ಮುಂಬೈ: ಸಿನಿಮಾ ಚಾನ್ಸ್ ಕೊಡುವುದಾಗಿ ಹೇಳಿ ಅವರನ್ನು ಬೇರೆಯದ್ದೇ ರೀತಿಯಲ್ಲಿ ಬಳಸಿಕೊಳ್ಳುವ ಅನೇಕ ಪ್ರಕರಣಗಳನ್ನು ನಾವು ನೋಡಿದ್ದೇವೆ. ಅದೇ ರೀತಿ ಪ್ರಸಿದ್ಧ ನಿರ್ದೇಶಕರೊಬ್ಬರು ನಟಿಗೆ ಸಿನಿಮಾದಲ್ಲಿ ಅವಕಾಶ ಕೊಡಲು ಹೀರೋ ಜತೆ ಮಲಗಲು ಹೇಳಿದ್ದರೆಂದು ಇದೀಗ ಸ್ವತಃ ನಟಿಯೇ ಬಾಯ್ಬಿಟ್ಟಿದ್ದಾರೆ.
ನಟಿ ಕಿಶ್ವರ್ ಮರ್ಚೆಂಟ್ ಈ ರೀತಿಯ ಆರೋಪವೊಂದನ್ನು ಮಾಡಿದ್ದಾರೆ. ಗರ್ಭಿಣಿಯಾಗಿರುವ ಅವರನ್ನು ಖಾಸಗಿ ಮಾಧ್ಯಮ ಸಂಸ್ಥೆಯೊಂದು ಸಂದರ್ಶನ ಮಾಡುವಾಗ ಅವರು ಈ ಸತ್ಯವನ್ನು ಬಿಚ್ಚಿಟ್ಟಿದ್ದಾರೆ. ಅದೊಂದು ದೊಡ್ಡ ಸಿನಿಮಾವಾಗಿತ್ತು. ಪ್ರಸಿದ್ಧ ಡೈರೆಕ್ಟರ್ ಪ್ರಸಿದ್ಧ ಹೀರೋ ಜತೆಯೇ ಸಿನಿಮಾ ಮಾಡುವುದಾಗಿ ಹೇಳಿದ್ದರು. ಆದರೆ ಆ ಸಿನಿಮಾದಲ್ಲಿ ನಾನು ನಟಿಸುವುದಕ್ಕೆ ಹೀರೋ ಜತೆ ಮಲಗಬೇಕು ಎಂದೂ ಅವರು ಹೇಳಿದ್ದರು. ಸಿನಿಮಾ ಬಗ್ಗೆ ಮೀಟಿಂಗ್ ಮಾಡಲು ಹೋದಾಗ ಆ ರೀತಿ ಹೇಳಿದರು. ಆದರೆ ನಾನು ಆ ಆಫರ್ ಅನ್ನು ಸ್ವೀಕರಿಸದೆ ಹಾಗೆಯೇ ಎದ್ದು ಬಂದೆ ಎಂದು ಅವರು ಹೇಳಿದ್ದಾರೆ.
ಸಿನಿಮಾ ಕ್ಷೇತ್ರ ಪೂರ್ತಿಯಾಗಿ ಅದೇ ರೀತಿ ಇದೆ ಎಂದು ಹೇಳಲಾಗದು. ಹಾಗಂತ ಈ ರೀತಿ ಆಗುವುದೇ ಇಲ್ಲವೆಂದೂ ಹೇಳಲಾಗದು ಎಂದು ನಟಿ ಹೇಳಿದ್ದಾರೆ. ಅಂದ ಹಾಗೆ ಆ ಸಿನಿಮಾದ ಮೀಟಿಂಗ್ನಲ್ಲಿ ನನ್ನ ತಾಯಿಯೂ ನನ್ನ ಜತೆ ಇದ್ದರು ಎಂದು ಅವರು ತಮ್ಮ ಜೀವನದ ಕಹಿ ಘಟನೆಯನ್ನು ಹಂಚಿಕೊಂಡಿದ್ದಾರೆ. (ಏಜೆನ್ಸೀಸ್)
ಶಿಕ್ಷಕಿಯೊಂದಿಗೆ ಅಕ್ರಮ ಸಂಬಂಧ ಬೆಳೆಸಿದ ವ್ಯಕ್ತಿ! ಆಕೆಯ ಟಾರ್ಚರ್ ತಾಳಲಾರದೆ ಆತ್ಮಹತ್ಯೆ!
ಜಾರಕಿಹೊಳಿ ಸಿಡಿ ಪ್ರಕರಣ: ನರೇಶ್, ಶ್ರವಣ್ ಸಲ್ಲಿಸಿರುವ ಜಾಮೀನು ಅರ್ಜಿಗೆ ಆಕ್ಷೇಪಣೆ ಸಲ್ಲಿಸಲು ಮುಂದಾದ ಎಸ್ಐಟಿ