ನವದೆಹಲಿ: ಕೇರಳದ ಕರಿಪ್ಪೂರ್ ವಿಮಾನನಿಲ್ದಾಣದಲ್ಲಿ ಸ್ಕಿಡ್ ಆಗಿ ದುರಂತಕ್ಕೀಡಾದ ವಿಮಾನದ ಪೈಲಟ್ ಕ್ಯಾಪ್ಟನ್ ದೀಪಕ್ ಸಾಠೆ ಅವರು ಭಾರತೀಯ ವಾಯುಪಡೆಯ ರಫೆಲ್ ಸ್ಕ್ವಾಡ್ರನ್ನಲ್ಲಿ ಕೆಲಸ ಮಾಡಿದ ಅನುಭವಿಯಾಗಿದ್ದರು. ಅವರು ರಫೆಲ್ ಸ್ಕ್ವಾಡ್ರನ್ ನಂ.17ರ ಗೋಲ್ಡನ್ ಏರೋಸ್ ಎಂಬ ರಫೆಲ್ ಫೈಟರ್ ಜೆಟ್ನ ಪೈಲಟ್ ಆಗಿ ಸ್ವೋರ್ಡ್ ಆಫ್ ಹಾನರ್ ಪ್ರಶಸ್ತಿ ಪಡೆದವರಾಗಿದ್ದರು.
ಸಾಠೆ ಅವರು ಪುಣೆಯ ನ್ಯಾಷನಲ್ ಡಿಫೆನ್ಸ್ ಅಕಾಡೆಮಿಯ 58ನೇ ಕೋರ್ಸ್ ಬ್ಯಾಚಿನವರು. ಅವರು ಜ್ಯೂಲಿಯೆಟ್ ಸ್ಕ್ವಾಡ್ರನ್ನಲ್ಲಿದ್ದರು. ಅವರು 1981ರ ಜೂನ್ ತಿಂಗಳಲ್ಲಿ ಸ್ವೋರ್ಡ್ ಆಫ್ ಹಾನರ್ನೊಂಧಿಗೆ ಏರ್ಫೋರ್ಸ್ ಅಕಾಡೆಮಿಯಲ್ಲಿ ಉತ್ತೀರ್ಣರಾದವರು. ನಂತರ ಭಾರತೀಯ ವಾಯುಪಡೆಗೆ ಫೈಟರ್ ಪೈಲೆಟ್ ಆಗಿ ಸೇರ್ಪಡೆಗೊಂಡರು ಎಂಬುದನ್ನು ನಿವೃತ್ತ ಏರ್ಮಾರ್ಷಲ್ ಭೂಷಣ್ ಗೋಖಲೆ ನೆನಪಿಸಿಕೊಂಡಿದ್ದಾರೆ.
ಫೈಟರ್ ಜೆಟ್ ಪೈಲಟ್ ಪರಿಣತರಷ್ಟೇ ಅಲ್ಲ ಸಾಠೆ, ಬೋಯಿಂಗ್ 737-800 ಏರ್ಕ್ರಾಫ್ಟ್ ಪೈಲಟ್ ಆಗಿಯೂ ಅನುಭವಿ. ಇದಕ್ಕೂ ಮುನ್ನ ಅವರು ಏರ್ಬಸ್ ಎ-310 ವಿಮಾನವನ್ನು ಚಲಾಯಿಸಿದ್ದರು.
ಇದನ್ನೂ ಓದಿ: ಭಾರತದಲ್ಲಿ ಈ ಹಿಂದೆ ನಡೆದ ವಿಮಾನ ದುರಂತಗಳು
ಕರಿಪ್ಪೂರ್ನಲ್ಲಿ ಸ್ಕಿಡ್ ಆಗಿ ದುರಂತಕ್ಕೀಡಾದ ದುಬೈ-ಕಲ್ಲಿಕೋಟೆ ಏರ್ಇಂಡಿಯಾ ಎಕ್ಸ್ಪ್ರೆಸ್ ವಿಮಾನದಲ್ಲಿ 191 ಪ್ರಯಾಣಿಕರಿದ್ದರು. ಈ ಪೈಕಿ ಇಬ್ಬರು ಪೈಲಟ್ ಸೇರಿ 17 ಜನ ಮೃತಪಟ್ಟಿದ್ದಾರೆ. ಈ ದುರಂತ ನಿನ್ನೆ ರಾತ್ರಿ 7.41ಕ್ಕೆ ಸಂಭವಿಸಿದೆ. ವಿಸ್ತೃತ ತನಿಖೆಗೆ ನಾಗರಿಕ ವಿಮಾನ ಯಾನ ಸಚಿವಾಲಯ ಆದೇಶಿಸಿದೆ. (ಏಜೆನ್ಸೀಸ್)
ಜೋಡಿ ದುರಂತ ಕೇರಳಕ್ಕೆ ಆಘಾತ: 2 ಹೋಳಾದ ವಿಮಾನ, ಭೂಕುಸಿತಕ್ಕೆ 13 ಮಂದಿ ಜೀವಂತ ಸಮಾಧಿ