ತುಮಕೂರು ಎಸ್​ಪಿ ಸರ್​, ಪ್ಲೀಸ್​ ನೀವೆ ನಮ್ಗೆ ದಾರಿ ತೋರ್ಸಿ... ಮನೆ ಮಾಲೀಕನ ಸಾಲಕ್ಕೆ ಕಂಗಾಲಾದ 35 ಕುಟುಂಬ

ತುಮಕೂರು: ಮನೆ ಮಾಲೀಕನ ಸಾಲಕ್ಕೆ 35 ಮನೆಗಳ ಬಾಡಿಗೆದಾರರು ಅತಂತ್ರರಾಗಿದ್ದಾರೆ. ಲಕ್ಷಾಂತರ ರೂಪಾಯಿ ಹಣ ಕೊಟ್ಟು ಮನೆ ಲೀಸ್​ಗೆ ಹಾಕಿಸಿಕೊಂಡಿದ್ದ ಬಾಡಿಗೆದಾರರು ಇತ್ತ ಹಣವೂ ಇಲ್ಲದೆ, ಅತ್ತ ಮನೆಯೂ ಇಲ್ಲದೆ ಕಂಗಾಲಾಗಿದ್ದಾರೆ.

ತುಮಕೂರಿನ ಬನಶಂಕರಿಯ 2ನೇ ಕ್ರಾಸ್​ನಲ್ಲಿ ಮಂಜುನಾಥ್ ಎಂಬುವವರಿಗೆ ಸೇರಿದ ಕಟ್ಟಡದಲ್ಲಿ 35 ಕುಟುಂಬ ವಾಸವಿದೆ. 35 ಮಂದಿ ಬಾಡಿಗೆದಾರರಿಗೆ ಒಂದೊದು ಮನೆ‌ಯನ್ನು 5 ರಿಂದ 8 ಲಕ್ಷ ರೂ.ಗೆ ಲೀಸ್​ಗೆ ಪಡೆದಿದ್ದಾರೆ. ಆದರೆ, ಈ ಮನೆ ಮೇಲೆ ಬ್ಯಾಂಕ್​ನಿಂದ ಸಾಲ ಪಡೆದಿದ್ದ ಮನೆ ಮಾಲೀಕ ಮಂಜುನಾಥ್, ಹಲವು ವರ್ಷಗಳಿಂದ ಸಾಲದ ಕಂತು ಪಾವತಿಸಿಲ್ಲ. ಸಾಲದ ಹಣ ಕಟ್ಟದೇ ಕಳ್ಳಾಟ ಆಡುತ್ತಿದ್ದ ಮಂಜುನಾಥ್​ರ ಮನೆಗಳನ್ನು ಸಾಲ ಕೊಟ್ಟ ಖಾಸಗಿ ಬ್ಯಾಂಕ್​ ಜ್ಪತಿ ಮಾಡಿಕೊಳ್ಳಲು ಮುಂದಾಗಿದೆ.

ಕೂಡಲೇ ಮನೆ ಖಾಲಿ ಮಾಡುವಂತೆ ಖಾಸಗಿ ಬ್ಯಾಂಕ್ ಸೂಚಿಸಿದೆ. ಅತ್ತ ಲೀಸ್​ಗೆ ಕೊಟ್ಟಿದ್ದ ಹಣವನ್ನು ವಾಪಸ್​ ಕೊಡಿ ಅಂತ ಮನೆ ಮಾಲೀಕ ಮಂಜುನಾಥ್​ರನ್ನ ಕೇಳಿದ್ರೆ ನನ್ನ ಬಳಿ ಹಣವಿಲ್ಲ ಎನ್ನುತ್ತಿದ್ದಾರೆ. ಅವತ್ತು ಕೊಡ್ತೀನಿ, ಇವತ್ತು ಕೊಡ್ತೀನಿ ಅಂತ 6 ತಿಂಗಳಿಂದ ಸಬೂಬು ಹೇಳಿಕೊಂಡೇ ಬರುತ್ತಿದ್ದಾರೆ. ದಿಕ್ಕುತೋಚದ ಬಾಡಿಗೆದಾರರು ತಮ್ಮ ಹಣ ವಾಪಸ್ ಕೊಡಿಸುವಂತೆ ತುಮಕೂರು ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ರಾಹುಲ್ ಕುಮಾರ್​ಗೆ ದೂರು ನೀಡಿದ್ದಾರೆ.

https://www.vijayavani.net/a-pumpset-motar-theft-case-tumkur-gubbi-police-station/

https://www.vijayavani.net/a-god-protection-sindegere-forest/

https://www.vijayavani.net/a-monther-and-son-life-is-tragic-end/

https://www.vijayavani.net/a-woman-writes-message-for-lover-on-rs-10-note-in-viral-pic/