ನಟ ನವೀನ್ ಶಂಕರ್, ನಾಯಕನಾಗಿ ಮಾತ್ರವಲ್ಲದೇ ವಿಲನ್ ಪಾತ್ರಗಳಲ್ಲೂ ತಮ್ಮದೇ ಛಾಪು ಮೂಡಿಸಿದ್ದಾರೆ. ಕಳೆದ ವರ್ಷ ಅವರು ನಟಿಸಿದ ನಾಲ್ಕು ಚಿತ್ರಗಳೂ ಬಾಕ್ಸಾಫಿಸಿನಲ್ಲಿ ಬೌಂಡರಿ, ಸಿಕ್ಸರ್ ಸಿಡಿಸಿ, ಪ್ರೇಕ್ಷಕರ ಮೆಚ್ಚುಗೆ ಪಡೆದಿವೆ. "ಹೊಂದಿಸಿ ಬರೆಯಿರಿ' ಚಿತ್ರದ ರಂಜಿತ್ ಆಗಿ, "ಗುರುದೇವ್ ಹೊಯ್ಸಳ'ದ ಖಡಕ್ ವಿಲನ್ ಬಲಿ ಪಾತ್ರದಲ್ಲಿ, "ಕ್ಷೇತ್ರಪತಿ'ಯ ಜವಾರಿ ಹುಡುಗ ಬಸವನಾಗಿ, "ಸಲಾರ್ 1: ಸೀಸ್ೈರ್'ನಲ್ಲಿ ಪಂಡಿತ್ ಪಾತ್ರದಲ್ಲಿ ಮಿಂಚಿದ್ದರು. ಇದೀಗ ಇಂದು ಹುಟ್ಟುಹಬ್ಬದ ಸಂಭ್ರಮದಲ್ಲಿರುವ ನವೀನ್ ಈ ವರ್ಷವೂ ನಾಲ್ಕು ಸಿನಿಮಾಗಳ ನಿರೀೆಯಲ್ಲಿದ್ದಾರೆ. "ಕಳೆದ ವರ್ಷ ನಾಲ್ಕು ಚಿತ್ರಗಳು ಬಿಡುಗಡೆಯಾದವು. ಪ್ರಚಾರದ ವೇಳೆ ರಾಜ್ಯದ ಮೂಲೆ ಮೂಲೆಗಳಲ್ಲಿ ಜನರನ್ನು ಭೇಟಿ ಮಾಡಿದ್ದು ಖುಷಿಯ ದಿನಗಳು. ಅಷ್ಟೊಂದು ಜನ ನನ್ನನ್ನು ಇಷ್ಟಪಡುತ್ತಾರೆ ಅಂತ ಗೊತ್ತಾಗಿದ್ದೇ ಆಗ. "ಗುಳ್ಟೂ' ಚಿತ್ರದಿಂದ ಹಿಡಿದು, ರಂಜಿತ್, ಬಲಿ, ಪಂಡಿತ್ ಅಂತ ಕೂಗುತ್ತಿದ್ದರು. ಪಾತ್ರದಿಂದ ಗುರುತಿಸಿ ಕರೆದಾಗ ಒಬ್ಬ ಕಲಾವಿದನಿಗೆ ಹೆಚ್ಚು ಖುಷಿಯಾಗುತ್ತದೆ. ಈ ಬಾರಿಯ ಹುಟ್ಟುಹಬ್ಬವನ್ನು ನನ್ನವರು ಅರ್ಥಾತ್ ಅಭಿಮಾನಿಗಳ ಜತೆ ಕಳೆಯಲಿದ್ದೇನೆ' ಎಂದು ಹೇಳಿಕೊಳ್ಳುತ್ತಾರೆ ನವೀನ್ ಶಂಕರ್.
