ಮುಂಬೈ: ರಾಜಕಾರಣದಲ್ಲಿರುವಂತೆಯೇ ಚಿತ್ರರಂಗದಲ್ಲೂ ವಂಶಪಾರಂಪರ್ಯವಾಗಿ ಮಕ್ಕಳು ಮೊಮ್ಮಕಳೆಲ್ಲಾ ಅಪ್ಪ ಇಲ್ಲ ಅಮ್ಮನ ಹಾದಿ ಹಿಡಿದು ಸ್ಟಾರ್ಗಳಾಗುವುದು ಸಾಮಾನ್ಯ. ಹೀಗಾಗಿ ಅಮಿತಾಭ್ ಬಚ್ಚನ್ರ ಮೊಮ್ಮಗಳಾದ ನವ್ಯ ನಂದ ಕೂಡ ಬಾಲಿವುಡ್ನಲ್ಲಿ ಮಿಂಚಲು ಸಿದ್ಧವಾಗುತ್ತಾಳೆ ಎಂದು ಬಹುತೇಕರು ತಿಳಿದಿದ್ದರು. ಆದರೆ ನವ್ಯ ಬಿಸಿನೆಸ್ ಜಗತ್ತಿನಲ್ಲಿ ತನ್ನದೇ ಆದ ಛಾಪನ್ನು ಒತ್ತಲು ಮುಂದಾಗಿದ್ದಾರೆ.
ಅಮಿತಾಭ್ ಮಗಳಾದ ಶ್ವೇತ ಬಚ್ಚನ್ ಮತ್ತು ಎಸ್ಕಾರ್ಟ್ಸ್ ಗ್ರೂಪ್ನ ಎಂಡಿ ವಾಣಿಜ್ಯೋದ್ಯಮಿ ನಿಖಿಲ್ ನಂದ ಅವರ ಮಗಳಾದ ನವ್ಯ ನವೇಲಿ ನಂದ, ಆಕರ್ಷಕ ವ್ಯಕ್ತಿತ್ವ ಹೊಂದಿದ್ದಾರೆ. ಜೊತೆಗೆ ಬಿಗ್ ಬಿ ಹಿನ್ನೆಲೆಯಿದೆ. ಸೋದರ ಮಾವ ಅಭಿಷೇಕ್ ಬಚ್ಚನ್ ಮತ್ತು ಅತ್ತೆ ಐಶ್ವರ್ಯಾ ಕೂಡ ಸೂಪರ್ಸ್ಟಾರ್ಗಳು. ಆದ್ದರಿಂದ ಗ್ಲಾಮರ್ ಜಗತ್ತನ್ನು ಪ್ರವೇಶಿಬಹುದು ಎಂದು ಜನರ ನಿರೀಕ್ಷೆಯಿತ್ತು. ಆದರೆ, ನವ್ಯಾಗೆ ಬೇರೆಯೇ ಪ್ಲಾನ್ ಇದೆ!
ಇದನ್ನೂ ಓದಿ: ಹೊಸ ತಾಯಿ ಅನುಷ್ಕಾರ ಈ ಪೋಸ್ ನೋಡಿದ್ದೀರಾ ..?!
ವೋಗ್ ಪತ್ರಿಕೆಯೊಂದಿಗೆ ಮಾತನಾಡುತ್ತಾ, ತಮ್ಮ ತಂದೆ ಎಸ್ಕಾರ್ಟ್ಸ್ ಗ್ರೂಪ್ನ ಎಂಡಿ ನಿಖಿಲ್ ನಂದಾರ ಜೊತೆ ಹೆಜ್ಜೆ ಹಾಕುವುದಾಗಿ ತಿಳಿಸಿದ್ದಾರೆ, ನವ್ಯ. ಭಾರತೀಯ ಮಲ್ಟಿನ್ಯಾಷನಲ್ ಕಂಪೆನಿಯಾದ ಎಸ್ಕಾರ್ಟ್ಸ್ ಕಂಪೆನಿಯು ಆಟೋಮೊಬೈಲ್ ಇಂಜಿನಿಯರಿಂಗ್ ಕ್ಷೇತ್ರದಲ್ಲಿ ದೊಡ್ಡ ಹೆಸರು ಹೊಂದಿದೆ. “ನಾನು ಈ ಬಿಸಿನೆಸ್ಅನ್ನು ನಡೆಸಲಿರುವ ನಾಲ್ಕನೇ ಪೀಳಿಗೆಯವಳಾಗುತ್ತೇನೆ ಮತ್ತು ಮೊದಲನೇ ಮಹಿಳೆ ಆಗುತ್ತೇನೆ. ನಮ್ಮ ಮುತ್ತಾತ ಹೆಚ್.ಪಿ.ನಂದ ನಿರ್ಮಿಸಿರುವ ಈ ಪರಂಪರೆಯನ್ನು ಮುಂದುವರಿಸಲು ನನಗೆ ಹೆಮ್ಮೆ ಉಂಟು” ಎಂದಿದ್ದಾಳೆ.
ಡಿಜಿಟಲ್ ಟೆಕ್ನಾಲಜಿ ಮತ್ತು ಯುಎಕ್ಸ್ ಡಿಸೈನ್ನಲ್ಲಿ ಮೇಜರ್ ತೆಗೆದುಕೊಂಡು ಅಮೆರಿಕದ ಫಾರ್ಧಮ್ ಯುನಿವರ್ಸಿಟಿಯಿಂದ ಪದವಿ ಪಡೆದಿರುವ ನವ್ಯ ಈ ಬಗ್ಗೆ ತುಂಬಾ ಉತ್ಸಾಹದಿಂದ ಮಾತನಾಡಿದ್ದಾರೆ. “ಪ್ರತಿದಿನ ಹೆಚ್ಚುಹೆಚ್ಚು ಮಹಿಳೆಯರು ಬಿಸಿನೆಸ್ಗಳನ್ನು ಆರಂಭಿಸುತ್ತಿದ್ದಾರೆ, ಹೊಸ ದಾಖಲೆಗಳನ್ನು ರಚಿಸುತ್ತಿದ್ದಾರೆ. ಇಂಥ ಸಮಯದಲ್ಲಿ ನನ್ನ ಮುಂದಿರುವ ಸಾಧನೆಗಳನ್ನು ಎದುರುನೋಡುತ್ತಿದ್ದೇನೆ” ಎಂದಿದ್ದಾರೆ.
ನವ್ಯ ತಮ್ಮ ಉತ್ಸಾಹಕ್ಕೆ ಈಗಾಗಲೇ ಸಾಕ್ಷಿ ನೀಡಿದ್ದಾರೆ. 2020ರ ಮೇ ತಿಂಗಳಲ್ಲಿ “ಆರಾ ಹೆಲ್ತ್” ಎಂಬ ಮಹಿಳೆಯರಿಗೆ ಆರೋಗ್ಯ ಸೇವೆ ಒದಗಿಸುವ ಆನ್ಲೈನ್ ಕಂಪೆನಿಯನ್ನು ನವ್ಯ, ತನ್ನ ಮೂವರು ಗೆಳತಿಯರೊಂದಿಗೆ ಆರಂಭಿಸಿದ್ದಾರೆ. ಅಷ್ಟೇ ಅಲ್ಲ, ಇತ್ತೀಚೆಗೆ ಜನವರಿ ತಿಂಗಳಲ್ಲಿ, ಭಾರತದಲ್ಲಿ ಲೈಂಗಿಕ ಅಸಮಾನತೆ ನಿವಾರಿಸುವುದಕ್ಕೆ ಮೀಸಲಾದ ‘ಪ್ರಾಜೆಕ್ಟ್ ನವೇಲಿ’ಯನ್ನು ಲಾಂಚ್ ಮಾಡಿದ್ದಾರೆ.(ಏಜೆನ್ಸೀಸ್)
ಪ್ರಿಯಾಂಕಾರ ಆತ್ಮಚರಿತ್ರೆಯಲ್ಲಿದೆ … ‘ಪ್ಲಾಸ್ಟಿಕ್ ಚೋಪ್ರಾ’ ಆದ ಗುಟ್ಟು !
ಕರ್ನಾಟಕದ ಉದ್ಯಮಿ ಶೆಟ್ಟಿಗೆ ಭಾರಿ ಆಘಾತ: ವಿಶ್ವದೆಲ್ಲೆಡೆ ಇರುವ ಆಸ್ತಿಗಳ ಜಪ್ತಿಗೆ ಬ್ರಿಟನ್ ಕೋರ್ಟ್ ಆದೇಶ
‘ನನ್ನ ವಾಲೆಂಟೈನ್ – ಪ್ರತಿದಿನ, ಎಂದೆಂದಿಗೂ’ ಎಂದು ಸನ್ಸೆಟ್ ಫೋಟೋ ಹಾಕಿದ ಅನುಷ್ಕಾ