ಚೆಂಗ್ಡು (ಚೀನಾ): ಕಳೆದ ಆವೃತ್ತಿಯಲ್ಲಿ ಪ್ರಶಸ್ತಿ ಜಯಿಸುವ ಮೂಲಕ ಹೊಸ ಇತಿಹಾಸ ಬರೆದಿರುವ ಭಾರತದ ಪುರುಷ ಷಟ್ಲರ್ಗಳ ತಂಡ ಶನಿವಾರ ಆರಂಭಗೊಳ್ಳಲಿರುವ ಪ್ರತಿಷ್ಠಿತ ಥಾಮಸ್ ಕಪ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಪ್ರಶಸ್ತಿ ಉಳಿಸಿಕೊಳ್ಳಲು ಹೋರಾಡಲಿದೆ. ಭಾರತ ಈ ಸಲವೂ ಬಲಿಷ್ಠ ತಂಡದೊಂದಿಗೆ ಕಣಕ್ಕಿಳಿಯಲಿದ್ದು, ಮೊದಲ ಪಂದ್ಯದಲ್ಲಿ ಥಾಯ್ಲೆಂಡ್ ವಿರುದ್ಧ ಸೆಣಸಲಿದೆ.
ಭಾರತ ತಂಡ ಸಿ ಗುಂಪಿನಲ್ಲಿದೆ. 2022ರ ಆವೃತ್ತಿಯ ಫೈನಲ್ನಲ್ಲಿ ಭಾರತದ ಎದುರು ಸೋತಿದ್ದ 8 ಬಾರಿಯ ಚಾಂಪಿಯನ್ ಇಂಡೋನೇಷ್ಯಾದ ಜತೆಗೆ ಇಂಗ್ಲೆಂಡ್ ಗುಂಪಿನಲ್ಲಿರುವ ಮತ್ತೊಂದು ತಂಡವಾಗಿದೆ. ಪುರುಷರ ವಿಶ್ವ ಚಾಂಪಿಯನ್ಷಿಪ್ ಎಂದೇ ಪರಿಗಣಿಸಬಹುದಾದ “ಥಾಮಸ್ ಕಪ್’ ಜಯಿಸುವ ಮೂಲಕ ಭಾರತ 2 ವರ್ಷಗಳ ಹಿಂದೆ ಬ್ಯಾಡ್ಮಿಂಟನ್ ಜಗತ್ತಿನಲ್ಲಿ ಹೊಸ ಸಂಚಲನ ಮೂಡಿಸಿತ್ತು. ಚೀನಾ ಮತ್ತಿತರ ದೇಶಗಳ ಪ್ರಾಬಲ್ಯಕ್ಕೆ ಸೆಡ್ಡು ಹೊಡೆದು ಭಾರತ ಗಮನಸೆಳೆದಿತ್ತು. ಈ ಬಾರಿ ಮತ್ತೆ ಅದೇ ಸಾಧನೆಯನ್ನು ಪುನರಾವರ್ತಿಸುವುದು ಭಾರತಕ್ಕೆ ಅದಕ್ಕಿಂತಲೂ ದೊಡ್ಡ ಸವಾಲು ಎನಿಸಿದೆ. ಯಾಕೆಂದರೆ ಆಗ ನಿರೀೆಗಳ ಭಾರ ಇರಲಿಲ್ಲ. ಆದರೆ ಈ ಬಾರಿ ಪ್ರಶಸ್ತಿ ಉಳಿಸಿಕೊಳ್ಳುವ ಒತ್ತಡವೂ ತಂಡದ ಮೇಲಿದೆ.
ಬ್ಯಾಂಕಾಕ್ನಲ್ಲಿ ಭಾರತ ಪ್ರಶಸ್ತಿ ಜಯಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಎಚ್ಎಸ್ ಪ್ರಣಯ್, ಲಕ್ಷ$್ಯ ಸೇನ್, ಕಿಡಂಬಿ ಶ್ರೀಕಾಂತ್ ಜತೆಗೆ ಚಿರಾಗ್ ಶೆಟ್ಟಿ&ಸಾತ್ವಿಕ್ ಸಾಯಿರಾಜ್ ಮೇಲೆ ಈ ಸಲವೂ ಹೆಚ್ಚಿನ ನಿರೀೆಗಳಿವೆ. ಪ್ರಿಯಾಂಶು ರಾಜಾವತ್ ಮತ್ತು ಕಿರಣ್ ಜಾರ್ಜ್ ತಂಡದ ಇಬ್ಬರು ಯುವ ತಾರೆಯರಾಗಿದ್ದಾರೆ.
ಹಾಲಿ ವಿಶ್ವ ಚಾಂಪಿಯನ್ ಕುನ್ಲವುತ್ ವಿಟಿಡ್ಸರ್ನ್ ಮತ್ತು ಯುವತಾರೆ ಪನಿತ್ಚಪೋನ್ ತೀರರತ್ಸಕುಲ್ ಒಳಗೊಂಡ ಥಾಯ್ಲೆಂಡ್ ಮೊದಲ ಪಂದ್ಯದಲ್ಲೇ ಸವಾಲೊಡ್ಡಲಿದ್ದರೆ, 3ನೇ ಶ್ರೇಯಾಂಕಿತ ಇಂಡೋನೇಷ್ಯಾ ತಂಡವೂ ಇತ್ತೀಚೆಗೆ ಆಲ್ ಇಂಗ್ಲೆಂಡ್ ಫೈನಲ್ನಲ್ಲಿ ಮುಖಾಮುಖಿ ಆಗಿದ್ದ ಜೊನಾಥನ್ ಕ್ರಿಸ್ಟಿ, ಆಂಥೋನಿ ಗಿನ್ಟಿಂಗ್ರಂಥ ಆಟಗಾರರನ್ನು ಒಳಗೊಂಡಿರುವುದರಿಂದ ಕಠಿಣ ಎದುರಾಳಿಯಾಗಿರಲಿದೆ.
*ಪ್ರಸಕ್ತ ಫಾರ್ಮ್ನಲ್ಲಿ ಹಾಲಿ ವರ್ಷದ ಟೂರ್ನಿ ಅತ್ಯಂತ ಕಠಿಣವಾಗಿರಲಿದೆ. ಹೆಚ್ಚಿನ ತಂಡಗಳು ಬಲಿಷ್ಠ ಮೂವರು ಸಿಂಗಲ್ಸ್ ಆಟಗಾರರನ್ನು ಒಳಗೊಂಡಿವೆ. ಜತೆಗೆ ಚೀನಾ, ಡೆನ್ಮಾರ್ಕ್, ಚೀನಾ ತೈಪೆ, ಜಪಾನ್, ಇಂಡೋನೇಷ್ಯಾ ತಂಡಗಳು ಬಲಿಷ್ಠ ಡಬಲ್ಸ್ ಜೊಡಿಯನ್ನೂ ಒಳಗೊಂಡಿವೆ.
| ಎಚ್ಎಸ್ ಪ್ರಣಯ್
ಉಬೆರ್ ಕಪ್ನಲ್ಲಿ ಭಾರತದ ಯುವ ಷಟ್ಲರ್ಗಳು ಕಣಕ್ಕೆ
ಮಹಿಳೆಯರ ಉಬೆರ್ ಕಪ್ ಟೂರ್ನಿಯಲ್ಲಿ ಭಾರತ ಈ ಬಾರಿ ಯುವ ಷಟ್ಲರ್ಗಳ ತಂಡದೊಂದಿಗೆ ಕಣಕ್ಕಿಳಿಯುತ್ತಿದೆ. ಪ್ಯಾರಿಸ್ ಒಲಿಂಪಿಕ್ಸ್ ಪೂರ್ವಸಿದ್ಧತೆಗಾಗಿ ಬಿಡುವು ಪಡೆದಿರುವ ಅನುಭವಿ ಆಟಗಾರ್ತಿ ಪಿವಿ ಸಿಂಧು ಟೂರ್ನಿಯಿಂದ ಹೊರಗುಳಿದಿದ್ದಾರೆ. ಜತೆಗೆ ಡಬಲ್ಸ್ನಲ್ಲಿ ಪ್ರಮುಖ 2 ಜೋಡಿಗಳಾದ ಅಶ್ವಿನಿ ಪೊನ್ನಪ್ಪ&ತನಿಷಾ ಕ್ರಾಸ್ಟೋ ಮತ್ತು ತ್ರಿಸಾ ಜೋಲಿ&ಗಾಯತ್ರಿ ಗೋಪಿಚಂದ್ ಕೂಡ ಒಲಿಂಪಿಕ್ಸ್ನತ್ತ ಗಮನಹರಿಸುವ ಸಲುವಾಗಿ ಟೂರ್ನಿಯಿಂದ ಹಿಂದೆ ಸರಿದಿದ್ದಾರೆ. ಹೀಗಾಗಿ ಭಾರತ ಬಹುತೇಕ ಹೊಸ ಆಟಗಾರ್ತಿಯರೊಂದಿಗೆ ಹೋರಾಟ ನಡೆಸಲಿದೆ. ಇತ್ತೀಚೆಗೆ ಅಂತಾರಾಷ್ಟ್ರೀಯ ಬ್ಯಾಡ್ಮಿಂಟನ್ನಲ್ಲಿ ಮಿಂಚುತ್ತಿರುವ ಅಶ್ಮಿತಾ ಚಾಲಿಹ, ತನ್ವಿ ಶರ್ಮ, ರಾಷ್ಟ್ರೀಯ ಚಾಂಪಿಯನ್ ಅನ್ಮೋಲ್ ರ್ಖಬ್ ತಂಡದ ಪ್ರಮುಖ ಆಟಗಾರ್ತಿಯರಾಗಿದ್ದಾರೆ. ಎ ಗುಂಪಿನಲ್ಲಿರುವ ಮಹಿಳೆಯರ ತಂಡ ಕೆನಡ ವಿರುದ್ಧ ಅಭಿಯಾನ ಆರಂಭಿಸಲಿದೆ. ಅಗ್ರ ಶ್ರೇಯಾಂಕಿತ ಚೀನಾ ಮತ್ತು ಸಿಂಗಾಪುರ ಗುಂಪಿನಲ್ಲಿರುವ 2 ಬಲಿಷ್ಠ ತಂಡಗಳಾಗಿವೆ. ಹೀಗಾಗಿ ಭಾರತದ ಯುವ ತಂಡಕ್ಕೆ ಲೀಗ್ ಹಂತದಿಂದ ಮೇಲೇರುವುದೇ ಅತ್ಯಂತ ಕಠಿಣ ಸವಾಲೆನಿಸಿದೆ.
ವಿಶ್ವದ ಅತಿವೇಗದ ಓಟಗಾರ ಉಸೇನ್ ಬೋಲ್ಟ್ ಟಿ20 ವಿಶ್ವಕಪ್ಗೆ ಪ್ರಚಾರ ರಾಯಭಾರಿ