನೆ. ಇವರಿಬ್ಬರ ಮಧ್ಯೆ ಅದೆಷ್ಟೋ ಹೊತ್ತು ಫೋನ್ನಲ್ಲೇ ಗಲಾಟೆ ನಡೆದಿದೆ.
ಬಳಿಕ ಗಣೇಶ್, ನೀನು ಬರದೆ ಇದ್ದರೆ ನಾನು ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಳ್ಳುತ್ತೇನೆ ಎಂದು ಪತ್ನಿಯನ್ನು ಹೆದರಿಸಿದ್ದಾನೆ. ಅಷ್ಟೇ ಅಲ್ಲ, ತಾನಿದ್ದ ಕೋಣೆಯಲ್ಲಿ ಸ್ಟೂಲ್ ಮೇಲೆ ನಿಂತು, ಫ್ಯಾನ್ಗೆ ಹಗ್ಗ ಕಟ್ಟಿಕೊಂಡು ಅದರ ಕುಣಿಕೆಯನ್ನು ತನ್ನ ಕುತ್ತಿಗೆಗೆ ಹಾಕಿಕೊಂಡು, ವಿಡಿಯೋ ಕಾಲ್ನಲ್ಲಿ ಪತ್ನಿಗೆ ತೋರಿಸಿ ಹೆದರಿಸಿದ್ದಾನೆ. ಆದರೆ ಹಾಗೆ ಪತ್ನಿಗೆ ಬ್ಲ್ಯಾಕ್ ಮೇಲ್ ಮಾಡಲು ಪ್ರಯತ್ನಿಸಿದವನಿಗೆ ಆಕಸ್ಮಿಕವಾಗಿ ಕಾಲು ಜಾರಿದೆ. ಸ್ಟೂಲ್ನಿಂದ ಜಾರಿದ ಕೂಡಲೇ ಕುತ್ತಿಗೆಗೆ ಕುಣಿಕೆ ಬಿಗಿದು ಪ್ರಾಣ ಹೋಗಿದೆ. ಪತ್ನಿಗೆ ಅಲ್ಲಿಂದ ಏನೂ ಮಾಡಲು ತೋಚದೆ ಆ ಕ್ಷಣಕ್ಕೆ ಕಂಗಾಲಾಗಿದ್ದಾಳೆ.
ಇದನ್ನೂ ಓದಿ: ‘ಒಮ್ಮೆ ಹೀಗಾದರೆ…ಕರೊನಾದಿಂದ ದೇಶಕ್ಕೊಂದು ಅನುಗ್ರಹ ಸಿಕ್ಕಂತಾಗುತ್ತದೆ’: ಆರೋಗ್ಯ ಸಚಿವ ಹರ್ಷವರ್ಧನ್
ಈ ವಿಚಾರವನ್ನು ಕುಟುಂಬದವರು ವಿಸ್ತಾರವಾಗಿ ಪೊಲೀಸರಿಗೆ ತಿಳಿಸಿದ್ದಾರೆ. ಪೊಲೀಸರು ಸಹ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಹಾಗೇ, ಗಣೇಶ್ನ ಮೊಬೈಲ್ನಲ್ಲಿ ರೆಕಾರ್ಡ್ ಆಗಿರುವ ಮಾತುಕತೆಗಳನ್ನೂ ಪೊಲೀಸರು ಆಲಿಸಿದ್ದಾರೆ. (ಏಜೆನ್ಸೀಸ್)
ಇದನ್ನೂ ಓದಿ: ಅಣ್ಣೋ….. ಇನ್ನೊಂದು ಕ್ವಾರ್ಟರ್ ಕೊಡಣ್ಣಾ…..