ಚೆನ್ನೈ: ತಮಿಳುನಾಡಿನ ಪ್ರಸಿದ್ಧ ಅಮ್ಮಾ ಕ್ಯಾಂಟೀನ್ ಇನ್ನು ಮುಂದೆ ಅಣ್ಣ ಕ್ಯಾಂಟೀನ್ ಆಗಿ ಬದಲಾಗಲಿದೆ. ಡಿಎಂಕೆ ಪಕ್ಷ ಆಡಳಿತಕ್ಕೆ ಬಂದ ಬೆನ್ನಲ್ಲೇ ಕ್ಯಾಂಟೀನ್ನ ಹೆಸರು ಬದಲಾವಣೆ ಮಾಡುವುದಾಗಿ ತಿಳಿಸಿದೆ.
2013ರಲ್ಲಿ ಮುಖ್ಯಮಂತ್ರಿಯಾಗಿದ್ದ ಜಯಲಲಿತಾ ಅಮ್ಮ ಕ್ಯಾಂಟೀನ್ ಆರಂಭಿಸಿದ್ದರು. ಈವರೆಗೆ ಗ್ರೇಟರ್ ಚೆನ್ನೈ ಕಾರ್ಪೋರೇಷನ್ ವತಿಯಿಂದ 407 ಅಮ್ಮಾ ಕ್ಯಾಂಟೀನ್ಗಳನ್ನು ಮಾಡಲಾಗಿದೆ. ಅದರಲ್ಲಿ ಒಂದು ರೂಪಾಯಿಗೆ ಇಡ್ಲಿ, 3 ರೂಪಾಯಿಗೆ ಒಂದು ಪ್ಲೇಟ್ ಅನ್ನ ಸಾಂಬಾರು ಮತ್ತು 3 ರೂಪಾಯಿಗೆ ಒಂದು ಪ್ಲೇಟ್ ಚಪಾತಿ ನೀಡಲಾಗುತ್ತಿದೆ. ಬಡವರ ಹೊಟ್ಟೆ ಖಾಲಿ ಇರಬಾರದು ಎನ್ನುವ ಉದ್ದೇಶದೊಂದಿಗೆ ಆರಂಭಿಸಿದ್ದ ಕ್ಯಾಂಟೀನ್ಗಳಿಗೆ ಡಿಎಂಕೆ ಪಕ್ಷದ ಸ್ಥಾಪಕ ಮತ್ತು ಮಾಜಿ ಮುಖ್ಯಮಂತ್ರಿ ಸಿ.ಎನ್. ಅನ್ನಾ ದುರೈ ಸ್ಮರಣಾರ್ಥ ಅಣ್ಣ ಕ್ಯಾಂಟೀನ್ ಎಂದು ಮರುನಾಮಕರಣ ಮಾಡುವುದಾಗಿ ತಿಳಿಸಲಾಗಿದೆ.
ಡಿಎಂಕೆ ಪಕ್ಷ ರಾಜ್ಯದಲ್ಲಿ ಗೆದ್ದರೆ ರಾಜ್ಯಾದ್ಯಂತ ಕಲೈಗ್ನಾರ್ (ಕಲಾವಿದ) ಹೆಸರಿನಲ್ಲಿ 500 ಕ್ಯಾಂಟೀನ್ಗಳನ್ನು ತೆರೆಯುವುದಾಗಿ ಹೇಳಿತ್ತು. ಗೆದ್ದ ಸಂಭ್ರಮದಲ್ಲಿರುವ ಪಕ್ಷ ತನ್ನ ಮೊದಲನೇ ಹೆಜ್ಜೆಯಾಗಿ ಈ ಕ್ಯಾಂಟೀನ್ಗಳನ್ನು ನಿರ್ಮಿಸುವುದಾಗಿ ಹೇಳಿಕೊಂಡಿದೆ. (ಏಜೆನ್ಸೀಸ್)
ಅಜ್ಜಿ ಮನೆಗೆ ಹೋದವಳ ಬಾಳಲ್ಲಿ ಎಂಟ್ರಿ ಕೊಟ್ಟ ಯುವಕ: ಕೇವಲ 8 ತಿಂಗಳಲ್ಲಿ ನಡೆಯಿತು ದುರಂತ!