ನಿನ್ನೆ ಬಾಲಿವುಡ್ನ ಖ್ಯಾತ ನಟ ಇರ್ಫಾನ್ ಖಾನ್ ತಮ್ಮ ಬದುಕಿನ ಪಯಣ ಮುಗಿಸಿದ್ದರು. ಅವರೂ ಕೂಡ ಕ್ಯಾನ್ಸರ್ನಿಂದ ಬಳಲುತ್ತಿದ್ದರು. ಇಂದು ಇನ್ನೋರ್ವ ನಟ ರಿಷಿ ಕಪೂರ್ ನಿಧನರಾಗಿದ್ದಾರೆ. ಹೀಗೆ ಒಬ್ಬರ ಬೆನ್ನಿಗೆ ಒಬ್ಬರಂತೆ ಹಿರಿಯ ನಟರು ಸಾವನ್ನಪ್ಪಿದ್ದು ಇಡೀ ಬಾಲಿವುಡ್ಗೆ ಶಾಕ್ ಆಗಿದೆ.
ರಿಷಿ ಕಪೂರ್ ನಿಧನಕ್ಕೆ ನಟ ಅಮಿತಾಭ್ ಬಚ್ಚನ್ ತೀವ್ರ ದುಃಖ ವ್ಯಕ್ತಪಡಿಸಿದ್ದಾರೆ. ಅಮರ್ ಅಕ್ಬರ್ ಅಂಥೋನಿ, ಕೂಲಿ, ನಸೀಬ್, ಕಭೀ ಕಭೀ ಸೇರಿ ಹಲವು ಸಿನಿಮಾಗಳಲ್ಲಿ ಅಮಿತಾಭ್ ಮತ್ತು ರಿಷಿ ಒಟ್ಟಿಗೇ ನಟಿಸಿ, ಅಭಿಮಾನಿಗಳನ್ನು ರಂಜಿಸಿದ್ದರು.
ರಿಷಿ ಕಪೂರ್ಗೆ 2018ರಲ್ಲಿ ಕ್ಯಾನ್ಸರ್ ಇರುವುದು ಪತ್ತೆಯಾಗಿತ್ತು. ಅದಾದ ಬಳಿಕ ಪತ್ನಿ ನೀತು ಕಪೂರ್ ಜತೆ ಅಮೆರಿಕಕ್ಕೆ ತೆರಳಿ ಅಲ್ಲಿನ ಆಸ್ಪತ್ರೆಯೊಂದರಲ್ಲಿ ಚಿಕಿತ್ಸೆ ಪಡೆದಿದ್ದರು. ಸುಮಾರು 1 ವರ್ಷ ಅಲ್ಲಿಯೇ ಇದ್ದು ವಾಪಸ್ ಬಂದಿದ್ದರು.
ನಿನ್ನೆ ಉಸಿರಾಟದ ಸಮಸ್ಯೆಯಿಂದ ಆಸ್ಪತ್ರೆಗೆ ದಾಖಲಾಗಿದ್ದ ರಿಷಿ ಕಪೂರ್ ಬೆಳಗ್ಗೆಯಷ್ಟರಲ್ಲಿ ಈ ಲೋಕವನ್ನೇ ತೊರೆದಿದ್ದಾರೆ. ಪ್ರೀತಿಯ ಗೆಳೆಯನ ನಿಧನಕ್ಕೆ ಅಮಿತಾಭ್ ಬಚ್ಚನ್ ಟ್ವೀಟ್ ಮೂಲಕ ದುಃಖ ವ್ಯಕ್ತಪಡಿಸಿದ್ದಾರೆ. ‘ರಿಷಿ ಕಪೂರ್ ಹೊರಟು ಹೋದರು..ಅವರು ಹೋದರು..ಈಗಷ್ಟೇ ನಿಧನರಾದರು..ನನಗೆ ಶಾಕ್ನಿಂದ ಹೊರಬರಲಾಗುತ್ತಿಲ್ಲ..’ ಎಂದು ತುಂಬ ಭಾವನಾತ್ಮಕವಾಗಿ ಟ್ವೀಟ್ ಮಾಡಿಕೊಂಡಿದ್ದಾರೆ. (ಏಜೆನ್ಸೀಸ್)