ಬೆಂಗಳೂರು: ಚಂದನವನದ ಖ್ಯಾತ ನಟ, ನಿರ್ದೇಶಕ, ನಿರ್ಮಾಪಕ ಕ್ರೇಜಿಸ್ಟಾರ್ ವಿ. ರವಿಚಂದ್ರನ್ ಅವರ ತಾಯಿ ಪಟ್ಟಮ್ಮಾಳ್ ವೀರಸ್ವಾಮಿ ಇನ್ನಿಲ್ಲ. ತಾಯಿಯನ್ನು ಕಳೆದುಕೊಂಡ ಕುಟುಂಬವೀಗ ಶೋಕಸಾಗರದಲ್ಲಿ ಮುಳುಗಿದೆ. ಅನಾರೋಗ್ಯದಿಂದ ಬಳಲುತ್ತಿದ್ದ ಪಟ್ಟಮ್ಮಾಳ ಅವರು ಮೂರ್ನಾಲ್ಕು ವರ್ಷಗಳಿಂದ ಮಾತು ನಿಂತಿತ್ತು. ಯಾರು ಮಾತನಾಡಿಸಿದರೂ ಸ್ಪಂದಿಸುತ್ತಿರಲಿಲ್ಲ… ಆದರೆ, ರವಿಚಂದ್ರನ್ ಅವರ ಧ್ವನಿ ಕೇಳಿದ್ರೆ ಎಚ್ಚರಗೊಳ್ಳುತ್ತಿದ್ದ ತಾಯಿ, ಕಣ್ಣುಬಿಟ್ಟು ನೋಡುತ್ತಿದ್ದರು…
ಹೌದು, ಈ ಬಗ್ಗೆ ಸ್ವತಃ ರವಿಚಂದ್ರನ್ ಅವರೇ ಈ ಹಿಂದೆ ಸುದ್ದಿಗೋಷ್ಠಿಯಲ್ಲಿ ಹೇಳಿಕೊಂಡಿದ್ದರು. ನಾನು ಅಮ್ಮನ ಕೈ ಮುಟ್ಟಿದರೆ ಎಚ್ಚರ ಆಗುತ್ತಾರೆ, ನನ್ನ ಧ್ವನಿ ಕೇಳಿದ್ರೆ ಕಣ್ಣುಬಿಟ್ಟು ನೋಡುತ್ತಾರೆ… ಎಂದಿದ್ದರು. ನಟ ಪುನೀತ್ ರಾಜ್ಕುಮಾರ್ ಅವರು ನಿಧನರಾದ ದಿನವೂ ಪುಟ್ಟಮ್ಮಾಳ್ ಅವರ ಆರೋಗ್ಯ ಸ್ಥಿತಿ ಮತ್ತಷ್ಟು ಗಂಭೀರವಾಗಿತ್ತು.ಅಮ್ಮನ ಚೇತರಿಕೆಗಾಗಿ ರವಿಚಂದ್ರನ್ ಕುಟುಂಬ ತೀವ್ರಾ ನಿಗಾ ವಹಿಸಿತ್ತಾದರೂ ಫಲಿಸಲಿಲ್ಲ. ಬೆಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಸೋಮವಾರ ಬೆಳಗ್ಗೆ 6.30ರ ಸುಮಾರಿಗೆ ಇಹಲೋಕ ತ್ಯಜಿಸಿದರು.
ಅಂತಿಮ ದರ್ಶನ: ರಾಜಾಜಿನಗರದಲ್ಲಿರುವ ರವಿಚಂದ್ರನ್ ನಿವಾಸದಲ್ಲಿ ಪಟ್ಟಮ್ಮಾಳ್ ಅವರ ಅಂತಿಮ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿದೆ. ಸಂಜೆ 5 ರ ನಂತರ ಗಾಯತ್ರಿ ನಗರದಲ್ಲಿರುವ ಹರಿಶ್ಚಂದ್ರ ಚಿತಾಗಾರದಲ್ಲಿ ಅಂತ್ಯಕ್ರಿಯೆ ನಡೆಸಲು ಕುಟುಂಬಸ್ಥರು ನಿರ್ಧರಿಸಿದ್ದಾರೆ.
ಯೂಕ್ರೇನ್ಗೆ ಸೇರಿದ್ದ ವಿಶ್ವದ ಅತಿದೊಡ್ಡ ವಿಮಾನವನ್ನೂ ನಾಶ ಮಾಡಿದ ರಷ್ಯಾ ಸೇನೆ!
ನಮ್ ದೇಶಕ್ಕೆ ಯಾಕ್ ಬಂದ್ರಿ… ರೈಫಲ್ ಹಿಡಿದ ಸೈನಿಕನಿಗೆ ರಸ್ತೆಯಲ್ಲೇ ಪುಟ್ಟ ಬಾಲಕಿ ಆವಾಜ್! ಮನಕಲಕುತ್ತೆ ಈ ದೃಶ್ಯ