ನವದೆಹಲಿ: ಹಿರಿಯರು ಕರೊನಾ ಸೋಂಕಿಗೆ ಸುಲಭವಾಗಿ ಒಳಗಾಗುತ್ತಾರೆ. ಹೀಗಾಗಿ ಅವರನ್ನು ಹೆಚ್ಚು ಕಾಳಜಿಯಿಂದ ನೋಡಿಕೊಳ್ಳಬೇಕು ಎಂದು ಮನವಿ ಮಾಡಿಕೊಳ್ಳಲಾಗುತ್ತದೆ.
ಈ ನಡುವೆ, ಸೋಂಕಿಗೆ ಒಳಗಾದ ಹಿರಿಯರು ಗುಣಮುಖರಾಗುವುದು ಸಂತಸದ ಸಂಗತಿಯೇ. ಆದರೆ, ಇಲ್ಲಿ ಗೊತ್ತಾಗದ ವಿವರ ಎಂದರೆ ಅವರ ಚಿಕಿತ್ಸೆ ವೆಚ್ಚವಾದ ಮೊತ್ತವೆಷ್ಟು ಎಂಬುದು.
ಅಮೆರಿಕದ ಸಿಯಾಟಲ್ನ 70 ವರ್ಷದ ವ್ಯಕ್ತಿಯೊಬ್ಬ ಕರೊನಾದಿಂದ ಗುಣಮುಖರಾಗಿದ್ದಾರೆ. ಅವರಿಗೆ ನೀಡಲಾದ ಬಿಲ್ನ ವಿವರ ಕೇಳಿದರೆ ಖಂಡಿತ ತಲೆ ತಿರುಗುತ್ತದೆ. ಇನ್ನೂ ಸ್ಪಷ್ಟವಾಗಿ ಹೇಳಬೇಕೆಂದರೆ, ಆತ ನೀಡಿದ ಮೊತ್ತದಿಂದ ಆಸ್ಪತ್ರೆಯನ್ನೇ ಕಟ್ಟಿಸಬಹುದಿತ್ತು….! ಅಲ್ಲದೇ, ಜೀವಕ್ಕೆ ಭಾರಿ ಬೆಲೆ ಇದೆ ಎನ್ನುವುದು ಗೊತ್ತಾಗುತ್ತದೆ.
ಇದನ್ನೂ ಓದಿ; ನಟ ಸುಶಾಂತ್ ಸಿಂಗ್ನ ವೈದ್ಯರನ್ನು ಹುಡುಕುತ್ತಿದ್ದಾರೆ ಪೊಲೀಸರು; ಕೊನೆಯ ಕರೆ ಮಾಡಿದ್ಯಾರಿಗೆ?
ಹಿರಿಯ ನಾಗರಿಕ ಮೈಕಲ್ ಫ್ಲೋರ್ ಸಿಯಾಟಲ್ ಇಸಾಖ್ ಆಸ್ಪತ್ರೆಗೆ ಮಾರ್ಚ್ 4ರಂದು ದಾಖಲಾಗಿದ್ದರು. ಆಸ್ಪತ್ರೆಯಲ್ಲಿ 62 ದಿನಗಳವರೆಗೆ ಅವರಿಗೆ ಚಿಕಿತ್ಸೆ ನೀಡಲಾಗಿದೆ. ಕೋವಿಡ್ ಚಿಕಿತ್ಸೆಗಾಗಿ ಅತಿ ಹೆಚ್ಚು ಕಾಲ ಆಸ್ಪತ್ರೆಯಲ್ಲಿ ವ್ಯಕ್ತಿ ಎಂಬ ಖ್ಯಾತಿಯೂ ಇವರದ್ದಾಗಿದೆ.
ಡಿಸ್ಚಾರ್ಜ್ ವೇಳೆಗೆ ಮೈಕಲ್ ಕೈಗೆ ಬಿಲ್ ಅಲ್ಲ ಬದಲಿಗೆ 180 ಪುಟಗಳ ಪುಸ್ತಕವನ್ನೇ ನೀಡಲಾಗಿತ್ತು. ಒಟ್ಟಾರೆ 1.12 ಮಿಲಿಯನ್ ಡಾಲರ್ (ಅಂದಾಜು 8.14 ಕೋಟಿ ರೂ.) ಪಾವತಿಸುವಂತೆ ಸೂಚಿಸಲಾಗಿತ್ತು. ಇದನ್ನು ನೋಡಿ ಮೈಕಲ್ಗೆ ಹೃದಯಾಘಾತವಾಗಿಲ್ಲ ಎನ್ನುವುದು ಮಾತ್ರ ಸಂತಸದ ಸಂಗತಿಯೇ ಸರಿ.
ಇದನ್ನೂ ಓದಿ; ಬದುಕು ಕ್ಷಣಿಕ ಎಂದಿದ್ದೇಕೆ ಸುಶಾಂತ್ ಸಿಂಗ್; ಅಮ್ಮನ ನೆನೆದು ಬಾರದ ಲೋಕಕ್ಕೆ ಪಯಣ
ಬಿಲ್ನಲ್ಲಿ ಒಟ್ಟಾರೆ 3,000 ಐಟಂಗಳ ವಿವರವಿತ್ತು. 42 ದಿನಗಳ ಕಾಲ ವೆಂಟಿಲೇಟರ್ ಹೊಂದಿದ್ದ ಐಸೋಲೇಷನ್ ವಾರ್ಡ್ನಲ್ಲಿದ್ದರು. 29 ದಿನಗಳ ಕಾಲ ಅವರಿಗೆ ವೆಂಟಿಲೇಟರ್ ನೀಡಲಾಗಿತ್ತು. ಇದರ ವೆಚ್ಚ 4 ಲಕ್ಷ ಡಾಲರ್ ಆಗಿತ್ತು. ಒಂದು ವೇಳೆ ಖರೀದಿಸುವುದಾದರೆ ಅದರ ಬೆಲೆ 82 ಸಾವಿರ ಡಾಲರ್. ಆಸ್ಪತ್ರೆಗೆ ಪಾವತಿಸಿದ ಶುಲ್ಕದಲ್ಲಿ ಅಂಥ ನಾಲ್ಕು ವೆಂಟಿಲೇಟರ್ ಖರೀದಿಸಬಹುದಿತ್ತು. ಇನ್ನು, ಔಷಧ, ಲಸಿಕೆಗಳಿಗೆ ಖರ್ಚಾದ ಮೊತ್ತ ಕೇವಲ ಒಂದು ಲಕ್ಷ ಡಾಲರ್. ಇನ್ನುಳಿದದ್ದು, ಆಸ್ಪತ್ರೆ ವಾಸ, ವೈದ್ಯರ ಶುಲ್ಕಕ್ಕೆ ಖರ್ಚಾಗಿದೆ.
ಜೂನ್ 15ರಿಂದ ಮತ್ತೊಮ್ಮೆ ದೇಶಾದ್ಯಂತ ಸಂಪೂರ್ಣ ಲಾಕ್ಡೌನ್ ; ಇಲ್ಲಿದೆ ಫ್ಯಾಕ್ಟ್ಚೆಕ್