ನವದೆಹಲಿ: ಉತ್ಪಾದಕತೆಯಲ್ಲಿ ಭಾರತವನ್ನು ಅಗ್ರಸ್ಥಾನದಲ್ಲಿ ನಿಲ್ಲಿಸಲು ಪ್ರಧಾನಿ ನರೇಂದ್ರ ಮೋದಿಯವರು ಮಾಡುತ್ತಿರುವ ಪ್ರಯತ್ನಗಳಿಗೆ ಪ್ರತಿಫಲ ಸಿಗುತ್ತಿದೆ. ಮೇಡ್ ಇನ್ ಇಂಡಿಯಾ ಯಶಸ್ಸು ಹೇಗಿದೆ ಎಂಬುದನ್ನು ಪ್ರಮುಖ ಉದ್ಯಮಿ, ಮಹೀಂದ್ರಾ ಅಂಡ್ ಮಹೀಂದ್ರಾ ಅಧ್ಯಕ್ಷ ಆನಂದ್ ಮಹೀಂದ್ರಾ ತಮ್ಮ ಅನಿಸಿಕೆ ಮತ್ತು ಅನುಭವವನ್ನು ಕಣ್ಣಿಗೆ ಕಟ್ಟಿದಂತೆ “x”(ಎಕ್ಸ್)ನಲ್ಲಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ಬೀದಿ ವ್ಯಾಪಾರಿಗಳಿಗೆ ಗೂಗಲ್ ಪೇ ಸಾಲ!
ಮೇಕ್ ಇನ್ ಇಂಡಿಯಾ ಭಾಗವಾಗಿ ಟೆಕ್ ದಿಗ್ಗಜ ಗೂಗಲ್ ಗೂಗಲ್ ಫಾರ್ ಇಂಡಿಯಾ ಕಾರ್ಯಕ್ರಮದಲ್ಲಿ ಪ್ರಮುಖ ಪ್ರಕಕಟಣೆ ಮಾಡಿತ್ತು. ಅದೇನೆಂದರೆ ತನ್ನ ಪ್ರೀಮಿಯಂ ಫೋನ್ ಪಿಕ್ಸೆಲ್ ಸೀರಿಸ್ ಅನ್ನು ಭಾರತದಲ್ಲಿ ತಯಾರಿಸುವುದಾಗಿ ಘೋಷಿಸಿತು. ಈ ನಿರ್ದಾರದ ಕುರಿತು ಆನಂದ್ ಮಹೀಂದ್ರಾ ಟ್ವೀಟ್ ಮಾಡಿದ್ದು, ನೆಟ್ಟಿಗರ ಪ್ರಶಂಸೆಗೆ ಕಾರಣವಾಗಿದೆ.
ಭಾರತದಲ್ಲಿ ಪಿಕ್ಸೆಲ್ ಸ್ಮಾರ್ಟ್‌ಫೋನ್‌ಗಳನ್ನು ತಯಾರಿಸುವ ಯೋಜನೆಯ ಅಷ್ಟೇ ಅಲ್ಲ, ಮೇಕ್ ಇನ್ ಇಂಡಿಯಾ ಬಗ್ಗೆ ತಮಗೆ ಅಮೆರಿಕಾದಲ್ಲಿ ಆದ ಅನುಭವ ಹಂಚಿಕೊಂಡಿದ್ದಾರೆ. “ನಾನು ಇತ್ತೀಚೆಗೆ ಅಮೆರಿಕಾಗೆ ಹೋಗಿದ್ದೆ. ಆಗ ಸ್ಥಳೀಯ ಸಿಮ್ ಪಡೆಯಲು ವೆರಿಝೋನ್ ಅಂಗಡಿಗೆ ತೆರಳಿದೆ. ಅಲ್ಲಿ ಭಾರತದಲ್ಲಿ ತಯಾರಾದ ನನ್ನ ಐಫೋನ್ 15ಕ್ಕೆ ಸಿಮ್ ಬೇಕೆಂದು ಕೇಳಿದೆ. ಅದಕ್ಕೆ ಅಂಗಡಿಯವನು ಹುಬ್ಬುಗಳನ್ನು ಏರಿಸಿ ನೋಡುತ್ತಾನೆ. ಆ ಕ್ಷಣ ನನಗೆ ಆನಂದವಾಗಿತ್ತು” ಎಂದು ತಮ್ಮ ಅನುಭವ ಹಂಚಿಕೊಂಡಿದ್ದಾರೆ.
ಅಷ್ಟೇ ಅಲ್ಲ, “ನನ್ನ ಬಳಿ ಗೂಗಲ್ ಪಿಕ್ಸೆಲ್ ಮೊಬೈಲ್ ಕೂಡ ಇದೆ.ಮೇಡ್ ಇನ್ ಇಂಡಿಯಾದ “ಪಿಕ್ಸೆಲ್” ಬಿಡುಗಡೆಯಾದಾಗ ಅದನ್ನೂ ಕೊಂಡುಕೊಳ್ಳುತ್ತೇನೆ ಹಾಗಾಗಿ ನನ್ನ ಪಿಕ್ಸೆಲ್ ಅನ್ನು ಭಾರತದಲ್ಲಿಯೂ ತಯಾರಿಸಲಾಗುತ್ತದೆ ಎಂದು ನಾನು ಮುಂದೆ ಅವರಿಗೆ(ಅಮೆರಿಕಾ) ಹೇಳಬಲ್ಲೆ… ಆದರೆ ಆ ಸಮಯದಲ್ಲಿ ಯಾವುದೇ ಹುಬ್ಬುಗಳು ಮೇಲೇರುವುದಿಲ್ಲ. ಏಕೆಂದರೆ ಆ ಹೊತ್ತಿಗೆ, ಭಾರತವು ಉತ್ಪಾದನಾ ಶಕ್ತಿ ಕೇಂದ್ರವಾಗಿ ಜಾಗತಿಕವಾಗಿ ಗುರುತಿಸಲ್ಪಟ್ಟಿದೆ,” ಎಂದು ಟ್ವೀಟ್ ಮಾಡಿದ್ದಾರೆ. ಈ ಪೋಸ್ಟ್ ಕೆಲವು ಗಂಟೆಗಳಲ್ಲಿ 5.6 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗೊಳಪಟ್ಟಿದೆ. ಶೇರ್ ಗಳ ಜತೆಗೆ ಸುಮಾರು 12,000 ಲೈಕ್‌ಗಳನ್ನು ಪಡೆದುಕೊಂಡಿದೆ.