ಬೆಂಗಳೂರು: ಕ್ರೇಜಿ ಸ್ಟಾರ್ ರವಿಚಂದ್ರನ್ ಅವರ ಪುತ್ರ ಮನೋರಂಜನ್ಗೆ ಕಂಣಭಾಗ್ಯ ಕೂಡಿ ಬಂದಿದ್ದು, ಶೀಘ್ರವೇ ಶುಭಕಾರ್ಯ ನಡೆಯಲಿದೆ.
‘ಸಾಹೇಬ’ ಸಿನಿಮಾ ಮೂಲಕ ಸ್ಯಾಂಡಲ್ವುಡ್ಗೆ ಎಂಟ್ರಿಕೊಟ್ಟ ರವಿಚಂದ್ರನ್ ಮತ್ತು ಸುಮತಿ ಅವರ ಮೊದಲ ಪುತ್ರ ಮನೋರಂಜನ್, ಸ್ಟಾರ್ ನಟರಾಗಿದ್ದಾರೆ. ಸಾಹೇಬ, ಮುಗಿಲುಪೇಟೆ, ಬೃಹಸ್ಪತಿ, ಪ್ರಾರಂಭ… ಸಿನಿಮಾಗಳಲ್ಲಿ ಮನೋರಂಜನ್ ನಟಿಸಿದ್ದಾರೆ. ಮೂಲಗಳ ಮಾಹಿತಿ ಪ್ರಕಾರ ಮುಂಬರುವ ಶ್ರಾವಣ ಮಾಸದಲ್ಲಿ ಅಂದರೆ ಆ.21 ಮತ್ತು 22ರಂದು ಮನೋರಂಜನ್ರ ಮದುವೆ ನಡೆಯಲಿದೆ.
ಮನೋರಂಜನ್ರನ್ನು ಕೈಹಿಡಿಯಲಿರುವ ವಧು ವೈದ್ಯಕೀಯ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಇವರ ಬಗ್ಗೆ ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ. ರವಿಚಂದ್ರನ್ ಅವರಿಗೆ ಮೂವರು ಮಕ್ಕಳು. 2019ರಲ್ಲಿ ಮಗಳ ಮದುವೆಯನ್ನು ರವಿಚಂದ್ರನ್ ಅವರು ಅದ್ದೂರಿಯಾಗಿ ಮಾಡಿದ್ದರು. ಇದೀಗ ಮನೋರಂಜನ್ ಮದುವೆ ಬಗ್ಗೆ ಸುದ್ದಿ ಬಂದಿದ್ದು, ಕುಟುಂಬದಿಂದ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. ಕಿರಿಯ ಪುತ್ರ ವಿಕ್ರಮ್ ರವಿಂದ್ರನ್ ಕೂಡ ಸಿನಿಮಾ ರಂಗಕ್ಕೆ ಪ್ರವೇಶಿಸಿದ್ದು, ಚೊಚ್ಚಲ ಸಿನಿಮಾ ‘ತ್ರಿವಿಕ್ರಮ’ ಇತ್ತೀಚಿಗಷ್ಟೇ ತೆರೆಕಂಡಿದೆ.
ಇವರು ನಮ್ಮ ಪಕ್ಷದ ಕಾರ್ಯಕರ್ತ, ಇವರ ಕಾರನ್ನು ಹಿಡಿದು ತೊಂದರೆ ಕೊಡಬಾರದು: ಬಿಜೆಪಿ MLA ಶಿಫಾರಸು
ದಾಂಡೇಲಿಯಲ್ಲಿ ಮಗನಿಂದಲೇ ತಾಯಿ ಮೇಲೆ ಅತ್ಯಾಚಾರ: ಒಂದೇ ದಿನ 2 ಬಾರಿ ಬಲತ್ಕಾರ