ನವದೆಹಲಿ: ದೇಶದ ಜನತೆ ಕೋವಿಡ್-19 ಸೋಂಕಿನಿಂದ ನಿರಾಳಗೊಂಡು ಜನಜೀವನ ಬಹುತೇಕ ಸಹಜ ಸ್ಥಿತಿಗೆ ಮರಳುತ್ತಿರುವ ನಡುವೆಯೇ ಆತಂಕಕಾರಿ ಮಾಹಿತಿಯೊಂದು ಹೊರಬಿದ್ದಿದೆ.
ಅದೇನೆಂದರೆ ಯುಕೆನಲ್ಲಿ ಇದೀಗ ಕೋವಿಡ್ನ ಮತ್ತೊಂದು ರೂಪಾಂತರಿ ವೈರಸ್ ಎಕ್ಇ ಪತ್ತೆಯಾಗಿದ್ದು, ಇದು ಈ ಹಿಂದಿನ ಎಲ್ಲ ರೂಪಾಂತರಿಗಳಿಗಿಂತಲೂ ಹೆಚ್ಚಿನ ಹರಡುವಿಕೆ ಸಾಮರ್ಥ್ಯ ಹೊಂದಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ.
ಇದುವರೆಗೆ ಒಮಿಕ್ರಾನ್ನ ಸಬ್ ವೇರಿಯಂಟ್ ಬಿಎ.2 ವೈರಸ್ ಅತ್ಯಧಿಕ ಹರಡುವ ಸಾಮರ್ಥ್ಯದ್ದು ಎನ್ನಲಾಗಿತ್ತು. ಇದು ಈಗಾಗಲೇ ಜಗತ್ತಿನ ವಿವಿಧ ಭಾಗವನ್ನು ಆವರಿಸಿಕೊಳ್ಳುತ್ತಿದ್ದು, ಯುಎಸ್ನಲ್ಲಿನ ಬಹುತೇಕ ಪ್ರಕರಣಗಳಲ್ಲಿ ಇದು ಪತ್ತೆಯಾಗಿದೆ. ಆದರೆ ಇದೀಗ ಪತ್ತೆಯಾಗಿರುವ ಎಕ್ಸ್ಇ ಅದಕ್ಕಿಂತಲೂ ಶೇ.10 ಅಧಿಕ ಹರಡುವ ಸಾಮರ್ಥ್ಯ ಹೊಂದಿದೆ ಎಂದು ಅದು ಹೇಳಿದೆ.
ಏನಿದು ಎಕ್ಸ್ಇ?: ಕೋವಿಡ್ ವೈರಸ್ನ ಈ ಹೊಸ ರೂಪಾಂತರಿ ಎಕ್ಸ್ಇ, ಒಮಿಕ್ರಾನ್ ಬಿಎ.1 ಮತ್ತು ಬಿಎ.2ನ ಸಂಯುಕ್ತ ರೂಪಾಂತರಿಯಾಗಿದೆ. ಸದ್ಯಕ್ಕೆ ಇದು ಜಗತ್ತಿನ ಕೆಲವೇ ಕೆಲವು ಕಡೆಯಷ್ಟೇ ಪತ್ತೆಯಾಗಿದೆ.
ಅಂಬಾನಿಯನ್ನು ಹಿಂದಿಕ್ಕಿದ ಅದಾನಿ; ಗೌತಮ್ ಈಗ ಏಷ್ಯಾದ ಅತಿ ಶ್ರೀಮಂತ..