ಲಂಡನ್: ನಾನು ಹುಟ್ಟಲೇಬಾರದಿತ್ತು, ನನಗೇಕೆ ಜನ್ಮ ನೀಡಿದೆ? ಎಂದು ತಾಯಿಯನ್ನು ಪ್ರಶ್ನಿಸುತ್ತಾ, ತನ್ನ ತಾಯಿಯ ವೈದ್ಯೆ ವಿರುದ್ಧ ಕೋರ್ಟ್ ಮೆಟ್ಟಿಲೇರಿದ್ದ 20 ವರ್ಷ ಯುವತಿಗೆ ದೊಡ್ಡ ಮೊತ್ತದ ಪರಿಹಾರ ಸಿಕ್ಕಿದೆ.
ಇಂತಹ ವಿಲಕ್ಷಣ ಘಟನೆ ಬ್ರಿಟನ್ನಲ್ಲಿ ಸಂಭವಿಸಿದೆ. ತನ್ನ ತಾಯಿಯ ವೈದ್ಯರ ವಿರುದ್ಧ ದಾವೆ ಹೂಡಿ ಗೆಲುವು ಕಂಡಾಕೆ ಹೆಸರು 20 ವರ್ಷ ಯುವತಿ ಎವೀ ಟೂಂಬೆಸ್. ಈಕೆಯ ತಾಯಿ ಹೆಸರು ಕ್ಯಾರೋಲಿನ್.
2001ರಲ್ಲಿ ಜನಿಸಿದ ಎವೀ ಟೂಂಬೆಸ್, ‘ಸ್ಟಾರ್ ಶೋಜಂಪರ್ ಸ್ಪೈನಾ ಬೈಫಿಡಾ’ ಎಂಬ ಕಾಯಿಲೆಯಿಂದ ಬಳಲುತ್ತಿದ್ದಾಳೆ. ಇದಕ್ಕೆ ನನ್ನ ಅಮ್ಮನಿಗೆ ಚಿಕಿತ್ಸೆ ನೀಡುತ್ತಿದ್ದ ವೈದ್ಯರಾದ ಡಾ.ಫಿಲಿಪ್ ಮಿಚೆಲ್ ಅವರೇ ಕಾರಣ. ನನ್ನನ್ನು ತಪ್ಪಾಗಿ ಹುಟ್ಟಿಸಲಾಗಿದೆ ಎಂದು ಎವೀ ಟೂಂಬೆಸ್ ವಾದಿಸಿದ್ದಾಳೆ. ನಾನು ನನ್ನ ತಾಯಿಯ ಗರ್ಭದಲ್ಲಿದ್ದಾಗ ವೈದ್ಯರು ಸೂಕ್ತ ಮಾತ್ರೆ ಕೊಟ್ಟಿಲ್ಲ. ನನ್ನ ಅಮ್ಮ ಗರ್ಭಿಣಿಯಾಗಿದ್ದ ವೇಳೆ ಆಕೆಗೆ ಸರಿಯಾದ ಆಹಾರ ಕ್ರಮ ಅನುಸರಿಸುವಂತೆ ವೈದ್ಯರು ಹೇಳಿಲ್ಲ. ಅಷ್ಟೇ ಅಲ್ಲ, ಪೋಲಿಕ್ ಆ್ಯಸಿಡ್ ಮಾತ್ರೆಗಳನ್ನು ಸೇವಿಸುವಂತೆ ವೈದ್ಯರು ಹೇಳಿಲ್ಲ. ಪರಿಣಾಮ ನನ್ನ ಬೆನ್ನಹುರಿ ಸರಿಯಾಗಿ ಬೆಳವಣಿಗೆ ಆಗಲಿಲ್ಲ. ಸ್ಪೈನಾ ಬಿಫಿಡಾ ಎಂಬ ಕಾಯಿಲೆಯಿಂದ ಬಳಲುತ್ತಿದ್ದೇನೆ. ದಿನದ 24 ಗಂಟೆಯೂ ಮೂಗಿನ ಮೂಲಕ ಟ್ಯೂಬ್ ಹಾಕಿಕೊಂಡು ಬದುಕಬೇಕಾದ ಪರಿಸ್ಥಿತಿಗೆ ನನ್ನನ್ನು ದೂಡಿದ್ದಾರೆ ಎಂದು ಎವೀ ಟೂಂಬೆಸ್ ಆರೋಪಿಸಿ ಕೋರ್ಟ್ನಲ್ಲಿ ದಾವೆ ಹೂಡಿದ್ದಳು.
ವಿಚಾರಣೆ ನಡೆಸಿದ ಬ್ರಿಟನ್ ಹೈಕೋರ್ಟ್ ಈ ಪ್ರಕರಣ ಸಂಬಂಧ ಡಾ.ಫಿಲಿಪ್ ಮಿಚೆಲ್ರನ್ನು ತಪ್ಪಿತಸ್ಥರೆಂದು ಘೋಷಿಸಿ, ಯುವತಿಗೆ ಪರಿಹಾರ ನೀಡುವಂತೆ ಆದೇಶಿಸಿದೆ. ಮಗುವಿನ ಮೇಲೆ ಪರಿಣಾಮ ಬೀರುವ ಸ್ಪೈನಾ ಬೈಫಿಡಾದ ಅಪಾಯವನ್ನು ಕಡಿಮೆ ಮಾಡಲು ಫೋಲಿಕ್ ಆಮ್ಲ ಟ್ಯಾಬ್ಲೆಟ್ ತೆಗೆದುಕೊಳ್ಳಬೇಕೆಂದು ವೈದ್ಯರು ಕ್ಯಾರೋಲಿನ್ಗೆ ಹೇಳಿದ್ದರೆ ಎವೀ ಟೂಂಬೆಸ್ಗೆ ಇಂಥ ಸ್ಥಿತಿ ಬರುತ್ತಿರಲಿಲ್ಲ ಎಂದು ಕೋರ್ಟ್ ಅಭಿಪ್ರಾಯಪಟ್ಟಿದೆ.
ಹಸೆಮಣೆ ಏರಿದ 65 ವರ್ಷದ ಮೈಸೂರಿನ ವೃದ್ಧಜೋಡಿ: 35 ವರ್ಷದ ಬಳಿಕ ಪ್ರಿಯಕರನ ಸೇರಿದ ಪ್ರೇಯಸಿ
ಗರ್ಭಿಣಿ ಪತ್ನಿಯ ಹತ್ಯೆಗೆ ಯತ್ನಿಸಿ ಎದುರು ಮನೆ ದಂಪತಿಯನ್ನೂ ಕೊಂದ! ಇವನ ಮಾತು ಕೇಳಿದ್ರೆ ಅಹಸ್ಯ ಅನ್ನಿಸುತ್ತೆ