ಬೆಂಗಳೂರು: ನಟಿ ಪ್ರಿಯಾಮಣಿ ಬಹುಭಾಷಾ ನಟಿ ಎಂಬುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಕನ್ನಡದ ಜತೆಗೆ ದಕ್ಷಿಣ ಭಾರತದ ಇತರೇ ಇಂಡಸ್ಟ್ರಿಗಳಲ್ಲಿ ಅವರು ಗುರುತಿಸಿಕೊಂಡಿದ್ದಾರೆ. ಬಾಲಿವುಡ್ನಲ್ಲಿಯೂ ನಟಿಸಿ ಬಂದಿದ್ದಾರೆ. ಈ ನಡುವೆ ಸಿನಿಮಾಗಳ ಜತೆಯಲ್ಲಿಯೇ ಡಿಜಿಟಲ್ ಕಂಟೆಂಟ್ನತ್ತ ಅವರ ಒಲವು ಹೆಚ್ಚಾಗುತ್ತಿದೆ. ಒಂದಾದ ಬಳಿಕ ಒಂದು ಓಟಿಟಿ ಒರಿಜಿನಲ್ಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ. ಇನ್ನೇನು ‘ಹೀಸ್ ಸ್ಟೋರಿ’ ವೆಬ್ಸಿರೀಸ್ ಸಹ ಜೀ5 ಓಟಿಟಿಯಲ್ಲಿ ಏ. 25ಕ್ಕೆ ಪ್ರಸಾರವಾಗಲಿದೆ.
‘ದಿ ಫ್ಯಾಮಿಲಿ ಮ್ಯಾನ್’ ಮೂಲಕ ಓಟಿಟಿ ಕ್ಷೇತ್ರಕ್ಕೆ ಪದಾರ್ಪಣೆ ಮಾಡಿದ್ದ ಪ್ರಿಯಾಮಣಿ, ಆ ವೆಬ್ಸಿರೀಸ್ನಿಂದ ಸಾಕಷ್ಟು ಅವಕಾಶಗಳನ್ನೂ ಪಡೆಯುತ್ತ ಹೋದರು. ಅದಾದ ಬಳಿಕ ‘ಅತೀತ್’ನಲ್ಲಿಯೂ ನಟಿಸಿದರು. ‘ಫ್ಯಾಮಿಲಿ ಮ್ಯಾನ್’ ಸೀಸನ್ ಎರಡರಲ್ಲಿಯೂ ಪ್ರಿಯಾಮಣಿ ನಟಿಸಿದ್ದಾರೆ. ಇದೀಗ ಹೊಸದಾದ ‘ಹೀಸ್ ಸ್ಟೋರಿ’ ಜತೆ ಆಗಮಿಸುತ್ತಿದ್ದಾರೆ.
ಶೀರ್ಷಿಕೆ ಹೇಳುವಂತೆ ಈ ವೆಬ್ಸಿರೀಸ್ನಲ್ಲಿ ವಿಶೇಷವಾದ ಕಥೆಯೊಂದನ್ನು ನಿರ್ದೇಶಕ ಪ್ರಶಾಂತ್ ಭಾಗಿಯಾ ಹೇಳಿದ್ದಾರೆ. ಪತಿ ಮತ್ತು ಪತ್ನಿ ನಡುವೆ ಇನ್ನೊಬ್ಬ ವ್ಯಕ್ತಿಯ ಆಗಮನವಾದಾಗ ಏನೆಲ್ಲ ಘಟಿಸುತ್ತದೆ? ಪತ್ನಿಯ ಬದಲು ಪತಿಯ ಜತೆಗೆ ಪರ ಪುರುಷನೊಬ್ಬ ಸಂಬಂಧ ಇಟ್ಟುಕೊಳ್ಳುವ ಪ್ರಸಂಗವೂ ಈ ವೆಬ್ಸಿರೀಸ್ನಲ್ಲಿದೆ. ಇನ್ನುಳಿದಂತೆ ಹಿಂದಿಯಲ್ಲಿ ಅಜಯ್ ದೇವಗನ್ ಜತೆಗಿನ ‘ಮೈದಾನ್’, ಕನ್ನಡದ ‘ಕೈಮರ’ ಚಿತ್ರ ಶೂಟಿಂಗ್ ಹಂತದಲ್ಲಿದ್ದರೆ, ಡಾ. 56 ಬಿಡುಗಡೆಗೆ ಸಿದ್ಧವಿದೆ.
ಮಾಟ-ಮಂತ್ರಕ್ಕಾಗಿ 13 ವರ್ಷದ ಮಗಳನ್ನೇ ಬಲಿಕೊಟ್ಟಿದ್ದ; ಕೊನೆಗೂ ಸಿಕ್ಕಿಬಿದ್ದ…