ಚೆನ್ನೈ: ತಮಿಳುನಾಡಿನ ಸೂಪರ್ಸ್ಟಾರ್ ತಲಾ ಅಜಿತ್ ಮನೆಗೆ ಕಿಡಿಗೇಡಿಯೊಬ್ಬ ಬಾಂಬ್ ಬೆದರಿಕೆ ಹಾಕಿದ್ದಾನೆ. ಸೋಮವಾರ ರಾತ್ರಿ ವೇಳೆಗೆ ಅಜಿತ್ ಅವರ ಇಂಜಾಂಬಕಂನಲ್ಲಿನ ಮನೆಗೆ ಬಾಂಬ್ ಇಟ್ಟಿರುವುದಾಗಿ ಅನಾಮಿಕ ವ್ಯಕ್ತಿಯೊಬ್ಬ ಪೊಲೀಸ್ ಠಾಣೆಗೆ ಕರೆ ಮಾಡಿ ಮಾಹಿತಿ ನೀಡಿದ್ದ. ಅದನ್ನು ಆಧರಿಸಿ ನಟನ ಮನೆಗೆ ಹೋದಾಗ ಅಲ್ಲಿ ಬಾಂಬ್ ಇಟ್ಟಿರುವ ಬಗ್ಗೆ ನೀಡಿದ ಮಾಹಿತಿಯೇ ಸುಳ್ಳು ಎಂದು ಗೊತ್ತಾಗಿದೆ.
ಇದನ್ನೂ ಓದಿ: ಚಿತ್ರರಂಗದವರ ಲಸಿಕೆ ಅಭಿಯಾನವನ್ನು ಉದ್ಘಾಟಿಸಿದ ಡಿಸಿಎಂ ಅಶ್ವಥನಾರಾಯಣ್
ತಮಿಳುನಾಡಿನ ಸ್ಟಾರ್ ನಟರ ಮನೆಗೆ ಬಾಂಬ್ ಇಡಲಾಗಿದೆ ಎಂಬ ಮಾಹಿತಿ ಬರುತ್ತಿರುವುದು ಇದೇ ಮೊದಲೇನಲ್ಲ. ಈ ಹಿಂದೆ ಸಾಕಷ್ಟು ಕರೆಗಳು ಚೆನ್ನೈ ಪೊಲೀಸರಿಗೆ ಬಂದಿವೆ. ಕಮಲ್ ಹಾಸನ್ ಅವರಿಂದ ಹಿಡಿದು, ರಜನಿಕಾಂತ್ಮ ವಿಜಯ್ ಮನೆಗೂ ಬಾಂಬ್ ಇಟ್ಟಿರುವುದಾಗಿ ಒಂದಷ್ಟು ಹುಸಿ ಕರೆಗಳು ಬಂದಿದ್ದವು. ಇದೀಗ ಅದೇ ರೀತಿ ಅಜಿತ್ ಮನೆಗೂ ಬಂದಿದೆ. ಅಂದಹಾಗೆ, ಈ ಹಿಂದೆಯೂ ಇಂಥದ್ದೆ ಕರೆಯೊಂದು ಅಜಿತ್ಗೆ ಬಂದಿತ್ತು.
ಇದನ್ನೂ ಓದಿ: ಸಲ್ಮಾನ್ ವೃತ್ತಿಜೀವನವನ್ನು ಸರ್ವನಾಶ ಮಾಡ್ತಾರಂತೆ ಕೆಆರ್ಕೆ
ಕರೆ ಆಧರಿಸಿ 15ಕ್ಕೂ ಅಧಿಕ ಪೊಲೀಸ್ ಸಿಬ್ಬಂದಿ ಅಜಿತ್ ಅವರ ಇಂಜಾಂಬಕಂನಲ್ಲಿನ ಮನೆ ಮತ್ತು ಸುತ್ತಲಿನ ಆವರಣವನ್ನು ಪರಿಶೀಲನೆ ನಡೆಸಿದಾಗ ಅದೆಲ್ಲ ಸುಳ್ಳು ಎಂದು ಗೊತ್ತಾಗಿದೆ. ಫೋನ್ ಕರೆ ಮಾಡಿದ ವ್ಯಕ್ತಿಯ ಕಾಲ್ ರೆಕಾರ್ಡ್ ಟ್ರ್ಯಾಕ್ ಮಾಡಿದರೂ ಯಾವುದೇ ಸೂಕ್ತ ಮಾಹಿತಿ ಲಭ್ಯವಾಗಿಲ್ಲ.