ಬೆಳಗಾವಿ: ಅಂತಾರಾಷ್ಟ್ರೀಯ ಬುಕ್ ಆಫ್ ರೆಕಾರ್ಡ್ಸ್ನಲ್ಲಿ ಬೆಳಗಾವಿಯ ಮೂರುವರೆ ವರ್ಷದ ಬಾಲಕ ಕಾರ್ಟ್ವ್ಹೀಲ್ನಲ್ಲಿ ವಿಶ್ವ ದಾಖಲೆ ಸೃಷ್ಟಿಸುವ ಮೂಲಕ ಜಿಲ್ಲೆಯ ಕೀರ್ತಿ ಹೆಚ್ಚಿಸಿದ್ದಾನೆ.
ನಗರದ ಜಿಲ್ಲಾ ಕ್ರೀಡಾಂಗಣದಲ್ಲಿ ಜೂ.24ರಂದು ಜರುಗಿದ ಕಾರ್ಟ್ ವ್ಹೀಲ್ ಸ್ಪರ್ಧೆಯಲ್ಲಿ ಬೆಳಗಾವಿ ತಾಲೂಕಿನ ಕಂಗ್ರಾಳಿ ಕೆ.ಎಚ್. ಗ್ರಾಮದ ರಾಮನಗರದ ಶ್ರೀಷ ಚವ್ಹಾಣ ಎಂಬ ಬಾಲಕ 30 ಸೆಕೆಂಡ್ಗಳಲ್ಲಿ 27 ಕಾರ್ಟ್ ವ್ಹೀಲ್ ಮಾಡಿ ಅಂತಾರಾಷ್ಟ್ರೀಯ ಬುಕ್ ಆಫ್ ರೆಕಾಡ್ಸ್ನಲ್ಲಿ ದಾಖಲೆ ಸೃಷ್ಟಿಸಿದ್ದಾನೆ.
ಈ ಹಿಂದೆ ಒಂದು ನಿಮಿಷದಲ್ಲಿ 35 ಕಾರ್ಟ್ ವ್ಹೀಲ್ನಲ್ಲಿ ಮಾಡಿದ್ದು, ತನ್ನ ದಾಖಲೆಯನ್ನು ತಾನೇ ಮುರಿದು ಹೊಸ ದಾಖಲೆ ನಿರ್ಮಿಸಿದ್ದಾನೆ. ಯೂ&ಟ್ಯೂಬ್ ನೋಡಿ ಕಾರ್ಟ್ವ್ಹೀಲ್ ಕಲಿತು ಬಳಿಕ ಪುತ್ರನಿಗೆ ಬೆಳಗಾವಿ ಜಿಲ್ಲಾ ಕ್ರೀಡಾಂಗಣದಲ್ಲಿ ತರಬೇತಿ ನೀಡಿದ್ದೇನೆ.
ನನ್ನ ಪುತ್ರ ಕಾರ್ಟ್ ವ್ಹೀಲ್ ಮಾಡುವುದನ್ನು ಚಿತ್ರೀಕರಣ ಮಾಡಿ ವಿಡಿಯೋಗಳನ್ನು ಅಂತಾರಾಷ್ಟ್ರೀಯ ಬುಕ್ ಆಫ್ ರೆಕಾರ್ಡ್ಸ್ಗೆ ಇ&ಮೇಲ್ ಮೂಲಕ ಕಳುಹಿಸಲಾಗಿತ್ತು. ಜು.28ರಂದು ಅಂತಾರಾಷ್ಟ್ರೀಯ ಬುಕ್ ಆಫ್ ರೆಕಾಡ್ಸ್ ರ್ನಲ್ಲಿ ವಿಶ್ವ ದಾಖಲೆ ಸೃಷ್ಟಿಸಿರುವ ಕುರಿತು ಪ್ರಮಾಣ ಪತ್ರ ಬಂದಿದೆ ಎಂದು ಬಾಲಕನ ತಾಯಿ ಅಂಜನಾ ಚವ್ಹಾಣ ತಿಳಿಸಿದ್ದಾರೆ.