ಬೆಂಗಳೂರು: ಗಂಧದಗುಡಿ ಟೀಸರ್ ನೋಡಿ ಖುಷಿನೂ ಆಗ್ತಿದೆ, ದುಃಖನೂ ಆಗ್ತಿದೆ. ಅರಣ್ಯ ಹಾಗೂ ವನ್ಯಜೀವಿಗಳನ್ನ ಕಾಪಾಡಿ ಕೊಳ್ಳದಿದ್ದರೆ ಪೃಕೃತಿ ವಿಕೋಪ ಸಂಭವಿಸುತ್ತೆ. ಇದು ಈ ಸಂದರ್ಭಕ್ಕೆ ತಕ್ಕಂತಿದೆ. ಆದರೆ, ಇಂತಹದ್ದು ತೆಗೆದ ಮನುಷ್ಯ ಇಲ್ಲ ಅಂದ್ರೆ ಬೇಜಾರು-ನೋವು ಆಗುತ್ತೆ. ಅಪ್ಪು ಇಲ್ಲ ಅನ್ನೋ ಕೊರಗು ಕಾಡ್ತಿದೆ ಎಂದು ನಟ ಶಿವರಾಜ್ಕುಮಾರ್ ಭಾವುಕರಾದರು.
ಪಿಆರ್ಕೆ ಪ್ರೊಡಕ್ಷನ್ ನಿರ್ಮಾಣ ಮಾಡುತ್ತಿರುವ, ನಟ ಪುನೀತ್ ರಾಜ್ಕುಮಾರ್ ಅವರ ಕನಸಿನ ಕೂಸು ‘ಗಂಧದ ಗುಡಿ’ಯ ಟೀಸರ್ ಅಪ್ಪು ಅನುಪಸ್ಥಿತಿಯಲ್ಲೇ ಇಂದು ರಿಲೀಸ್ ಆಯ್ತು. ಎಲ್ಲವೂ ಅಂದುಕೊಂಡಂತೆ ಇದ್ದಿದ್ದರೆ ನ.1ರಂದದೇ ಈ ಟೀಸರ್ ರಿಲೀಸ್ ಆಗಬೇಕಿತ್ತು. ಆದರೆ ಅಪ್ಪು ಅವರ ಅಕಾಲಿಕ ಸಾವಿನಿಂದಾಗಿ ರದ್ದಾಗಿತ್ತು. ಪುನೀತ್ರ ಕನಸನ್ನು ಪತ್ನಿ ಅಶ್ವಿನಿ ಅವರು ನನಸು ಮಾಡುತ್ತಿದ್ದಾರೆ. ‘ಗಂದಧ ಗುಡಿ’ಯಲ್ಲಿ ”ಪವರ್ ಸ್ಟಾರ್” ಎಂದು ಹಾಕಬೇಡಿ ಎಂದು ಅಪ್ಪು ಕೇಳಿಕೊಂಡಿದ್ದು ಅದು ಅವನ ದೊಡ್ಡತನ. ಅಶ್ವಿನಿಗೆ ಪವರ್ ಇದೆ. ಯಾಕಂದ್ರೆ ಅಶ್ವಿನಿ ಮದುವೆಯಾಗಿದ್ದೇ ‘ಪವರ್ ಸ್ಟಾರ್’ನ. ನಾನ್ಯಾವತ್ತೂ ಅಪ್ಪು-ಅಶ್ವಿನಿ ಅವರನ್ನ ಗಂಡ-ಹೆಂಡತಿ ಥರ ನೋಡಿಲ್ಲ. ಫ್ರೆಂಡ್ಸ್ ಥರ ಇದ್ರು. ಅಶ್ವಿನಿ ಎಲ್ಲವನ್ನೂ ನಿಭಾಯಿಸುತ್ತಾರೆ. ನಾನು ಯಾವತ್ತಿದ್ದರೂ ಅವರ ಜತೆಗೆ ಇರ್ತೀವಿ. ನಾನು ನನ್ನ ತಮ್ಮನನ್ನು ಬಿಟ್ಟುಕೊಡಲ್ಲ. ನಾನು ಅಶ್ವಿನಿಯವರ ಜೊತೆ ಸದಾ ಇರುತ್ತೇನೆ. ಅವರ ಕೆಲಸಕ್ಕೆ ಬೆಂಗಾವಲಾಗುತ್ತೇನೆ ಎಂದರು.
ಟೀಸರ್ನಲ್ಲಿ ಅಪ್ಪಾಜಿ ಅವರ ಮುಖ ಕಾಣಿಸದಿದ್ದರೂ ಅವರ ವಾಯ್ಸ್ ಕೇಳಿಸುತ್ತೆ. ಪುನೀತ್ ಮತ್ತು ಅಪ್ಪಾಜಿ ಎರಡೂ ಕಣ್ಣಿದ್ದಂತೆ. ನಾನು ಕಾತರದಿಂದ ಕಾಯುತ್ತಿರುವೆ ಗಂಧದಗುಡಿ ನೋಡಲು. ಅಪ್ಪುಗೆ ಅಪ್ಪ-ಅಮ್ಮನ ಎರಡೂ ಕಲೆ ಒಲಿದು ಬಂದಿದೆ. ನಾವು ಬರೀ ಆ್ಯಕ್ಟಿಂಗ್ ಕಡೆ ಹೋದ್ವಿ. ಅಪ್ಪು ಈ ಡಾಕ್ಯುಮೆಂಟರಿ ಬಗ್ಗೆ ನನ್ನ ಜೊತೆ ಮಾತಾಡಿದ್ದ. ಆದ್ರೆ ತೋರಿಸಿರಲಿಲ್ಲ. ನ.1ರಂದು ರಿಲೀಸ್ ಮಾಡೋದಾಗಿ ಹೇಳಿದ್ರು. ಆಮೇಲೆ ನಾನು-ಅವನು ಮೀಟ್ ಆಗಿದ್ದು ಭಜರಂಗಿ ಸಿನಿಮಾ ಫಂಕ್ಷನ್ನಲ್ಲಿ ಎಂದರು.
ವೈಲ್ಡ್ ಕಾರ್ಡ್ ಲೈಫ್ ಡಾಕ್ಯುಮೆಂಟರಿ ಮಾಡೋದು ಬಹಳ ವಿಶೇವಾಗಿರುತ್ತದೆ. ಸಿನಿಮಾಕ್ಕಾದರೆ ಸೆನ್ಸಾರ್ ಪ್ರಾಬ್ಲಂ ಎಲ್ಲವೂ ಎದುರಾಗುತ್ತದೆ. ಭಜರಂಗಿಯಲ್ಲೂ ಈ ಸಂದೇಶ ಇತ್ತು. ನಾವು ಗ್ರಾಫಿಕ್ಸ್ ಮೂಲಕ ಮಾಡಬೇಕಾಗುತ್ತೆ ಎಂದು ಶಿವಣ್ಣ ಹೇಳಿದರು.
ಅಪ್ಪು ಸರ್ ‘ಗಂಧದ ಗುಡಿ’ ಟೀಸರ್ ನೋಡಿ, ಅದನ್ನು ತೆಗೆದು ಬಿಡಿ ಅಂದ್ರು: ಮಹತ್ವದ ವಿಚಾರ ಹಂಚಿಕೊಂಡ ನಿರ್ದೇಶಕ
ಹಸೆಮಣೆ ಏರಿದ 65 ವರ್ಷದ ಮೈಸೂರಿನ ವೃದ್ಧಜೋಡಿ: 35 ವರ್ಷದ ಬಳಿಕ ಪ್ರಿಯಕರನ ಸೇರಿದ ಪ್ರೇಯಸಿ