ಮ್ಯಾಡ್ರಿಡ್: ಈಜುಗಾರನೊಬ್ಬ ದೈತ್ಯ ಹಾಗೂ ಅಪಾಯಕಾರಿ ಶಾರ್ಕ್ ಸಮೀಪದಲ್ಲೇ ಸ್ವಿಮ್ಮಿಂಗ್ ಮಾಡುವ ಮೂಲಕ ಎದೆಗಾರಿಕೆ ಪ್ರದರ್ಶಿಸಿದ್ದು, ಈಜುಗಾರನನ್ನು ಶಾರ್ಕ್ ನೋಡಿತೋ? ಇಲ್ಲವೋ? ಅವನ ಹತ್ತಿರವೇ ಹಾದುಹೋದ ಘಟನೆ ಸ್ಪೇನ್ನ ಮಲಾಗ್ನಲ್ಲಿರುವ ಬೀಚ್ನಲ್ಲಿ ನಡೆದಿದೆ.
ಇದನ್ನೂ ಓದಿ: ಜಡ್ಜ್ ಮನೆಯಿಂದ ಕಳ್ಳರು ದೋಚಿದ ವಸ್ತುವನ್ನು ಕೇಳಿ ಪೊಲೀಸರೇ ಶಾಕ್…!
ಮಲಾಗ್ನ ಆಳವಾದ ತೀರ ಪ್ರದೇಶದಲ್ಲಿ ಶುಕ್ರವಾರ ಪ್ರಸಂಗ ಜರುಗಿದ್ದು, ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.
ವಿಡಿಯೋದಲ್ಲಿ ಏನಿದೆ?: ತನ್ನ ಎದುರಿಗೆ ಬರುವ ಶಾರ್ಕ್ ಅನ್ನು ನೋಡುವ ಈಜುಗಾರ ಕೊಂಚವೂ ಭೀತಿಗೆ ಓಳಗಾಗದೇ ನೀರಿನಲ್ಲಿ ಮುಳುಗಿ ಏಳುತ್ತಾನೆ. ಶಾರ್ಕ್ ಆತನ ಹತ್ತಿರವೇ ಹಾದು ಹೋಗುವಾಗ ಅದರ ಸಮೀಪವೇ ಆತ ಈಜುತ್ತಿರುತ್ತಾನೆ. ಹತ್ತಿರದಲ್ಲೇ ಬೋಟ್ ಒಂದು ಕಾಣಿಸುವುದನ್ನು ನೋಡಿದರೆ, ಈಜುವುದಕ್ಕಾಗಿಯೇ ಬೋಟ್ ತೆಗೆದುಕೊಂಡು ಹೋಗಿ ಮಧ್ಯದಲ್ಲಿ ನಿಲ್ಲಿಸಿ, ಬೋಟ್ನಿಂದ ಜಂಪ್ ಮಾಡಿ ಈಜುತ್ತಿದ್ದ ಎಂದು ತಿಳಿಯುತ್ತದೆ.
ಇದನ್ನೂ ಓದಿ: ಸಿಎಂ ಯೋಗಿ ಆದಿತ್ಯನಾಥ್ರನ್ನು ಬಾಂಬ್ ಸ್ಪೋಟಿಸಿ ಕೊಲ್ಲುವುದಾಗಿ ಬೆದರಿಕೆ ಹಾಕಿದ್ದ ಆರೋಪಿ ಬಂಧನ
ಅದೃಷ್ಟವಶಾತ್ ಶಾರ್ಕ್ ಆತನನ್ನು ನೋಡಿಲ್ಲ ಎಂದೆನಿಸುತ್ತಿದೆ. ಒಂದು ವೇಳೆ ಶಾರ್ಕ್ ಆತನನ್ನು ನೋಡಿದ್ದರೆ, ಅಲ್ಲಿ ನಡೆಯುತ್ತಿದ್ದ ಕತೆಯೇ ಬೇರೆ ಎನ್ನುತ್ತಾರೆ ಪರಿಣಿತರು. ಅಲ್ಲದೆ, ಶಾರ್ಕ್ ಬರೋಬ್ಬರಿ 20 ಅಡಿ ಉದ್ದ ಇರಬಹುದೆಂದು ಅಂದಾಜಿಸಲಾಗಿದೆ. ಏನೇ ಆಗಲಿ ಅಪಾಯಾಕಾರಿ ಶಾರ್ಕ್ ಎದುರು ನಿಂತ ಆತನ ಧೈರ್ಯವನ್ನು ಮೆಚ್ಚಲೇ ಬೇಕು. (ಏಜೆನ್ಸೀಸ್)
Photo Gallery| ಬರ್ತಡೇ ಸಂಭ್ರಮದಲ್ಲಿ ರಾಗಿಣಿ: ತುಪ್ಪದ ಬೆಡಗಿಯ ಬೋಲ್ಡ್ ಫೋಟೋಸ್!