ಮುಂಬೈ: ಭಾರತೀಯ ಷೇರು ಮಾರುಕಟ್ಟೆಯಲ್ಲಿ ಬುಧವಾರ ಮತ್ತೆ ಗೂಳಿ ಗುಟುರು ಹಾಕಿದೆ. ಈ ಮೂಲಕ ಬಿಎಸ್ಇ ಸೂಚ್ಯಂಕ ಮತ್ತೆ 71000 ಗಡಿಯನ್ನು ದಾಟಿದೆ.
ಲೋಹ, ಸರಕು ಮತ್ತು ಟೆಲಿಕಾಂ ಸ್ಟಾಕ್ಗಳಲ್ಲಿನ ಚೌಕಾಶಿ ಬೇಟೆಯಿಂದ ಕಾರಣದಿಂದ ಕಳೆದ ಎರಡು ದಿನಗಳ ಹಿನ್ನಡೆಯ ನಂತರ ನಂತರ ಈಕ್ವಿಟಿ ಬೆಂಚ್ಮಾರ್ಕ್ ಸೂಚ್ಯಂಕಗಳಾದ ಬಿಎಸ್ಇ ಸೆನ್ಸೆಕ್ಸ್ ಮತ್ತು ನಿಫ್ಟಿ ಬುಧವಾರ ಶೇ 1 ರಷ್ಟು ಏರಿಕೆ ಕಂಡು ತೀವ್ರವಾಗಿ ಚೇತರಿಸಿಕೊಂಡವು.
30-ಷೇರುಗಳ ಬಿಎಸ್ಇ ಸೂಚ್ಯಂಕವು 689.76 ಅಂಕಗಳು ಅಥವಾ ಶೇಕಡಾ 0.98 ರಷ್ಟು ಜಿಗಿದು 71,060.31 ಕ್ಕೆ ಸ್ಥಿರವಾಯಿತು. ಇದು ಇಂಟ್ರಾ-ಡೇ ವಹಿವಾಟಿನಲ್ಲಿ ಗರಿಷ್ಠ 71,149.61 ಮತ್ತು ಕನಿಷ್ಠ 70,001.60 ನಡುವೆ ಚಲಿಸಿತು.
ಎನ್ಎಸ್ಇ ನಿಫ್ಟಿ ಸೂಚ್ಯಂಕ ಕೂಡ 215.15 ಅಂಕಗಳು ಅಥವಾ 1.01 ಶೇಕಡಾ ಏರಿಕೆಯೊಂದಿಗೆ 21,453.95 ಕ್ಕೆ ತಲುಪಿತು.
ಟಾಟಾ ಸ್ಟೀಲ್ ಷೇರುಗಳು ಶೇಕಡಾ 3.77 ಹಾಗೂ ಎಚ್ಸಿಎಲ್ ಟೆಕ್ ಷೇರುಗಳು ಶೇಕಡಾ 3.62 ರಷ್ಟು ಏರಿಕೆ ಕಂಡವು.
ಇಂಡಸ್ಇಂಡ್ ಬ್ಯಾಂಕ್ ಮತ್ತು ಪವರ್ಗ್ರಿಡ್ ಅನುಕ್ರಮವಾಗಿ 3,60 ಮತ್ತು 3.34 ರಷ್ಟು ಲಾಭ ದಾಖಲಿಸಿದವು. ಟೆಕ್ ಮಹೀಂದ್ರಾ, ಹಿಂದೂಸ್ತಾನ್ ಯೂನಿಲಿವರ್, ಬಜಾಜ್ ಫಿನ್ಸರ್ವ್ ಮತ್ತು ಭಾರ್ತಿ ಏರ್ಟೆಲ್ ಕಂಪನಿಗಳ ಷೇರುಗಳು ಕೂಡ ಲಾಭ ಗಳಿಸಿದವು.
ಐಸಿಐಸಿಐ ಬ್ಯಾಂಕ್, ಆಕ್ಸಿಸ್ ಬ್ಯಾಂಕ್, ಏಷ್ಯನ್ ಪೇಂಟ್ಸ್, ಬಜಾಜ್ ಫೈನಾನ್ಸ್ ಮತ್ತು ಟಿಸಿಎಸ್ ಷೇರುಗಳು ಕುಸಿತ ಕಂಡವು.
30-ಷೇರುಗಳ ಬಿಎಸ್ಇ ಸೂಚ್ಯಂಕದಲ್ಲಿ 25 ಷೇರುಗಳ ಬೆಲೆ ಏರಿದರೆ, ಎನ್ಎಸ್ಇ ನಿಫ್ಟಿಯ 50 ಸೂಚ್ಯಂಕದಲ್ಲಿ 43 ಕಂಪನಿಗಳ ಷೇರುಗಳು ಏರಿಕೆ ದಾಖಲಿಸಿದವು.
ಏಷ್ಯಾದ ಇತರೆಡೆಗಳಲ್ಲಿ, ಜಪಾನ್ನ ನಿಕ್ಕಿ ಶೇಕಡಾ 0.80 ರಷ್ಟು ನಷ್ಟ ಅನುಭವಿಸಿತು. ಹಾಂಗ್ ಕಾಂಗ್ನ ಹ್ಯಾಂಗ್ ಸೆಂಗ್ ಶೇಕಡಾ 3.56 ರಷ್ಟು ಏರಿಕೆ ದಾಖಲಿಸಿತು. ಚೀನಾದ ಶಾಂಘೈ ಕಾಂಪೋಸಿಟ್ ಕೂಡ ಶೇ.1.80ರಷ್ಟು ಏರಿಕೆ ಕಂಡಿತು.
ಬುಧವಾರದಂದು ಐರೋಪ್ಯ ಮಾರುಕಟ್ಟೆಗಳು ಏರಿಕೆ ಕಂಡವು, ಜರ್ಮನಿಯ DAX ಮತ್ತು ಫ್ರಾನ್ಸ್ನ CAC 40 ಸೂಚ್ಯಂಕಗಳು ಶೇಕಡಾ 1.00 ಮತ್ತು 0.58 ರಷ್ಟು ಗಳಿಸಿದವು. ಲಂಡನ್ನ ಎಫ್ಟಿಎಸ್ಇ 100 ಸೂಚ್ಯಂಕವು ಶೇ.0.29ರಷ್ಟು ಏರಿಕೆ ಕಂಡಿತು.
ಅಮೆರಿಕ ಮಾರುಕಟ್ಟೆಗಳಲ್ಲಿ, ಡೌ ಮಂಗಳವಾರ ಶೇಕಡಾ 0.25 ರಷ್ಟು ಕುಸಿಯಿತು, ಆದರೆ ಎಸ್ & ಪಿ 500 ಶೇಕಡಾ 0.29 ರಷ್ಟು ಮತ್ತು ಟೆಕ್-ಹೆವಿ ನಾಸ್ಡಾಕ್ ಸೆಶನ್ ಅನ್ನು ಶೇಕಡಾ 0.43 ರಷ್ಟು ಹೆಚ್ಚಳವನ್ನು ದಾಖಲಿಸಿದವು.
ಮಂಗಳವಾರ ಬಿಎಸ್ಇ ಸೂಚ್ಯಂಕವು 1,053.10 ಅಂಕಗಳಷ್ಟು ಕುಸಿದು 70,370.55 ಕ್ಕೆ ಸ್ಥಿರವಾಗಿತ್ತು. ನಿಫ್ಟಿ ಕೂಡ 330.15 ಅಂಕ ಕುಸಿದು 21,241.65 ಕ್ಕೆ ತಲುಪಿತ್ತು.
ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು (ಎಫ್ಐಐ) ಮಂಗಳವಾರ ಬಂಡವಾಳ ಮಾರುಕಟ್ಟೆಯಲ್ಲಿ ನಿವ್ವಳ ಮಾರಾಟಗಾರರಾಗಿದ್ದು, ವಿನಿಮಯ ಕೇಂದ್ರದ ಮಾಹಿತಿಯ ಪ್ರಕಾರ ಅವರು ರೂ 3,115.39 ಕೋಟಿ ಮೌಲ್ಯದ ಷೇರುಗಳನ್ನು ಮಾರಾಟ ಮಾಡಿದ್ದಾರೆ.