ಮುಂಬೈ : ಆನ್ಲೈನ್ ಮದ್ಯ ಮಾರಾಟ ವೇದಿಕೆಯೊಂದು ತಮಗೆ ವಂಚನೆ ಮಾಡಿದೆ ಎಂದು ಹಿರಿಯ ನಟಿ ಶಬಾನಾ ಆಜ್ಮಿ ಆರೋಪಿಸಿದ್ದಾರೆ. ಹಣ ಪಡೆದು ಡೆಲಿವರಿ ನೀಡದೆ, ಫೋನ್ ಕರೆಗಳಿಗೆ ಉತ್ತರ ನೀಡುತ್ತಿಲ್ಲ ಎಂದು ಟ್ವಿಟರ್ ಮೂಲಕ ತಿಳಿಸಿದ್ದಾರೆ.
“ಲಿವಿಂಗ್ ಲಿಖ್ವಿಡ್ಸ್ ಎಂಬ ಸಂಸ್ಥೆಗೆ ನಾನು ಹಣ ಪಾವತಿಸಿದೆ. ಆದರೆ ಆರ್ಡರ್ ನೀಡಿದ ಸಾಮಾನು ಬಾರದಿದ್ದಾಗ, ವಿಚಾರಿಸಲು ಕರೆ ಮಾಡಿದರೆ ಅವರು ಉತ್ತರಿಸುತ್ತಿಲ್ಲ” ಎಂದು ಬರೆದಿರುವ ಆಜ್ಮಿ, ತಾವು ಹಣ ಕಳುಹಿಸಿದ ಬ್ಯಾಂಕ್ ಖಾತೆ ಸಂಖ್ಯೆಯ ವಿವರ ನೀಡಿದ್ದಾರೆ. ಆದರೆ ಎಷ್ಟು ಹಣ ಕಟ್ಟಿದ್ದಾರೆ, ಈ ಬಗ್ಗೆ ದೂರು ನೀಡಿದ್ದಾರಾ ಎಂದು ತಿಳಿಸಿಲ್ಲ.
ಅಕ್ಷಯ್ ಖನ್ನ, ನರ್ಗಿಸ್ ಫಕ್ರಿ ಮತ್ತು ಕರಣ್ ಸಿಂಗ್ ಗ್ರೋವರ್ ಮುಂತಾದ ಬಾಲಿವುಡ್ ಸೆಲೆಬ್ರಿಟಿಗಳು ಈ ಮುಂಚೆ ಈ ರೀತಿ ಆನ್ಲೈನ್ ಸ್ಕಾಮ್ಗಳಿಗೆ ಬಲಿಯಾಗಿರುವುದು ವರದಿಯಾಗಿದೆ. (ಏಜೆನ್ಸೀಸ್)
ಸಾಲದ ಕಂತಿಗೆ ಮನೆಬಾಗಿಲಿಗೆ ಬಂದ ಏಜೆಂಟರು… ಮಾನ ಹೋಯಿತೆಂದು ಸಾವಿಗೆ ಶರಣಾದ ಪ್ಲಂಬರ್